HOSEA 4:12 - Ka Baibala Hemolele

¹² Ke nīnau nei kuʻu poʻe kānaka i ko lākou kiʻi lāʻau, A ua hōʻike mai ko lākou koʻokoʻo iā lākou; No ka mea, ua hoʻoʻauana ka naʻau moekolohe iā lākou; Ua hele moekolohe lākou mai lalo aʻe o ko lākou Akua.

HOSEA 4:12 Iomraidhean Croise

KA BUKE ʻALUA NO NĀ ALIʻI 17:7

¶ No ka mea, ua hana hewa nā mamo a ʻIseraʻela iā Iēhova ko lākou Akua, nāna lākou i lawe aʻe mai ka ʻāina ʻo ʻAigupita mai, mai lalo mai o ka lima o Paraʻo, ke aliʻi o ʻAigupita, a ua mālama lākou i nā akua ʻē.

KA BUKE ʻALUA O KA ʻOIHANA ALIʻI 21:13

akā, hele ʻoe ma ka ʻaoʻao o nā aliʻi o kā ʻIseraʻela, a hoʻomoekolohe i kā Iuda, a me ko Ierusalema, e like me ka moekolohe o ko ka hale o ʻAhaba, a ua pepehi nō hoʻi i kou poʻe hoahānau, i ko ka hale o kou makua kāne, ka poʻe i ʻoi aku ko lākou maikaʻi i kou;

KA BUKE O NĀ HALELŪ 106:39

A haumia nō hoʻi lākou i kā lākou mau hana, A moekolohe lākou me nā mea a lākou i hana ai.

KA BUKE O NĀ HALELŪ 73:27

No ka mea, aia hoʻi, ʻo ka poʻe mamao ʻē iā ʻoe, e make lākou; E luku mai hoʻi ʻoe i ka poʻe a pau e hele moekolohe ʻana mai ou aku lā.

KA WĀNANA A IEREMIA 10:8

Ua like ʻiʻo nō lākou me nā holoholona, ua lapuwale hoʻi; ʻO ka naʻauao o ka poʻe lapuwale, he paukū lāʻau ia.

KA WĀNANA A IEREMIA 2:27

“E ʻōlelo ana hoʻi i ka lāʻau, ‘ʻO ʻoe koʻu makua kāne’; A i ka pōhaku hoʻi, ‘Nāu nō wau i hānau.’ A ua huli lākou i ke kua iaʻu, ʻaʻole i ka maka. Akā, i ka manawa o ko lākou pōʻino, E ʻōlelo mai nō lākou, ‘E ala, e hoʻōla mai ʻoe iā mākou.’

KA WĀNANA A IEREMIA 23:13

¶ “Ua ʻike nō au i ka lapuwale ma loko o nā kāula o Samaria, A wānana aʻe lākou ma o Baʻala lā, A alakaʻi hewa ihola i koʻu poʻe kānaka, i kā ʻIseraʻela.

KA WĀNANA A ʻEZEKIʻELA 20:32

“A ʻo ka mea i kupu i loko o ko ʻoukou naʻau, ʻaʻole loa ia, i kā ʻoukou ʻōlelo ʻana, ‘E like kākou me nā lāhui kanaka, e like me nā ʻohana o nā ʻāina i ka hoʻomana i ka lāʻau a me ka pōhaku.’

KA WĀNANA A ʻEZEKIʻELA 21:21

“No ka mea, ua kū ihola ke aliʻi o Babulona ma ka mahele ʻana o ke alanui, ma ke poʻo o nā ala ʻelua, e kilokilo ai; hoʻonāueue ʻo ia i kāna mau pua, kūkākūkā nō ia me nā kiʻi, ua nānā nō ia i ke akepaʻa.

HOSEA 14:3

“ʻAʻole e hoʻōla ko ʻAsuria iā mākou; ʻAʻole mākou e holo ma luna o ka lio; ʻAʻole hoʻi mākou e ʻōlelo hou aku i ka hana a ko mākou mau lima, ‘ʻO ʻoe ko mākou Akua’; No ka mea, ma ou lā e loaʻa ai i ka poʻe mākua ʻole ka lokomaikaʻi.”

HOSEA 5:4

ʻAʻole lākou i hoʻolilo i ko lākou manaʻo e huli hou i ko lākou Akua; No ka mea, he naʻau moekolohe i waena o lākou, ʻAʻole lākou i ʻike iā Iēhova.

HOSEA 6:10

Ma loko o ka ʻohana a ʻIseraʻela ua ʻike au i ka mea weliweli; Ma laila ka moekolohe o ʻEperaima, Ua haumia kā ʻIseraʻela.

HOSEA 9:1

¶ Mai hauʻoli, e kā ʻIseraʻela, me ka ʻoliʻoli, e like me nā lāhui kanaka; No ka mea, ua hele moekolohe aku ʻoe mai kou Akua aku, Ua makemake aku ʻoe i nā makana ma nā kahua hehi palaoa a pau.

KA BUKE ʻAKOLU A MOSE, I KAPA ʻIA ʻOIHANA KAHUNA 17:7

“ʻAʻole e kaumaha hou lākou i kā lākou mau mōhai i nā daimonio, ma muli o ia mau mea lākou i hele moekolohe ai. He kānāwai e mau ana kēia no lākou i ko lākou mau hanauna.”’

KA BUKE ʻAKOLU A MOSE, I KAPA ʻIA ʻOIHANA KAHUNA 20:5

a laila, naʻu nō e hoʻokūʻē i kuʻu maka i ua kanaka lā a me kona ʻohana, a e ʻoki aku au iā ia, a me ka poʻe a pau e hele moekolohe ma muli ona, e moekolohe me Moleka, mai waena aku o ko lākou poʻe kānaka.

MIKA 2:11

“Inā e hele ke kanaka ma ka makani, a ma ka hoʻopunipuni, A wahaheʻe ʻo ia, i ka ʻī ʻana aʻe, ‘E wānana aku au iā ʻoe no ka waina, a me ka mea inu ʻawaʻawa’; ʻO ia nō ke kāula o kēia poʻe kānaka.

HABAKUKA 2:19

“Auē ka mea ʻōlelo i ka lāʻau, ‘E ala mai!’ A i ka pōhaku leo ʻole, ‘E kū i luna!’ ʻO ia ke aʻo mai? Aia hoʻi, ua uhi ʻia ʻo ia i ke gula a me ke kālā, Akā, ʻaʻohe hanu iki i loko ona.

KA BUKE ʻAHĀ A MOSE, I KAPA ʻIA NĀ HELU 15:39

“A e lilo iho ia no ʻoukou i pihapiha, e nānā iho ai, a e hoʻomanaʻo i nā kauoha a pau a Iēhova, a e mālama hoʻi iā lākou; i ʻole ai ʻoukou e ʻimi aku ma muli o ko ʻoukou mau naʻau, a me ko ʻoukou mau maka; ma muli o ia mau mea kā ʻoukou i hele moekolohe ai;

KA BUKE ʻALIMA A MOSE, I KAPA ʻIA KĀNĀWAI LUA 31:16

ʻŌlelo maila ʻo Iēhova iā Mose, “Aia hoʻi, e hiamoe iho ʻoe me ou poʻe kūpuna; a e kū aʻe auaneʻi kēia poʻe kānaka i luna, a e moekolohe lākou ma muli o nā akua o nā kānaka ʻē ma ka ʻāina a lākou e hele aku nei a noho i waena o lākou, a e haʻalele mai lākou iaʻu, a e uhaʻi i kaʻu berita aʻu i kauoha aku ai iā lākou.

KA BUKE NO NĀ LUNA KĀNĀWAI 18:5

ʻĪ akula lākou iā ia, “E nīnau aku paha ʻoe i ke Akua, i ʻike mākou, e pōmaikaʻi paha ko mākou hele, e hele nei.”