HOSEA 4:16 - Ka Baibala Hemolele

¹⁶ No ka mea, ua paʻakikī ʻo kā ʻIseraʻela, E like me ka paʻakikī o ka bipi wahine hou; ʻĀnō e hānai ʻo Iēhova iā lākou, E like me ke keiki hipa ma kahi ākea.

HOSEA 4:16 Iomraidhean Croise

KA BUKE O NĀ HALELŪ 78:8

I like ʻole lākou me ko lākou poʻe kūpuna, He hanauna kūʻē, a kipi hoʻi; He hanauna hoʻoponopono ʻole i ko lākou naʻau, A hilinaʻi ʻole hoʻi ko lākou naʻau i ke Akua.

KA WĀNANA A ʻISAIA 22:18

‘E ʻolokaʻa nō ʻo ia iā ʻoe me he mea poepoe lā, E kaʻa aku ana i ka ʻāina pālahalaha ma nā ʻaoʻao; Ma laila ʻoe e make ai, A ma laila e lilo ai kou mau kaʻa kaua nani, i mea e hilahila ai ka hale o kou haku.’

KA WĀNANA A ʻISAIA 30:23

¶ A laila e hāʻawi mai nō ʻo ia i ka ua no kāu hua, ka mea āu e kanu ai ma ka lepo; a me ka berena hoʻi no ka hua ʻana mai o ka lepo, a e momona nō ia, a māhuahua ka maikaʻi; e ʻai nō kou mau holoholona ia lā ma nā kula pālahalaha.

KA WĀNANA A ʻISAIA 5:17

E ʻai nō nā keiki hipa ma laila, e like me ko lākou kula iho, A e hoʻopau nō nā malihini i nā mea i koe o ka poʻe waiwai.

KA WĀNANA A IEREMIA 14:7

“E Iēhova, ke hōʻike kūʻē mai nei ko mākou hewa iā mākou; Akā, e hana mai ʻoe no kou inoa iho; No ka mea, ua nui loa ko mākou hoʻi hope ʻana, Ua hana hewa mākou iā ʻoe.

KA WĀNANA A IEREMIA 3:11

¶ A ʻōlelo maila ʻo Iēhova iaʻu, “Ua hoʻāpono kā ʻIseraʻela hoʻi hope iā ia iho, ma mua o kā Iuda kipi.

KA WĀNANA A IEREMIA 3:6

¶ ʻŌlelo mai nō hoʻi ʻo Iēhova iaʻu, i nā lā iā Iosia, i ke aliʻi, “Ua ʻike anei ʻoe i ka mea a kā ʻIseraʻela hoʻi hope i hana ai? Ua hele nō ʻo ia ma luna o nā mauna kiʻekiʻe a pau, a ma lalo o nā lāʻau uliuli a pau, a ma laila i moekolohe ai.

KA WĀNANA A IEREMIA 3:8

“A ʻike akula au, a kipaku aku au i kā ʻIseraʻela no ka moekolohe ʻana, a hāʻawi iā ia i ka palapala hoʻohemo; a laila, ʻaʻole i makaʻu kona kaikuaʻana kipi, ʻo kā Iuda, hele aku nō hoʻi ia, a moekolohe ihola.

KA WĀNANA A IEREMIA 31:18

“ʻOiaʻiʻo nō ua lohe au iā ʻEperaima e olo pihe ana, ‘Ua paʻipaʻi mai ʻoe iaʻu, a ua paʻipaʻi ʻia mai au, E like me ka bipi maʻa ʻole. E hoʻohuli ʻoe iaʻu, a e hoʻohuli ʻia nō wau; No ka mea, ʻo ʻoe nō ʻo Iēhova, koʻu Akua.

KA WĀNANA A IEREMIA 5:6

No laila, na ka liona mai ka ulu lāʻau mai e luku iā lākou, A na ka ʻīlio hae o ke ahiahi e ʻānai iā lākou; A na ka leopadi e kiaʻi i ko lākou mau kūlanakauhale; ʻO kēlā mea kēia mea o lākou e puka aku i waho, e haehae ʻia nō; No ka mea, ua nui loa kā lākou hana hewa ʻana, A ua hoʻomāhuahua ʻia ko lākou hoʻi hope ʻana.

KA WĀNANA A IEREMIA 7:24

“Akā, ʻaʻole lākou i hoʻolohe mai, ʻaʻole hoʻi i hāliu mai i ko lākou pepeiao; akā, hele nō lākou ma ka noʻonoʻo ʻana a ma ka paʻakikī o ko lākou naʻau hewa, a hoʻi hope lākou, ʻaʻole i hele mua.

KA WĀNANA A IEREMIA 8:5

“He aha ka mea e hoʻi hope ai kēia poʻe kānaka O Ierusalema me ka hoʻi hope mau loa? Hoʻopaʻa loa lākou i ka wahaheʻe; Hōʻole lākou, ʻaʻole e hoʻi mai.

HOSEA 10:11

¶ A ʻo ʻEperaima, ua like ia me ka bipi wahine ʻōpiopio i laka, a makemake hoʻi e hehi i ka palaoa; Akā, e hele aku nō au ma luna o kona ʻāʻī maikaʻi; E hoʻoholo au iā ʻEperaima; A e hana ʻo Iuda me ka ʻōʻō palau, A na Iakoba e kuʻikuʻi i puʻupuʻu lepo nona.

HOSEA 11:6

A e hāʻule mai ka pahi kaua ma luna o kona mau kūlanakauhale, A e ʻai iho i kona mau lālā, a e hoʻopau, no ko lākou manaʻo.

HOSEA 11:7

A ua manaʻo kuʻu poʻe kānaka e hoʻi i hope mai oʻu aku lā; A ua kāhea aku lākou iā lākou lā i ka Mea Kiʻekiʻe, ʻAʻole kekahi i hoʻokiʻekiʻe aku iā ia.

KA BUKE ʻAKOLU A MOSE, I KAPA ʻIA ʻOIHANA KAHUNA 26:33

‘A e hoʻoleilei aku au iā ʻoukou i waena o nā lāhui kanaka, a e unuhi aʻe au i ka pahi kaua ma hope o ʻoukou; a e neoneo aʻe ko ʻoukou ʻāina, a e noho ʻole ʻia ko ʻoukou mau kūlanakauhale.

ZEKARIA 7:11

“Akā, hōʻole lākou i ka hoʻolohe, a hāʻawi i ka poʻohiwi kipi, a papani aʻela i nā pepeiao o lākou, i lohe ʻole ai lākou.

KA BUKE MUA A SAMUʻELA 15:11

“Ke mihi nei au i kuʻu hoʻonoho ʻana iā Saula i aliʻi; no ka mea, ua huli aʻe ia mai ka hahai ʻana iaʻu, ʻaʻole ia i hoʻokō i kaʻu mau kauoha.” Huhū ihola ʻo Samuʻela; a kāhea akula ia iā Iēhova ia pō a pau.