HOSEA 4:9 - Ka Baibala Hemolele

⁹ A e like auaneʻi me nā kānaka, pēlā nō me ke kahuna; A e hoʻopaʻi aku au iā lākou e like me ko lākou mau ʻaoʻao, A e hoʻouku aku au iā lākou e like me kā lākou hana ʻana.

HOSEA 4:9 Iomraidhean Croise

NĀ ʻŌLELO AKAMAI A SOLOMONA 11:31

Aia hoʻi, e hoʻouku ʻia ka mea pono ma ka honua; Pēlā nō a ʻoi aku ka mea hewa a me ka ʻino!

NĀ ʻŌLELO AKAMAI A SOLOMONA 12:14

Ma ka hua o ka waha, e māʻona ai ke kanaka i ka maikaʻi; ʻO ka uku o ko ke kanaka lima e hāʻawi ʻia iā ia.

NĀ ʻŌLELO AKAMAI A SOLOMONA 5:22

E puni ka mea hewa i kona hala iho, E hei ʻia hoʻi ʻo ia i ka hei o kona hewa iho.

KA WĀNANA A ʻISAIA 24:2

E hiki mai auaneʻi kēia, e like me kānaka, pēlā nō ke kahuna; e like me ke kauā kāne, pēlā nō kona haku kāne; e like me ke kauā wahine, pēlā nō kona haku wahine; e like me ka mea kūʻai mai, pēlā nō ka mea kūʻai aku; e like me ka mea noi, pēlā nō ka mea hāʻawi; e like me ka mea loaʻa ka uku hoʻopaneʻe, pēlā nō ka mea hāʻawi i ka uku hoʻopaneʻe.

KA WĀNANA A ʻISAIA 3:10

E ʻōlelo aku ʻoukou i nā mea i pono, e pōmaikaʻi lākou, No ka mea, e ʻai nō lākou i ka hua o kā lākou hana ʻana.

KA WĀNANA A IEREMIA 5:31

“Wānana wahaheʻe mai nā kāula, A ma o lākou lā i noho aliʻi ai nā kāhuna; A ua makemake koʻu poʻe kānaka ia mea; A pehea hoʻi ʻoukou e hana ai i ka hopena o ia mea?

KA WĀNANA A ʻEZEKIʻELA 44:10

“A ʻo nā mamo a Levi i hele mamao aku mai oʻu aku nei, i ko ʻIseraʻela ʻauana ʻana, nā mea i ʻauana aku mai oʻu aku nei, ma muli o ko lākou mau akua kiʻi; e halihali nō lākou i ko lākou hewa.

KA WĀNANA A ʻEZEKIʻELA 44:12

“No ka mea, ua lawelawe ia mau mea no lākou ma mua o ko lākou poʻe akua kiʻi, a hoʻohāʻule lākou i ka ʻohana a ʻIseraʻela i ka hewa; no laila, ua hāpai kūʻē au i kuʻu lima iā lākou,” wahi a Iēhova ka Haku, “a e halihali lākou i ko lākou hewa.

HOSEA 1:4

A ʻōlelo maila ʻo Iēhova iā ia, “E kapa aku i kona inoa, ʻo Iezereʻela; no ka mea, ʻaʻole liʻuliʻu aku, a e hoʻopaʻi aku au i ke koko o Iezereʻela ma luna o ko ka hale o Iehu; a e hoʻopau auaneʻi au i ke aupuni o ko ka hale o kā ʻIseraʻela.

HOSEA 10:10

Eia koʻu manaʻo, e hahau aku iā lākou; A e ʻākoakoa mai nā kānaka e kūʻē iā lākou, I kuʻu hoʻopaʻa ʻana iā lākou, no ko lākou mau hewa ʻelua.

HOSEA 12:2

He paio hoʻi ko Iēhova me kā Iuda, A e hoʻopaʻi aku ʻo ia iā Iakoba e like me kona mau ʻaoʻao; E hoʻouku aku kēlā iā ia e like me kāna hana.

HOSEA 12:3

I loko o ka ʻōpū hoʻopaʻa aku ʻo ia i ke kuʻekuʻe wāwae o kona kaikuaʻana, A ma kona ikaika hakakā pū ia me ke Akua.

HOSEA 7:2

ʻAʻole noʻonoʻo ko lākou naʻau i kuʻu hoʻomanaʻo ʻana i ko lākou hewa a pau; ʻĀnō, ua hoʻopuni kā lākou mau hana iā lākou; Eia nō lākou i mua o koʻu maka.

HOSEA 8:13

I ke kaumaha ʻana i kuʻu mau mōhai, ua kaumaha aku lākou i ka ʻiʻo, a ʻai ihola; ʻAʻole i ʻoluʻolu ʻo Iēhova iā lākou; ʻĀnō e hoʻomanaʻo ʻo ia i ko lākou hala; A e hoʻopaʻi hoʻi i ko lākou hewa; A e hoʻi hou lākou i ʻAigupita.

HOSEA 9:15

¶ ʻO ko lākou hewa a pau, aia ma Gilegala; No ka mea, ma laila au i inaina aku ai iā lākou; No ka hewa o kā lākou hana ʻana e kipaku aku ai au iā lākou mai koʻu hale aku, ʻAʻole au e aloha hou aku iā lākou; A ʻo ko lākou mau aliʻi, he poʻe kipi lākou!

HOSEA 9:9

Ua hana hewa nui lākou e like me nā lā o Gibea; No laila, e hoʻomanaʻo mai ia i ko lākou hala, A e hoʻopaʻi mai hoʻi i ko lākou mau hewa.

ZEKARIA 1:6

“Akā, ʻo kaʻu mau ʻōlelo a me koʻu mau kānāwai, aʻu i kauoha aku ai i kaʻu poʻe kauā i ka poʻe kāula, ʻaʻole anei i hoʻokō ʻia ua mau mea lā i nā mākua o ʻoukou? A ua huli mai lākou me ka ʻōlelo aʻe, ‘Me kā Iēhova o nā kaua i manaʻo ai e hana mai iā mākou ma ko mākou mau ʻaoʻao a ma kā mākou mau hana, pēlā nō ia i hana mai ai iā mākou.’”’”

KA ʻEUANELIO I KĀKAU ʻIA AI E MATAIO 15:14

“E waiho pēlā iā lākou; he poʻe alakaʻi makapō lākou no nā makapō; inā he makapō e alakaʻi i ka makapō, e hāʻule pū lāua i loko o ka lua.”