HOSEA 4:8 - Ka Baibala Hemolele

⁸ Ua ʻai lākou i ka hewa o kuʻu poʻe kānaka, A ua kau i ko lākou mau naʻau ma ko lākou lā hala.

HOSEA 4:8 Iomraidhean Croise

KA BUKE ʻALUA NO NĀ ALIʻI 12:16

ʻO ke kālā o ka mōhai lawehala a me ke kālā o ka mōhai hala, ʻaʻole i lawe ʻia mai i loko o ka hale o Iēhova; na nā kāhuna nō ia.

KA BUKE O NĀ HALELŪ 24:4

ʻO ka mea lima paumāʻele ʻole a me ka naʻau maʻemaʻe; ʻO ka mea i paulele ʻole kona ʻuhane i ka mea lapuwale; ʻAʻole hoʻi i hoʻohiki i ke Akua me ka wahaheʻe;

KA BUKE O NĀ HALELŪ 25:1

¶ E Iēhova, ke hāpai nei au i koʻu ʻuhane iā ʻoe.

KA WĀNANA A ʻISAIA 56:11

ʻO ia, he poʻe ʻīlio pōloli wale, ʻAʻole i ʻike lākou i ka māʻona; He poʻe kahu hipa lākou hiki ʻole ke hoʻomaopopo; Huli nō lākou a pau i ko lākou ʻaoʻao iho, ʻO kēlā mea kēia mea i kona waiwai paneʻe, ma kona wahi iho.

KA WĀNANA A ʻEZEKIʻELA 14:3

“E ke keiki a ke kanaka, ua kūkulu kēia poʻe kānaka i ko lākou mau kiʻi i loko o ko lākou mau naʻau, a waiho iho i ko lākou mea hoʻowalewale i ka hewa i mua o ko lākou alo; e nīnau ʻia mai anei au e lākou?

KA WĀNANA A ʻEZEKIʻELA 14:7

“No ka mea, ʻo kēlā mea kēia mea o ka ʻohana a ʻIseraʻela, a ʻo ka malihini e noho iki ana i loko o kā ʻIseraʻela, i hoʻokaʻawale iā ia iho mai oʻu aku nei, a kūkulu hoʻi i kona mau kiʻi i loko o kona naʻau, a waiho iho hoʻi i kona mea e hoʻowalewale ai i ka hewa i mua o kona alo, a hele mai hoʻi i ke kāula e nīnau mai noʻu; naʻu na Iēhova e haʻi aku iā ia ma oʻu iho nō.

HOSEA 10:13

Ua mahi ʻoukou ma ka pono ʻole, a ua ʻohi ʻoukou i ka hewa; A e ʻai ʻoukou i ka hua o ka wahaheʻe; No ka mea, ua hilinaʻi ʻoe ma kou ʻaoʻao iho, A i ka lehulehu o kou poʻe ikaika.

HOSEA 12:8

A ʻī ihola ʻo ʻEperaima, “Ua lako nō naʻe wau, Ua loaʻa iaʻu ka waiwai; Ma kaʻu mau hana a pau ʻaʻole i loaʻa kuʻu hewa, ka mea i hewa ai au.”

HOSEA 14:1

¶ E kā ʻIseraʻela, e huli mai ʻoe iā Iēhova kou Akua; No ka mea, ua hāʻule ʻoe ma kou hewa iho.

KA BUKE ʻAKOLU A MOSE, I KAPA ʻIA ʻOIHANA KAHUNA 6:22

“A ʻo ke kahuna no nā keiki mai āna i poni ʻia no kona wahi, ʻo ia ka mea nāna ia e mōhai aku; he kānāwai mau ia no Iēhova, e pau loa ia i ke ahi.

KA BUKE ʻAKOLU A MOSE, I KAPA ʻIA ʻOIHANA KAHUNA 6:26

‘ʻO ke kahuna nāna ia i mōhai aku, ʻo ia ke ʻai ia mea; ma kahi hoʻāno nō ia e ʻai ʻia ai, ma loko o ka pā o ka halelewa o ke anaina.

MIKA 3:11

Ua hoʻoponopono ka luna ona no ka uku, A ua aʻo aku kāna mau kāhuna no ke kumu, A ua wānana kāna mau kāula no ke kālā; Akā, e hilinaʻi lākou ma luna o Iēhova, i ka ʻī ʻana aʻe, “ʻAʻole anei ʻo Iēhova i waena o kākou? ʻAʻole e hiki mai ka ʻino ma luna o kākou.”

MALAKI 1:10

“ʻO wai lā ka mea o ʻoukou e pani wale i nā puka? ʻAʻole ʻoukou e kuni makehewa ma luna o kuʻu kuahu. ʻAʻole au i ʻoluʻolu iā ʻoukou, wahi a Iēhova o nā kaua; “ʻaʻole hoʻi e maliu au i ka mōhai na ko ʻoukou lima mai.

ʻO KA ʻEPISETOLE A PAULO KA LUNAʻŌLELO I KO ROMA 16:18

No ka mea, ke mālama ʻole nei ua poʻe lā i ka Haku iā Iesū Kristo; akā, i ko lākou ʻōpū iho nō; a ma ka malimali a me ka ʻōlelo hoʻomaikaʻi, ke hoʻowalewale nei lākou i nā naʻau o ka poʻe noʻonoʻo ʻole.

ʻO KA ʻEPISETOLE A PAULO IĀ TITO 1:11

E pono ke hoʻopaʻa ʻia ko lākou mau waha, ko ka poʻe i hoʻokahuli i ko nā hale ʻokoʻa, me ke aʻo ʻana aku i nā mea e pono ʻole ai iā lākou ke aʻo, no ka waiwai ʻino.

ʻO KA ʻEPISETOLE HOʻOLAHA ʻALUA A PETERO 2:3

A no ka puni waiwai, e kūʻai nō lākou iā ʻoukou, me ka ʻōlelo wahaheʻe; ʻaʻole hoʻi e hoʻokaʻulua loa ko lākou hoʻohewa ʻia, ʻaʻole e hiamoe ko lākou make.

KA BUKE MUA A SAMUʻELA 2:29

‘No ke aha lā ʻoukou e keʻehi aku ai i kuʻu mōhai, a me kuʻu ʻālana aʻu i kauoha aku ai ma kuʻu hale; a hoʻohanohano ʻoe i kāu mau keiki ma luna oʻu e hoʻomomona ana ʻoukou iā ʻoukou iho i nā mea maikaʻi o nā mōhai a pau a kā ʻIseraʻela, a kuʻu poʻe kānaka?’