HOSEA 4:1 - Ka Baibala Hemolele

¹ ¶ E hoʻolohe ʻoukou, e nā mamo a ʻIseraʻela, i ka ʻōlelo a Iēhova; No ka mea, he hakakā ko Iēhova me nā kānaka o ka ʻāina; No ka mea, ʻaʻohe ʻoiaʻiʻo, ʻaʻohe aloha, ʻAʻohe ʻike i ke Akua ma ka ʻāina.

HOSEA 4:1 Iomraidhean Croise

KA BUKE MUA NO NĀ ALIʻI 22:19

ʻĪ hou maila kēlā, “No laila e hoʻolohe mai i ka ʻōlelo a Iēhova: Ua ʻike au iā Iēhova e noho ana ma luna o kona noho aliʻi, a e kū kokoke ana iā ia ko ka lani a pau ma kona lima ʻākau a ma kona lima hema.

KA BUKE O NĀ HALELŪ 81:9

“Mai noho ke akua ʻē aʻe me ʻoe, Mai kūlou hoʻi i mua o ke akua ʻē aʻe.

KA WĀNANA A ʻISAIA 1:10

¶ E hoʻolohe i ka ʻōlelo a Iēhova, e nā luna kānāwai o Sodoma, E hāliu mai hoʻi i ke kānāwai o ko kākou Akua, e nā kānaka o Gomora.

KA WĀNANA A ʻISAIA 1:18

¶ “E hele mai hoʻi, e kīkē kākou,” wahi a Iēhova; “Inā paha i like ko ʻoukou hewa me nā kapa ʻula, E keʻokeʻo auaneʻi ia me he hau lā; Inā paha i ʻula loa e like me ka mea ʻulaʻula, E like auaneʻi ia me he hulu hipa lā.

KA WĀNANA A ʻISAIA 28:14

No laila, e hoʻolohe ʻoukou i ka ʻōlelo a Iēhova, e nā kānaka hoʻowahāwahā, Ka poʻe e noho aliʻi ana ma luna o kēia poʻe kānaka ma Ierusalema.

KA WĀNANA A ʻISAIA 34:1

¶ E hoʻokokoke mai, e ko nā ʻāina, i lohe ʻoukou, E hoʻolohe mai hoʻi, e nā lāhui kanaka, E hāliu mai hoʻi ko ka honua, A me ko laila mea a pau e piha ai, ʻO ke ao nei, a me kona mea ulu a pau.

KA WĀNANA A ʻISAIA 34:8

No ka mea, ʻo ka lā nō ia o ko Iēhova hoʻopaʻi ʻana, ʻO ka makahiki hoʻi o ka hoʻouku ʻana no nā hakakā o Ziona.

KA WĀNANA A ʻISAIA 5:3

¶ “ʻĀnō hoʻi, e ka poʻe e noho ana ma Ierusalema, A me nā kānaka o kā Iuda, E hoʻoponopono ʻoukou i waena oʻu, a me koʻu pā waina.

KA WĀNANA A ʻISAIA 59:4

ʻAʻohe mea i hea aku ma ka pono, ʻAʻohe mea hoʻoponopono ma ka ʻoiaʻiʻo. Hilinaʻi nō lākou ma ka lapuwale, a ʻōlelo nō hoʻi i ka wahaheʻe; Hāpai nō lākou, he kolohe, a hānau mai hoʻi, he hewa.

KA WĀNANA A ʻISAIA 59:8

ʻAʻole lākou ʻike i ka ʻaoʻao o ka malu, ʻAʻole hoʻi he pono ma ko lākou hele ʻana; Ua hana lākou i ala kekeʻe no lākou; ʻO ka mea hele ma laila, ʻaʻole ia e ʻike i ka malu.

KA WĀNANA A ʻISAIA 66:5

E hoʻolohe ʻoukou i ka ʻōlelo a Iēhova, E ka poʻe haʻalulu i kāna ʻōlelo; “ʻO ko ʻoukou poʻe hoahānau, ka poʻe i ukiuki mai iā ʻoukou, Ka poʻe i kipaku aku iā ʻoukou i waho, no koʻu inoa, ʻĪ aʻela lākou, ‘E hoʻonani ʻia ʻo Iēhova; A e ʻike ʻia nō ia, i mea e hauʻoli ai ʻoukou,’ Akā, e hilahila auaneʻi lākou.

KA WĀNANA A IEREMIA 11:7

‘No ka mea, ʻōlelo ikaika loa akula au i ko ʻoukou poʻe mākua, i ka lā aʻu i lawe mai ai iā lākou, mai ka ʻāina ʻo ʻAigupita mai, a hiki mai hoʻi i kēia lā, e ala ana nō i ka wanaʻao, me ka ʻōlelo ikaika aku, i ka ʻī ʻana, “E mālama i koʻu leo.”

KA WĀNANA A IEREMIA 19:3

e ʻī aku, ‘E hoʻolohe ʻoukou i ka ʻōlelo a Iēhova, e nā aliʻi o kā Iuda, a me ka poʻe e noho ana ma Ierusalema. Penei ka ʻōlelo ʻana mai a Iēhova o nā kaua, ke Akua o kā ʻIseraʻela, “Aia hoʻi, e lawe mai nō wau i ka hewa ma luna o kēia wahi; e kani nō nā pepeiao o nā mea a pau e lohe ia mea.

KA WĀNANA A IEREMIA 2:4

¶ E hoʻolohe mai ʻoukou i ka ʻōlelo a Iēhova, e ko ka hale o Iakoba, a me nā ʻohana a pau o ka hale o kā ʻIseraʻela.

KA WĀNANA A IEREMIA 2:9

¶ “No laila, e paio aku au iā ʻoukou,” wahi a Iēhova, “A e paio aku nō hoʻi au i nā keiki a kā ʻoukou keiki.

KA WĀNANA A IEREMIA 25:31

‘E hiki mai nō ka uwalaʻau, mai nā kūkulu mai o ka honua; No ka mea, he paio nō kā Iēhova me ko nā ʻāina, E hoʻoponopono nō ʻo ia ma luna o nā mea ʻiʻo a pau; E hāʻawi nō hoʻi ʻo ia i ka poʻe hewa i ka pahi kaua,’ wahi a Iēhova.”

KA WĀNANA A IEREMIA 34:4

“E Zedekia, ke aliʻi o kā Iuda, e hoʻolohe mai ʻoe i ka ʻōlelo a Iēhova; ke ʻōlelo mai nei ʻo Iēhova nou, ‘ʻAʻole ʻoe e make i ka pahi kaua.

KA WĀNANA A IEREMIA 4:22

“No ka mea, ua lapuwale koʻu poʻe kānaka, ʻAʻole lākou i ʻike mai iaʻu; he poʻe kamaliʻi lapuwale, ʻAʻohe o lākou naʻauao. He akamai lākou i ka hana hewa; Akā, ʻaʻole o lākou ʻike i ka hana maikaʻi.”

KA WĀNANA A IEREMIA 4:28

“No kēia mea, e kūmākena ai ka honua, A e pouli hoʻi nā lani ma luna; No ka mea, ua ʻōlelo nō wau, Ua paʻa kuʻu manaʻo, ʻaʻole hoʻi au e mihi ana, ʻAʻole au e huli, mai ia manaʻo aku.”

KA WĀNANA A IEREMIA 5:4

¶ A ʻōlelo nō hoʻi au, “He poʻe ʻilihune lākou, Ua naʻaupō hoʻi; No ka mea, ʻaʻole lākou i ʻike i ka ʻaoʻao o Iēhova, ʻAʻole hoʻi i ka pono o ko lākou Akua.

KA WĀNANA A IEREMIA 51:5

¶ No ka mea, ua haʻalele ʻole ʻia kā ʻIseraʻela, A ʻo kā Iuda hoʻi e kona Akua e Iēhova o nā kaua; Ua piha naʻe ko lākou ʻāina i ka lawehala i mua o ka Mea Hemolele o kā ʻIseraʻela.

KA WĀNANA A IEREMIA 6:13

“No ka mea, mai ka mea ʻuʻuku o lākou a ka mea nui o lākou, Ua makeʻe waiwai lākou a pau; A mai ke kāula mai a ke kahuna, Hana ma ka wahaheʻe kēlā mea kēia mea.

KA WĀNANA A IEREMIA 7:28

“E ʻōlelo nō naʻe ʻoe iā lākou, ‘He lāhui kanaka kēia i hoʻolohe ʻole i ka leo o Iēhova ʻo ko lākou Akua, ʻaʻole hoʻi lākou i hoʻonaʻauao. Ua make ka ʻoiaʻiʻo, a ua hōʻoki ʻia mai ko lākou waha aku.

KA WĀNANA A IEREMIA 9:20

Akā, e hoʻolohe mai ʻoukou i ka ʻōlelo a Iēhova, e nā wāhine, A e lawe hoʻi ko ʻoukou pepeiao i ka ʻōlelo a kona waha, A e aʻo aku i kā ʻoukou mau kaikamāhine i ka uē ʻana, A ʻo kēlā mea kēia mea i kona hoalauna i ke kūmākena ʻana.

KA WĀNANA A IEREMIA 9:3

“Lena nō lākou i ko lākou mau alelo, e like me ko lākou kakaka, no ka wahaheʻe. ʻAʻole lākou hoʻokoa ma ka ʻoiaʻiʻo ma luna o ka honua; No ka mea, hele nō lākou, mai kekahi hewa, a i kekahi hewa, ʻAʻole hoʻi lākou i ʻike mai iaʻu,” wahi a Iēhova.

KA WĀNANA A IEREMIA 9:7

¶ No laila, ke ʻōlelo mai nei ʻo Iēhova o nā kaua pēnēia, “Aia hoʻi, e hoʻoheheʻe nō wau iā lākou, a e hoʻāʻo hoʻi iā lākou; No ka mea, he aha lā wau e hana ai no ke kaikamahine o koʻu poʻe kānaka?

KA WĀNANA A ʻEZEKIʻELA 16:35

¶ ‘No laila, e ka wahine moekolohe, e hoʻolohe i ka ʻōlelo a Iēhova.

HOSEA 12:2

He paio hoʻi ko Iēhova me kā Iuda, A e hoʻopaʻi aku ʻo ia iā Iakoba e like me kona mau ʻaoʻao; E hoʻouku aku kēlā iā ia e like me kāna hana.

HOSEA 12:3

I loko o ka ʻōpū hoʻopaʻa aku ʻo ia i ke kuʻekuʻe wāwae o kona kaikuaʻana, A ma kona ikaika hakakā pū ia me ke Akua.

HOSEA 5:1

¶ E hoʻolohe ʻoukou i kēia, e nā kāhuna, E hāliu mai ʻoukou, e ko ka hale o kā ʻIseraʻela, A e lohe nā pepeiao, e ko ka hale o ke aliʻi; No ka mea, no ʻoukou ka hoʻohewa, No ka mea, ua lilo ʻoukou i pahele ma Mizepa, A i ʻupena hohola hoʻi ma luna o Tabora.

HOSEA 5:4

ʻAʻole lākou i hoʻolilo i ko lākou manaʻo e huli hou i ko lākou Akua; No ka mea, he naʻau moekolohe i waena o lākou, ʻAʻole lākou i ʻike iā Iēhova.

IOʻELA 1:2

E hoʻolohe ʻoukou i kēia, e ka poʻe kahiko, E hāliu mai ka pepeiao, e ka poʻe a pau o ka ʻāina e noho ana; Ua hiki mai anei kēia i ko ʻoukou mau lā, A i nā lā hoʻi o ko ʻoukou mau mākua?

ʻAMOSA 3:1

¶ E hoʻolohe i kēia ʻōlelo a Iēhova i ʻōlelo mai ai no ʻoukou, e nā mamo a ʻIseraʻela, No ka ʻohana a pau, aʻu i lawe mai ai mai ka ʻāina ʻo ʻAigupita mai, ʻī maila,

ʻAMOSA 7:16

“ʻĀnō hoʻi, e hoʻolohe ʻoe i ka ʻōlelo a Iēhova: ‘Ke ʻōlelo nei ʻoe, mai wānana kūʻē aku i kā ʻIseraʻela, a mai hāpai kūʻē ʻoe i kāu ʻōlelo i ko ka hale o ʻIsaʻaka.’

MIKA 6:2

“A hoʻolohe ʻoukou, e nā mauna i ka hoʻopaʻapaʻa o Iēhova, A me ʻoukou nā kumu paʻa o ka honua; No ka mea, he hoʻopaʻapaʻa ko Iēhova me kona poʻe kānaka, A e hoʻopaʻapaʻa nō ia me kā ʻIseraʻela.

KA ʻEUANELIO I KĀKAU ʻIA AI E IOANE 8:55

“ʻAʻole naʻe ʻoukou i ʻike iā ia, ʻo wau kai ʻike iā ia; inā e ʻōlelo aku au, ʻaʻole au i ʻike iā ia, inā ua like au me ʻoukou, he wahaheʻe; akā, ua ʻike au iā ia, ke mālama nō hoʻi au i kāna ʻōlelo.

ʻO KA ʻEPISETOLE A PAULO KA LUNAʻŌLELO I KO ROMA 1:28

¶ A no ko lākou makemake ʻole e hoʻopaʻa i ke Akua ma ko lākou ʻike, kuʻu ihola ke Akua iā lākou i ka naʻau hewa, e hana aku lākou i nā mea kū ʻole i ka pono;

ʻO KA ʻEPISETOLE MUA A PAULO KA LUNAʻŌLELO I KO KORINETO 15:34

E ala ʻoukou i ka pono, mai hana hewa; no ka mea, ua naʻaupō kekahi poʻe i kā ke Akua. Ke ʻōlelo aku nei au i kēia, i mea e hilahila ai ʻoukou.

KA HŌʻIKE ʻANA A IOANE KA HAIPULE 2:11

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, ʻaʻole loa ia e ʻeha i ka make ʻalua.’

KA HŌʻIKE ʻANA A IOANE KA HAIPULE 2:29

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia.’