HOSEA 3:4 - Ka Baibala Hemolele

⁴ No ka mea, he nui nā lā e noho ai nā mamo a ʻIseraʻela, ʻaʻohe aliʻi, ʻaʻohe haku, ʻaʻohe mōhai, ʻaʻohe kiʻi, ʻaʻohe ʻēpoda, ʻaʻohe terapima.

HOSEA 3:4 Iomraidhean Croise

KA BUKE MUA A MOSE, I KAPA ʻIA KINOHI 31:19

Ua hala akula ʻo Labana e ʻako i kāna poʻe hipa; a ʻaihue ihola ʻo Rāhela i nā kiʻi o kona makua kāne.

KA BUKE MUA A MOSE, I KAPA ʻIA KINOHI 31:34

Ua lawe aku nō ʻo Rāhela i ua mau kiʻi lā, a waiho pū ihola me nā noho kāmelo, a noho ihola ma luna. Huli ihola ʻo Labana i ka halelewa a pau, ʻaʻole naʻe i loaʻa.

KA BUKE MUA A MOSE, I KAPA ʻIA KINOHI 49:10

“ʻAʻole e lilo aku ke koʻokoʻo aliʻi mai o Iuda aku, ʻAʻole hoʻi ka mea wehewehe kānāwai mai waena aku o kona mau wāwae, A hiki mai ai ʻo Silo; A iā ia ke ʻākoakoa ʻana aʻe o nā kānaka.

KA BUKE ʻALUA A SAMUʻELA 6:14

Haʻa ikaika akula hoʻi ʻo Dāvida i mua o Iēhova; a ua kāʻei ʻia ʻo Dāvida i ka ʻēpoda olonā.

KA BUKE ʻALUA NO NĀ ALIʻI 23:24

¶ A ʻo nā wāhine nīnau i nā ʻuhane ʻino, a me ka poʻe ʻanāʻanā, a me nā kiʻi, a me nā kiʻi lāʻau, a ʻo nā mea hoʻopailua a pau, nā mea i ʻike ʻia ma ka ʻāina o kā Iuda, a ma Ierusalema, ʻo ia mau mea kā Iosia i lawe aku, i hoʻokō ai ʻo ia i nā ʻōlelo o ke kānāwai i kākau ʻia ma ka buke i loaʻa iā Hilekia ke kahuna ma ka hale o Iēhova.

KA BUKE ʻALUA O KA ʻOIHANA ALIʻI 15:2

Hele akula ia e hālāwai pū me ʻAsa, ʻī akula iā ia, “E hoʻolohe mai iaʻu, e ʻAsa, a me kā Iuda a pau, a me kā Beniamina; ʻo Iēhova pū kekahi me ʻoukou i ko ʻoukou noho pū ʻana me ia; inā e ʻimi ʻoukou iā ia, e loaʻa nō ʻo ia iā ʻoukou; akā, inā e haʻalele ʻoukou iā ia, e haʻalele kēlā iā ʻoukou.

KA BUKE ʻALUA A MOSE, I KAPA ʻIA PUKA ʻANA 28:4

“Eia nā ʻaʻahu a lākou e hana ai: he pale umauma, he ʻēpoda, he holokū, he pālule ʻōniʻoniʻo, he pāpale hainikā, a me ke kāʻei. E hana nō lākou i ʻaʻahu kapu no ʻAʻarona, kou kaikuaʻana, a no kāna mau keiki kāne, i lawelawe ʻo ia naʻu ma ka ʻoihana a ke kahuna.

KA BUKE ʻALUA A MOSE, I KAPA ʻIA PUKA ʻANA 28:6

¶ e hana lākou i ka ʻēpoda: he gula, a he lole uliuli, i poni, a ʻulaʻula, a he olonā i hilo ʻia, i humuhumu ʻia e ka poʻe akamai.

KE KANIKAU A IEREMIA 2:9

Ua pohō kona mau puka pā i loko o ka lepo, Ua wāwahi ʻo ia, a ua uhaʻi i kona mau kaola; Aia nō kona mau aliʻi, a me kona mau haku i waena o ko nā ʻāina ʻē; ʻAʻohe Kānāwai; ʻAʻole i loaʻa i kona mau kāula ka hōʻike ʻana mai o Iēhova mai.

KA WĀNANA A ʻEZEKIʻELA 19:14

‘Ua puka aʻela ke ahi mai loko aʻe o kekahi koʻokoʻo o kona mau lālā; Ua hoʻopau aʻela ia i kona hua, I ʻole hoʻi ona koʻokoʻo paʻa i hōʻailona mōʻī e aliʻi ai.’” He kanikau kēia, a he mea ia e kanikau ai.

KA WĀNANA A ʻEZEKIʻELA 20:32

“A ʻo ka mea i kupu i loko o ko ʻoukou naʻau, ʻaʻole loa ia, i kā ʻoukou ʻōlelo ʻana, ‘E like kākou me nā lāhui kanaka, e like me nā ʻohana o nā ʻāina i ka hoʻomana i ka lāʻau a me ka pōhaku.’

KA WĀNANA A ʻEZEKIʻELA 21:21

“No ka mea, ua kū ihola ke aliʻi o Babulona ma ka mahele ʻana o ke alanui, ma ke poʻo o nā ala ʻelua, e kilokilo ai; hoʻonāueue ʻo ia i kāna mau pua, kūkākūkā nō ia me nā kiʻi, ua nānā nō ia i ke akepaʻa.

KA WĀNANA A ʻEZEKIʻELA 21:31

‘E ninini aku hoʻi au i kuʻu inaina ma luna ou, a e puhi aku au iā ʻoe me ke ahi o koʻu huhū ʻana, a e hāʻawi aku au iā ʻoe i loko o ka lima o nā kānaka loko ʻino, a he akamai i ka luku aku.

KA BUKE NO DANIʻELA 11:31

“A e kū mai auaneʻi nā koa ma kona ʻaoʻao, a e hoʻohaumia lākou i kahi hoʻāno ikaika, a e hoʻopau i ka mōhai o nā lā, a e hoʻokū aʻe lākou i ka mea ʻino e hoʻoneoneo ai.

KA BUKE NO DANIʻELA 12:11

“A mai ka manawa e lawe ʻia aku ai ka mōhai o nā lā, a e hoʻonoho ʻia ai hoʻi ka mea ʻino e hoʻoneoneo ai, hoʻokahi tausani ʻelua haneri a me kanaiwa ia mau lā.

KA BUKE NO DANIʻELA 9:27

“A e hoʻopaʻa iho nō ia i ka berita me ka lehulehu no ka hebedoma hoʻokahi; a i waenakonu o ua hebedoma lā e hoʻōki ʻia nā mōhai, a me nā mōhai kuni, a ma luna o ka pā hale e kau nā mea haumia e hoʻoneoneo ai a hiki i ka manawa e ninini ʻia mai ai ka hoʻopaʻi ʻana ma luna o ka poʻe i luku aku.”

HOSEA 13:10

ʻAuhea hoʻi kou aliʻi, nāna e hoʻōla mai iā ʻoe ma kou mau kūlanakauhale a pau? ʻAuhea hoʻi kou mau luna kānāwai, nā mea āu i ʻōlelo ai, “E hāʻawi mai i aliʻi noʻu, a me nā luna?”

HOSEA 13:11

Hāʻawi aku au i aliʻi nou, no kuʻu inaina, A lawe aku au iā ia ma kuʻu huhū.

HOSEA 2:11

“A e hoʻopau aku au i kona leʻaleʻa a pau, I kāna mau ʻahaʻaina, i kona mau Mahina Hou, i kona mau lā Sābati, a me kona mau ʻahaʻaina a pau.

KA BUKE ʻAKOLU A MOSE, I KAPA ʻIA ʻOIHANA KAHUNA 8:7

A hoʻokomo akula ʻo ia i ke kapa komo iā ia, a kāʻei aʻela iā ia i ke kāʻei, a hōʻaʻahu iā ia i ka ʻaʻahu, a kau hoʻi i ka ʻēpoda ma luna ona, a kāʻei aʻela iā ia i ke kāʻei ʻōniʻoniʻo o ka ʻēpoda, a hoʻopili akula ia mea iā ia.

ZEKARIA 10:2

No ka mea, ua ʻōlelo lapuwale nā kiʻi, A ua wānana nā kāula i ka mea wahaheʻe, A ua hōʻike mai i nā moeʻuhane hoʻopunipuni; He mea ʻole ko lākou hōʻoluʻolu ʻana; No laila ʻauana akula lākou e like me nā ʻohana hipa; Ua pōpilikia lākou; no ka mea, ʻaʻohe kahu hipa.

ZEKARIA 13:2

¶ “Eia hoʻi kekahi ia lā,” wahi a Iēhova o nā kaua, “e ʻānai aku au i nā inoa o nā kiʻi mai ka ʻāina aku, i hoʻomanaʻo hou ʻole ʻiā lākou; a e hoʻokuke aku hoʻi au i nā kāula a me ka ʻuhane haukaʻe mai ka ʻāina aku.

KA ʻEUANELIO I KĀKAU ʻIA AI E LUKA 21:24

“A e hāʻule nō lākou i ka pahi kaua, a e lawe pio ʻia aku lākou i nā ʻāina a pau; a e hehi ʻia auaneʻi ʻo Ierusalema i lalo e nā kānaka ʻē, a pau aku nā manawa o ko nā ʻāina ʻē.

KA ʻEUANELIO I KĀKAU ʻIA AI E IOANE 19:15

Kāhea nui akula lākou, “E lawe aku, e lawe aku, e kau iā ia ma ke keʻa.” ʻĪ akula ʻo Pilato iā lākou, “E kau aku anei au i ko ʻoukou Aliʻi ma ke keʻa?” ʻĪ maila nā kāhuna nui, “ʻAʻohe o mākou aliʻi, ʻo Kaisara wale nō.”

ʻO KA ʻEPISETOLE A PAULO KA LUNAʻŌLELO I KO HEBERA 10:26

¶ A inā e hana hewa kākou me ka ʻae o ka naʻau, ma hope iho o ka loaʻa ʻana mai iā kākou ka ʻike ʻana i ka ʻōlelo ʻoiaʻiʻo, ʻaʻohe mōhai hou no nā hala;

KA BUKE NO NĀ LUNA KĀNĀWAI 17:5

He hale akua ko ua kanaka lā o ko Mika, a hana ihola ia i ʻēpoda, a i terapima, a hoʻolaʻa aʻela ia i kekahi o kāna mau keiki kāne, a lilo ia i kahuna nona.

KA BUKE NO NĀ LUNA KĀNĀWAI 18:14

¶ A laila, nīnau aʻela nā kanaka ʻelima, i hele aku e mākaʻikaʻi i ka ʻāina ʻo Laisa, ʻī akula i ko lākou poʻe hoahānau, “Ua ʻike anei ʻoukou, aia ma loko o kēia mau hale, he ʻēpoda, a he terapima, a me ke kiʻi, a me ke kiʻi hoʻoheheʻe ʻia? No laila ʻeā, e noʻonoʻo ʻoukou i kā ʻoukou mea e hana ai.”

KA BUKE NO NĀ LUNA KĀNĀWAI 8:27

Hana ihola ʻo Gideona ia mea, i ʻēpoda, a waiho ihola ma kona kūlanakauhale, ma ʻOpera. Hahai akula i laila kā ʻIseraʻela a pau, e kuko ana ma muli o ia mea; a lilo ihola ia i mea e hihia ai no Gideona, a me ko kona hale.

KA BUKE MUA A SAMUʻELA 14:3

A ʻo ʻAhiia, ke keiki a ʻAhituba, a ke kaikuaʻana o ʻIkaboda, ke keiki a Pinehasa, ke keiki a ʻEli, ke kahuna a Iēhova ma Silo, ua hoʻokomo ʻia ka ʻēpoda. ʻAʻole i ʻike nā kānaka, ua hala ʻo Ionatana.

KA BUKE MUA A SAMUʻELA 15:23

“No ka mea, ʻo ke kipi, ua like ia me ka hewa o ka ʻanāʻanā, A ʻo ka hoʻopaʻakikī, me ka lapuwale o ka hoʻomana kiʻi; No kou haʻalele ʻana i ka ʻōlelo a Iēhova, Ua haʻalele mai ia iā ʻoe, ʻaʻole ʻoe ke aliʻi.”

KA BUKE MUA A SAMUʻELA 2:18

¶ Akā ʻo Samuʻela, he keiki, lawelawe nō ia i mua o Iēhova, i kāʻei ʻia i ka ʻēpoda olonā.

KA BUKE MUA A SAMUʻELA 21:9

ʻĪ maila ke kahuna, “ʻO ka pahi kaua a Golia ke kanaka Pilisetia āu i pepehi ai ma ke awāwa ʻo ʻEla, aia hoʻi ia i wahī ʻia i ka lole ʻaʻahu ma hope o ka ʻēpoda; a i lawe ʻoe ia mea, e lawe; no ka mea, ʻaʻohe pahi ʻē aʻe, ʻo ia wale nō.” ʻĪ akula ʻo Dāvida, “ʻAʻohe mea e like ana me ia, e hāʻawi mai ia iaʻu.”

KA BUKE MUA A SAMUʻELA 22:18

ʻĪ akula ke aliʻi iā Doega, “E huli aʻe ʻoe, a lele ma luna o nā kāhuna.” A huli aʻela ʻo Doega, kā ʻEdoma, a lele ma luna o nā kāhuna, a pepehi ihola ia lā i nā kānaka he kanawalukumamālima i pūliki ʻia i ka ʻēpoda olonā.

KA BUKE MUA A SAMUʻELA 23:6

¶ A i ka holo ʻana o ʻAbiatara ke keiki a ʻAhimeleka i o Dāvida lā i Keila, ua hele nō ia me ka ʻēpoda ma kona lima.

KA BUKE MUA A SAMUʻELA 23:9

A ʻike ihola ʻo Dāvida, ua manaʻo ʻino malū mai ʻo Saula iā ia; ʻī akula ʻo ia iā ʻAbiatara ke kahuna, “E lawe mai i ka ʻēpoda.”

KA BUKE MUA A SAMUʻELA 30:7

¶ ʻŌlelo akula ʻo Dāvida iā ʻAbiatara ke kahuna, ke keiki a ʻAhimeleka, “Ke noi aku nei au iā ʻoe e lawe mai i ka ʻēpoda iaʻu.” A lawe maila ʻo ʻAbiatara i ka ʻēpoda iā Dāvida.