HOSEA 3:5 - Ka Baibala Hemolele

⁵ Ma hope iho e huli mai nā mamo a ʻIseraʻela, a ʻimi iā Iēhova ko lākou Akua, a me Dāvida ko lākou aliʻi; a e makaʻu lākou iā Iēhova, a me kona lokomaikaʻi i nā lā ma hope.

HOSEA 3:5 Iomraidhean Croise

KA BUKE MUA NO NĀ ALIʻI 12:16

¶ A ʻike aʻela kā ʻIseraʻela a pau, i ka hoʻolohe ʻole mai o ke aliʻi iā lākou, ʻōlelo akula ka poʻe kānaka i ke aliʻi, e ʻī ana, “He aha ko mākou kuleana i loko o Dāvida? ʻAʻole hoʻoilina i loko o ke keiki a Iese. I ko ʻoukou mau halelewa, e kā ʻIseraʻela. ʻĀnō hoʻi, e nānā i kāu ʻohana iho, e Dāvida!” Pēlā i hoʻi ai kā ʻIseraʻela i ko lākou mau halelewa.

KA WĀNANA A ʻISAIA 17:7

Ia lā lā, e hilinaʻi aku nō ke kanaka ma ka Mea nāna i hana, E kau nō kona mau maka ma luna o ka Mea Hemolele o kā ʻIseraʻela.

KA WĀNANA A ʻISAIA 2:2

¶ E hiki mai nō kēia i nā lā ma hope, E kūkulu paʻa ʻia ka puʻu o ka hale o Iēhova ma luna o nā mauna, A e hoʻokiʻekiʻe ʻia ma luna o nā puʻu; A e holo nō i loko ona nā lāhui kanaka a pau.

KA WĀNANA A ʻISAIA 2:3

A e nui loa nā kānaka e hele me ka ʻōlelo, “E hele mai e piʻi kākou i ka mauna o Iēhova, I ka hale hoʻi o ke Akua o Iakoba; Nāna nō e aʻo mai iā kākou i kona mau ʻaoʻao, I hele ai kākou ma kona mau alanui.” No ka mea, mai Ziona aku e laha aku ai ke kānāwai, A ʻo ka ʻōlelo a Iēhova hoʻi, mai Ierusalema aku.

KA WĀNANA A ʻISAIA 60:5

“A laila, e ʻike aku ʻoe, a e ʻoliʻoli hoʻi, A e lelele kou houpo i ka ʻoliʻoli, a e hoʻākea ʻia kou naʻau, I ka wā e hoʻohuli ʻia mai i ou lā ka waiwai o ka moana, A hele mai hoʻi iā ʻoe nā mea ikaika o nā ʻāina ʻē.

KA WĀNANA A ʻISAIA 9:13

¶ ʻAʻole naʻe i hoʻi hou nā kānaka, I ka mea nāna lākou i hahau, ʻAʻole lākou i ʻimi iā Iēhova o nā kaua.

KA WĀNANA A IEREMIA 23:5

¶ “Aia hoʻi, e hiki mai ana nā lā,” wahi a Iēhova, “E hoʻāla nō wau no Dāvida, i ʻOhā pono, I Aliʻi e noho aupuni, a e pōmaikaʻi auaneʻi, A e hana nō ʻo ia i ka hoʻoponopono, a i ka pololei ma ka honua.

KA WĀNANA A IEREMIA 30:24

ʻAʻole e hoʻi hou ka huhū nui o Iēhova, a hana ʻo ia, A hoʻokō ʻo ia i ka makemake o kona naʻau. I nā lā ma hope, e noʻonoʻo nō ʻoukou ia.

KA WĀNANA A IEREMIA 30:9

‘Akā, e hoʻokauā nō lākou na Iēhova, ko lākou Akua, a na Dāvida ko lākou aliʻi, ka mea aʻu e hoʻāla ai no lākou.

KA WĀNANA A IEREMIA 33:17

“No ka mea, ke ʻōlelo mai nei ʻo Iēhova penei, ‘ʻAʻole e nele ʻo Dāvida i ke kanaka e noho ma ka noho aliʻi o ko ka hale o kā ʻIseraʻela.

KA WĀNANA A IEREMIA 33:9

‘A e lilo mai ia iaʻu i inoa e ʻoliʻoli ai, no ka maikaʻi, a no ka nani i mua o nā lāhui kanaka a pau o ka honua, ka poʻe e lohe ana i ka maikaʻi a pau aʻu e hana aku ai iā lākou. A e makaʻu auaneʻi lākou a e haʻalulu hoʻi no ka maikaʻi a pau, a no ka pōmaikaʻi a pau aʻu e hāʻawi aku ai ia wahi.’

KA WĀNANA A ʻEZEKIʻELA 16:63

i hoʻomanaʻo hoʻi ʻoe, a e hilahila hoʻi, ʻaʻole loa e ʻekemu hou kou waha no kou hilahila, i ka wā e lauleʻa hou ai au iā ʻoe i nā mea a pau āu i hana mai ai,” wahi a Iēhova ka Haku.’”

KA WĀNANA A ʻEZEKIʻELA 38:16

“A e piʻi kūʻē mai ʻoe i kuʻu poʻe kānaka ʻIseraʻela, e like me ke ao e uhi mai ka ʻāina; a e hiki nō ia i nā lā ma hope, a e lawe mai au iā ʻoe e kūʻē i kuʻu ʻāina, i ʻike mai nā lāhui kanaka iaʻu i koʻu wā e hoʻāno ʻia ai ma ou lā, e Goga, i mua o ko lākou mau maka.”

KA WĀNANA A ʻEZEKIʻELA 38:8

“A hala nā lā he nui nō, e hoʻonoho ʻia ʻoe i luna; a i nā makahiki hope, e komo ʻoe i ka ʻāina i hoʻihoʻi ʻia mai mai ka pahi kaua mai, i hōʻuluʻulu ʻia mai waena mai o nā lāhui kanaka i kūʻē i nā mauna o kā ʻIseraʻela i neoneo mau; akā, ua lawe ʻia mai mai ko nā ʻāina mai, a e noho maluhia lākou a pau.

KA BUKE NO DANIʻELA 10:14

“ʻĀnō, ua hele mai nei au e hoʻākāka i ʻike ʻoe i nā mea e hiki mai ana i kou poʻe kānaka i nā lā ma hope; no ka mea, ua nui nā lā i koe o ua hihiʻo lā.”

KA BUKE NO DANIʻELA 2:28

“Akā, aia ma ka lani ke Akua, ka Mea e hōʻike mai i nā mea i ʻike ʻole ʻia; ʻo ia ka Mea e hōʻike mai i ke aliʻi, iā Nebukaneza i nā mea e hiki mai ana i nā lā ma hope. ʻO kāu moeʻuhane, a me ka liʻa o kou poʻo ma kou wahi moe, penei nō ia.

HOSEA 1:11

A e hoʻākoakoa ʻia mai nā mamo a Iuda, a me nā mamo a ʻIseraʻela, ma kahi hoʻokahi, A e hoʻonoho lākou i hoʻokahi aliʻi no lākou; A e piʻi aʻela lākou mai ka ʻāina mai; No ka mea, nani ka manawa o Iezereʻela.

HOSEA 11:10

Ma muli o Iēhova lākou e hele ai; E uō ana nō ia e like me ka liona; A i ka wā e uō ai ʻo ia, a laila e haʻalulu nā keiki mai ke komohana mai.

HOSEA 5:15

E hele au a e hoʻi aku i koʻu wahi, A e hoʻopaʻi ʻia lākou, a e ʻimi mai i kuʻu maka; I ko lākou wā pilikia e ʻimi koke mai lākou iaʻu.

HOSEA 5:6

A e hele lākou me kā lākou poʻe hipa, a me kā lākou poʻe bipi e ʻimi iā Iēhova, Akā, ʻaʻole e loaʻa iā lākou; Ua hele ia mai o lākou aku.

HOSEA 6:1

¶ “Inā kākou e hoʻi hou aku iā Iēhova; No ka mea, ua haehae mai kēlā, a e hoʻōla mai ia iā kākou; Ua hahau mai ia, a e hoʻōla mai nō ʻo ia iā kākou.

ʻAMOSA 9:11

¶ “I kēlā lā e kūkulu au i ka halelewa o Dāvida i wāwahi ʻia, A e hoʻopaʻa i kona wahi hiolo; A e hoʻokū hou au i kona mau mea i heleleʻi ʻia, A hana aku ia e like me nā lā ma mua;

MIKA 4:1

¶ A i nā lā ma hope e hoʻokūpaʻa ʻia ka mauna o ka hale o Iēhova, ma luna o nā mauna, A e hoʻokiʻekiʻe ʻia ʻo ia ma luna o nā puʻu; a e holo nā kānaka i ona lā.

KA BUKE ʻAHĀ A MOSE, I KAPA ʻIA NĀ HELU 24:14

“ʻĀnō hoʻi, ke hoʻi aku nei au i koʻu poʻe kānaka; ʻeā, e haʻi ʻē aku nō au iā ʻoe i ka mea a kēia poʻe kānaka e hana mai ai i kou poʻe kānaka i nā lā ma hope.”

ʻO KA ʻEPISETOLE A PAULO KA LUNAʻŌLELO I KO ROMA 11:25

¶ No ka mea, ʻaʻole au makemake e ʻike ʻole ʻoukou, e nā hoahānau, i kēia pohihihi, o akamai ʻoukou i ko ʻoukou manaʻo; ua loaʻa ka moʻowini i kekahi poʻe o kā ʻIseraʻela a hiki i ka manawa e komo mai ai ka nui o ko nā ʻāina ʻē.

ʻO KA ʻEPISETOLE A PAULO KA LUNAʻŌLELO I KO ROMA 2:4

A ke hoʻowahāwahā nei anei ʻoe i ka nui loa o kona lokomaikaʻi, a me kona ahonui, a me kona hoʻomanawanui ʻana, ʻaʻole hoʻi ʻoe i hoʻomaopopo, ʻo ko ke Akua maikaʻi, ʻo ka mea ia e alakaʻi iā ʻoe i ka mihi?

KA BUKE ʻALIMA A MOSE, I KAPA ʻIA KĀNĀWAI LUA 4:30

“A loaʻa iā ʻoe ka pōpilikia, a hiki mai kēia mau mea a pau ma luna ou i nā lā ma hope, a i huli mai ʻoe iā Iēhova kou Akua, a hoʻolohe i kona leo;