HOSEA 5:1 - Ka Baibala Hemolele

¹ ¶ E hoʻolohe ʻoukou i kēia, e nā kāhuna, E hāliu mai ʻoukou, e ko ka hale o kā ʻIseraʻela, A e lohe nā pepeiao, e ko ka hale o ke aliʻi; No ka mea, no ʻoukou ka hoʻohewa, No ka mea, ua lilo ʻoukou i pahele ma Mizepa, A i ʻupena hohola hoʻi ma luna o Tabora.

HOSEA 5:1 Iomraidhean Croise

KA WĀNANA A IEREMIA 11:7

‘No ka mea, ʻōlelo ikaika loa akula au i ko ʻoukou poʻe mākua, i ka lā aʻu i lawe mai ai iā lākou, mai ka ʻāina ʻo ʻAigupita mai, a hiki mai hoʻi i kēia lā, e ala ana nō i ka wanaʻao, me ka ʻōlelo ikaika aku, i ka ʻī ʻana, “E mālama i koʻu leo.”

KA WĀNANA A IEREMIA 13:18

E ʻī aku i ke aliʻi kāne a i ke aliʻi wahine, “E hoʻohaʻahaʻa iā ʻolua iho, E noho i lalo; No ka mea, e hoʻohaʻahaʻa ʻia nō ko ʻolua mau poʻokela, a me ka lei aliʻi o ko ʻolua nani.”

KA WĀNANA A IEREMIA 46:18

“Me aʻu e ola nei,” wahi a ke Aliʻi, Nona ka inoa, ʻo Iēhova o nā kaua, “ʻOiaʻiʻo, me Tabora i waena o nā mauna, A me Karemela ma kahakai, e hele mai nō ia.

HOSEA 10:15

Pēlā ʻo ia e hana mai ai iā ʻoukou, ma Betela, no ko ʻoukou hewa nui; I kakahiaka e ʻoki loa ʻia aku ke aliʻi o kā ʻIseraʻela.

HOSEA 13:8

E hālāwai au me lākou me he bea lā i hoʻonele ʻia, A e haehae au i ka wahī o ko lākou naʻau, A e hoʻopau aku au iā lākou ma laila e like me ka liona: A e haehae ka holoholona o ka wao nahele iā lākou.

HOSEA 4:1

¶ E hoʻolohe ʻoukou, e nā mamo a ʻIseraʻela, i ka ʻōlelo a Iēhova; No ka mea, he hakakā ko Iēhova me nā kānaka o ka ʻāina; No ka mea, ʻaʻohe ʻoiaʻiʻo, ʻaʻohe aloha, ʻAʻohe ʻike i ke Akua ma ka ʻāina.

HOSEA 6:9

E like me ka poʻe hao wale e hoʻohālua ana i ke kanaka; Pēlā nō ka poʻe kāhuna i pepehi wale ma ke ala o Sekema; No ka mea, ke hana nei lākou i ka mea ʻino.

HOSEA 9:8

E kali ana ʻo ʻEperaima i ke kōkua, mai koʻu Akua mai; ʻO ke kāula, he punihei ia ʻo ka mea punihei manu ma kona ʻaoʻao a pau, A he mea inaina ma ka hale o ke Akua.

IOʻELA 1:2

E hoʻolohe ʻoukou i kēia, e ka poʻe kahiko, E hāliu mai ka pepeiao, e ka poʻe a pau o ka ʻāina e noho ana; Ua hiki mai anei kēia i ko ʻoukou mau lā, A i nā lā hoʻi o ko ʻoukou mau mākua?

ʻAMOSA 3:1

¶ E hoʻolohe i kēia ʻōlelo a Iēhova i ʻōlelo mai ai no ʻoukou, e nā mamo a ʻIseraʻela, No ka ʻohana a pau, aʻu i lawe mai ai mai ka ʻāina ʻo ʻAigupita mai, ʻī maila,

ʻAMOSA 7:9

“A e hoʻoneoneo ʻia nā wahi kiʻekiʻe o ʻIsaʻaka, A e wāwahi ʻia nā wahi hoʻāno o kā ʻIseraʻela; A e kūʻē aku au i ka hale o Ieroboama me ka pahi kaua.”

MIKA 3:1

¶ A ʻōlelo akula au, “Ke noi aku nei au, e hoʻolohe ʻoukou, e nā luna o kā Iakoba, A, e nā luna kānāwai o ka hale o kā ʻIseraʻela, ʻAʻole anei no ʻoukou ka ʻike i ka hoʻopono?

MIKA 3:9

Ke noi aku nei au iā ʻoukou, e hoʻolohe i kēia, e nā luna o kā Iakoba, A me nā luna kānāwai o kā ʻIseraʻela, Ka poʻe e hoʻowahāwahā ana i ka pono, A e hoʻololi ana i ka pololei a pau.

MIKA 7:2

Ua nalo ka mea lokomaikaʻi mai ka ʻāina aku; ʻAʻohe mea pono i waena o nā kānaka; Ke hoʻohālua nei lākou a pau no ke koko; Hoʻohei iho lākou, ʻo kēlā mea kēia mea i kona hoahānau, i ka ʻupena.

MALAKI 1:6

¶ “‘Ua hoʻomaikaʻi ke keiki i kona makua kāne, a ʻo ke kauā i kona haku; inā hoʻi he makua wau, ʻauhea lā kuʻu hoʻomaikaʻi ʻia? Inā hoʻi he haku wau, ʻauhea lā hoʻi kuʻu weliweli ʻia?’ Wahi a Iēhova o nā kaua iā ʻoukou, e nā kāhuna hoʻowahāwahā i kuʻu inoa. Ke nīnau mai nei ʻoukou, ‘Ma ke aha kā mākou i hoʻowahāwahā ai i kou inoa?’

MALAKI 2:1

¶ “ʻĀnō hoʻi, e nā kāhuna, no ʻoukou kēia ʻōlelo paipai.

KA BUKE NO NĀ LUNA KĀNĀWAI 4:12

¶ Hōʻike aʻela lākou iā Sisera, ua piʻi aku ʻo Baraka, ke keiki a ʻAbinoama i ka mauna ʻo Tabora.

KA BUKE NO NĀ LUNA KĀNĀWAI 4:6

Hoʻouna ʻo ia, a kiʻi akula iā Baraka, ke keiki a ʻAbinoama, ma Kedesa Napetali, ʻī aʻela iā ia, “ʻAʻole anei i kauoha mai ʻo Iēhova, ke Akua o kā ʻIseraʻela, ʻŌ hele, e hoʻokokoke aku ma ka mauna ʻo Tabora; e lawe pū me ʻoe, i ʻumi tausani kānaka, nā mamo a Napetali, a ʻo nā mamo a Zebuluna.

KA BUKE MUA A SAMUʻELA 7:16

Kaʻahele aʻela ia i kēlā makahiki i kēia makahiki, ma Betela, a ma Gilegala a ma Mizepa e hoʻoponopono i kā ʻIseraʻela ma ia mau wahi a pau.

KA BUKE MUA A SAMUʻELA 7:5

¶ ʻŌlelo akula ʻo Samuʻela, “E hōʻuluʻulu i kā ʻIseraʻela a pau ma Mizepa, a e pule aku au iā Iēhova no ʻoukou.”

KA BUKE MUA A SAMUʻELA 7:6

A hōʻuluʻulu ʻia aʻela lākou ma Mizepa, a hukihuki lākou i ka wai, a ninini akula i mua o Iēhova, a hoʻokē ʻai lākou ia lā, ʻī akula, “Ua hana hewa mākou iā Iēhova.” Hoʻoponopono akula ʻo Samuʻela i nā mamo a ʻIseraʻela ma Mizepa.