HOSEA 4:10 - Ka Baibala Hemolele

¹⁰ A e ʻai lākou, ʻaʻole naʻe e māʻona, A e moekolohe lākou, ʻaʻole naʻe e māhuahua aʻe; No ka mea, ua hoʻōki lākou i ka mālama iā Iēhova.

HOSEA 4:10 Iomraidhean Croise

KA BUKE ʻALUA O KA ʻOIHANA ALIʻI 24:17

A ma hope o ka make ʻana o Iehoiada, hele mai nā kaukaualiʻi o Iuda, a kūlou i mua o ke aliʻi; a laila, hoʻolohe ke aliʻi iā lākou.

KA BUKE O NĀ HALELŪ 125:5

ʻO ka poʻe kāpae ma ko lākou ala keʻekeʻe, E alakaʻi pū aku nō ʻo Iēhova iā lākou me ka poʻe hana lapuwale; A he malu nō ma luna o kā ʻIseraʻela.

KA BUKE O NĀ HALELŪ 36:3

ʻO nā ʻōlelo a kona waha he hewa ia a me ka hoʻopunipuni; Ua haʻalele ʻo ia i ka naʻauao a me ka hana maikaʻi.

NĀ ʻŌLELO AKAMAI A SOLOMONA 13:25

E ʻai nō ka mea pono, a māʻona kona ʻuhane, ʻO ka ʻōpū o ka mea hewa, e nele ia i ka ʻai ʻole.

KA WĀNANA A IEREMIA 34:15

“ʻĀnō iho nei, ua hoʻohuli ʻia ʻoukou, a ua hana pono kēlā kanaka kēia kanaka i mua oʻu i ke kūkala ʻana aku i ka hoʻokuʻu wale ʻia ʻo kona hoalauna; a ua hana hoʻi ʻoukou i berita i mua oʻu ma ka hale i hea ʻia koʻu inoa ma luna ona.

KA WĀNANA A IEREMIA 9:12

¶ ʻO wai ke kanaka akamai i hoʻomaopopo i kēia? A ua ʻōlelo hoʻi ka waha o Iēhova iā ia, a nāna hoʻi e haʻi aku i ka mea i make ai ka ʻāina, a neoneo e like me ka wao nahele, i ʻole e hele aʻe kekahi ma loko?

KA WĀNANA A ʻEZEKIʻELA 18:24

¶ “Akā, i ka wā e huli aʻe ka mea pono mai kona pono aʻe a hana ma ka hewa, a hana hoʻi ma muli o nā mea inaina ʻia a ka lawehala i hana ai, e ola anei ia? ʻO kona pono a pau āna i hana ai, ʻaʻole ia e ʻōlelo ʻia aku; i loko o kona hewa āna i hana ai, a i loko o kona lawehala āna i lawehala ai, e make nō ia i loko o ia mau mea.

KA WĀNANA A ʻEZEKIʻELA 22:9

“Ma loko ou nā kānaka holoholo ʻōlelo e hoʻokahe i ke koko; ua ʻai hoʻi lākou ma luna o nā mauna i loko ou; a i waenakonu ou ua hana lākou ma ka moekolohe.

HOSEA 4:14

ʻAʻole au e hoʻopaʻi aku i kā ʻoukou poʻe kaikamāhine no ko lākou moekolohe ʻana, A i kā ʻoukou poʻe hūnōna wahine no ko lākou moekolohe ʻana; No ka mea, ua hoʻokaʻawale pū lākou iā lākou iho me nā wāhine hoʻokamakama, A ua mōhai pū lākou me nā wāhine moekolohe; A ʻo ka poʻe kānaka ʻike ʻole, e make nō lākou.

HOSEA 7:4

He poʻe moekolohe lākou a pau, e like me ka umu i hōʻenaʻena ʻia e ka mea pūlehu palaoa, Hoʻopaneʻe ʻo ia i ka pūlehu ʻana, ma hope o ke kāwili ʻana i ka palaoa a hiki i ka wā e hū ai.

KA BUKE ʻAKOLU A MOSE, I KAPA ʻIA ʻOIHANA KAHUNA 26:26

‘Aia haki iaʻu ke koʻokoʻo o kā ʻoukou berena, a laila e kahūmu nā wāhine he ʻumi i kā ʻoukou berena ma ka umu hoʻokahi, a e hāʻawi hou lākou i kā ʻoukou berena iā ʻoukou, ma ke kaupaona; a e ʻai hoʻi ʻoukou, ʻaʻole hoʻi e māʻona.

MIKA 6:14

“A e ʻai iho ʻoe, ʻaʻole e māʻona; Aia nō i loko ou ka maʻule ana; A e lawe aku ʻoe, ʻaʻole e hoʻopakele, A ʻo ka mea āu e hoʻopakele ai, ʻO ia kaʻu e hāʻawi aku no ka pahi kaua.

ZEPANIA 1:6

“A me ka poʻe i hoʻi i hope mai o Iēhova aku; A me ka poʻe ʻaʻole i ʻimi iā Iēhova, ʻaʻole hoʻi i nīnau aku nona.”

HAGAI 1:6

“Ua lūlū nui aku ʻoukou, a he ʻuʻuku ka mea a ʻoukou i ʻohi ai; ua ʻai ʻoukou, ʻaʻole naʻe i māʻona; ua inu ʻoukou, ʻaʻole naʻe i kena ka make wai; ua ʻaʻahu kapa ʻoukou, ʻaʻole nō naʻe ʻoukou i mehana; a ʻo ka mea i hana e uku ʻia mai, ua hahao ʻia kāna uku ma loko o ke ʻeke pukapuka.”