HOSEA 4:3 - Ka Baibala Hemolele

³ No ia mea, e kanikau auaneʻi ka ʻāina, A e nāwaliwali nā mea a pau e noho ana ma luna ona, Me nā holoholona o ke kula, a me nā manu o ka lewa; ʻO ia, e lawe ʻia aku hoʻi nā iʻa o ke kai.

HOSEA 4:3 Iomraidhean Croise

KA WĀNANA A ʻISAIA 33:9

Ua uē ka ʻāina, ua kanikau hoʻi; Ua hilahila ʻo Lebanona, ua mae wale; Ua like ʻo Sārona me ka wao nahele; Lūlū iho ʻo Basana, a me Karemela i nā lau.

KA WĀNANA A IEREMIA 12:4

Pehea lā ka lōʻihi o ke kūmākena ʻana o ka ʻāina, A me ka mae wale ʻana o nā laʻalāʻau o ke kula, No ka hewa o ka poʻe e noho ana ma loko? Ua lawe ʻia aku nā holoholona, a me nā manu; No ka mea, ʻōlelo nō lākou, “ʻAʻole ia e ʻike mai i ko mākou hopena.”

KA WĀNANA A IEREMIA 23:10

No ka mea, ua piha ka ʻāina i ka poʻe moekolohe; No ka mea, ke kūmākena nei ka ʻāina, no ka hoʻohiki ʻino ʻana; Ua maloʻo hoʻi nā wahi maikaʻi o ka wao nahele; Ua hewa ko lākou holo ʻana, ʻAʻole hoʻi i pono ko lākou ikaika.

KA WĀNANA A IEREMIA 4:25

Nānā akula au, aia hoʻi, ʻaʻohe kanaka, A ua heʻe akula nā manu a pau o ka lani.

KA WĀNANA A IEREMIA 9:10

¶ E olo nō wau i ka pihe no nā mauna, me ka uē aku, A e kūmākena nō hoʻi no nā wahi mauʻu o ka wao nahele; No ka mea, ua pau lākou i ke ahi; No laila, ʻaʻole hiki kekahi ke hele ma laila, ʻAʻole hoʻi e lohe ʻia ka leo o nā holoholona. Ua holo aku nō ka manu o ka lewa, a me ka holoholona, Ua hala lākou.

KA WĀNANA A IEREMIA 9:9

“ʻAʻole anei au e hoʻopaʻi iā lākou no kēia mau mea,” wahi a Iēhova? “ʻAʻole anei e kō ka ukiuki o kuʻu ʻuhane i ka lāhui kanaka e like me kēia?”

KA WĀNANA A ʻEZEKIʻELA 38:20

“E haʻalulu hoʻi ma kou alo nā iʻa o ke kai, nā manu hoʻi o ka lewa, nā holoholona hoʻi o ke kula, a me nā mea kolo a pau e kolo ana ma ka lepo, a me nā kānaka a pau e noho ana ma luna o ka honua, a e hoʻohiolo ʻia nā mauna i lalo, a e hiolo nō nā ala piʻi, a e hiolo nō nā pā a pau i lalo i ka lepo.

IOʻELA 1:18

Nani ka ʻū ʻana o nā holoholona! Ua pilikia nā kumu bipi; No ka mea, ʻaʻohe ʻai na lākou; Ua hoʻopau ʻia hoʻi nā kumu hipa.

ʻAMOSA 1:2

A ʻī akula ia, “E uō mai ʻo Iēhova mai Ziona mai, A e hoʻopuka mai i kona leo mai Ierusalema mai; E uē nō nā wahi noho o nā kahu hipa, A e maloʻo ka piko o Karemela.”

ʻAMOSA 5:16

¶ No ia hoʻi, ke ʻōlelo mai nei ʻo Iēhova, ke Akua o nā kaua, ka Haku, pēnēia: “Ma nā alanui a pau he auē ʻana; A ma nā wahi i waho a pau, e ʻōlelo lākou, ‘Auē! Auē!’ A e kāhea aku lākou i ka mea mahi ʻai i ka ʻū ʻana, A i ka poʻe ʻike e kanikau i ka uē ʻana.

ʻAMOSA 8:8

“ʻAʻole anei e haʻalulu ka ʻāina no kēia mea, A e auē nā mea a pau e noho ana i loko ona? A e piʻi aʻe ia me he Muliwai lā a puni ona; A e laweʻia aku ia, a e hālana aʻe ia e like me ka Muliwai o ʻAigupita.

NAHUMA 1:4

Pāpā aku nō ia i ke kai, a hoʻomaloʻo ihola ia mea, A hoʻomaloʻo iho i nā muliwai a pau; Ua mae ʻo Basana, a me Karemela; A ua mae ka pua o Lebanona.

ZEPANIA 1:3

“E lawe auaneʻi au i nā kānaka a me nā holoholona; E lawe auaneʻi au i nā manu o ka lewa, A me nā iʻa o ke kai, A me nā mea e hina ai, me ka poʻe hewa; A e hōʻoki iho hoʻi au i nā kānaka mai luna aku o ka ʻāina,” wahi a Iēhova.

ZEKARIA 5:4

“Ua lawe mai nei au ia,” wahi a Iēhova o nā kaua, “a e komo aku ia i loko o ka hale o ka ʻaihue, a ʻo ka hale o ka mea e hoʻohiki wahaheʻe ana ma koʻu inoa; e noho ia i loko o kona hale, a e hoʻopau ʻo ia ia mea me ka lāʻau a me ka pōhaku ona.”