HOSEA 3:1 - Ka Baibala Hemolele

¹ ¶ A laila ʻōlelo maila ʻo Iēhova iaʻu, “E hele hoʻi, e aloha aku i ka wahine i aloha ʻia e ka hoalauna; akā, ke moekolohe naʻe; e like me ke aloha o Iēhova i nā mamo a ʻIseraʻela, i ka poʻe e huli ana i nā akua ʻē, a e makemake hoʻi i nā paʻi hua waina.”

HOSEA 3:1 Iomraidhean Croise

KA BUKE ʻALUA A SAMUʻELA 6:19

A hāʻawi akula ia na ka poʻe kānaka a pau, na ke anaina kanaka a pau o kā ʻIseraʻela, na nā wāhine a me nā kāne, na kēlā mea kēia mea, i ka pōpō berena a me kauwahi iʻa, a me kekahi paʻi hua waina. A hoʻi hou akula nā kānaka a pau i ko lākou mau wahi.

KA BUKE ʻALUA NO NĀ ALIʻI 13:23

A manaʻo mai ʻo Iēhova iā lākou, a ahonui mai iā lākou, a nānā mai iā lākou no kāna berita iā ʻAberahama, iā ʻIsaʻaka, a me Iakoba, ʻaʻole ona makemake e luku aku iā lākou, ʻaʻole hoʻi e hoʻokuke aku iā lākou mai kona alo aku i kēia manawa.

KA BUKE MUA O KA ʻOIHANA ALIʻI 16:3

A hāʻawi pākahi maila ia i kā ʻIseraʻela a pau, i nā kāne a me nā wāhine, i kēlā mea i kēia mea, i ka pōpō berena a me kauwahi iʻa, a me kekahi paʻi hua waina.

KA BUKE A NEHEMIA 9:31

“ʻAʻole naʻe ʻoe i hoʻopau loa iā lākou no kou lokomaikaʻi he nui nō, ʻAʻole hoʻi i haʻalele ʻoe iā lākou; No ka mea, he Akua lokomaikaʻi nō ʻoe a me ke aloha.

KA BUKE O NĀ HALELŪ 123:2

Aia hoʻi, e like me nā maka o nā kauā kāne. I ka lima o ko lākou haku, E like hoʻi me nā maka o ke kauā wahine, I ka lima o kona haku wahine; Pēlā nō ko kākou maka iā Iēhova i ko kākou Akua, A aloha mai ʻo ia iā mākou.

KA BUKE ʻALUA A MOSE, I KAPA ʻIA PUKA ʻANA 32:6

A ia lā iho, ala koke aʻela lākou, a mōhai akula i mōhai kuni, a lawe mai nō hoʻi i mōhai hoʻomalu; a noho ihola nā kānaka e ʻai, a e inu, a kū aʻela i luna e pāʻani.

KE MELE A SOLOMONA 2:5

“E hōʻoluʻolu mai iaʻu i ka paʻi hua waina, E hānai mai hoʻi iaʻu i ka hua ʻōhiʻa; No ka mea, ua maʻi au i ke aloha.

KA WĀNANA A ʻISAIA 45:22

“E hāliu mai ʻoukou iaʻu a e hoʻōla ʻia nō ʻoukou, E nā kūkulu o ka honua; No ka mea, ʻo wau nō ke Akua, ʻaʻohe mea ʻē aʻe.

KA WĀNANA A IEREMIA 3:20

“ʻOiaʻiʻo, e like me ka wahine haʻalele ʻino i kāna kāne, Pēlā ʻoukou i haʻalele ʻino mai ai iaʻu, E ko ka hale o kā ʻIseraʻela,” wahi a Iēhova.

KA WĀNANA A IEREMIA 31:20

“ʻO ʻEperaima anei kaʻu keiki aloha? He keiki anei ia e ʻoliʻoli ai? No ka mea, mai ka wā mai o kaʻu ʻōlelo kūʻē ʻana iā ia, He ʻoiaʻiʻo, ke hoʻomanaʻo mau nei au iā ia; No laila, e haʻehaʻe nei koʻu ʻōpū nona; He ʻoiaʻiʻo nō e lokomaikaʻi aku nō wau iā ia, wahi a Iēhova.

HOSEA 11:8

¶ Pehea lā wau e hoʻokuʻu aku ai iā ʻoe, e ʻEperaima? Pehea lā wau e hoʻolilo ai iā ʻoe, e kā ʻIseraʻela? Pehea lā wau e hana aku ai iā ʻoe e like me ʻAdema? Pehea hoʻi wau e hoʻokū ai iā ʻoe e like me Zeboima? Ua huli ʻia koʻu naʻau i loko oʻu, Ua hoʻāla pū ʻia hoʻi kuʻu minamina.

HOSEA 2:5

“No ka mea, ua moekolohe ko lākou makuahine, Ua hana hilahila ka mea nāna lākou i hāpai; No ka mea, ʻī ihola ia, ‘E hele aku au ma muli o kuʻu mau ipo, Ka poʻe i hāʻawi mai i kaʻu ʻai, a me koʻu wai, I koʻu hulu hipa a me kuʻu olonā, ʻo koʻu ʻaila, a me koʻu mea inu.’

HOSEA 4:11

¶ ʻO ka moekolohe, ʻo ka waina, a me ka waina hou, ʻo ia ke lawe aku i ka naʻau.

HOSEA 7:5

A i ka lā o ko kākou aliʻi loʻohia iho nā haku e ka maʻi i ka wela o ka waina, A ʻō akula ʻo ia i kona lima me ka poʻe haʻakei.

ʻAMOSA 2:8

“A moe iho lākou ma luna o nā kapa i lawe ʻia i uku pānaʻi, ma kēlā kuahu kēia kuahu, A inu nō lākou i ka waina o ka poʻe i hoʻopaʻi ʻia ma ka hale o ko lākou mau akua.

ʻAMOSA 6:6

Ka poʻe inu waina ma loko o nā kīʻaha, A kāhinu iā lākou iho i ka hinu maikaʻi; Akā, ʻaʻole i kaumaha lākou no ka ʻeha ʻana o kā Iosepa!

MIKA 7:7

¶ A e nānā aku au iā Iēhova; E kali aku au i ke Akua o kuʻu ola; E hoʻolohe mai koʻu Akua iaʻu.

ZEKARIA 1:16

‘No laila, ke ʻī mai nei ʻo Iēhova, “Ua hoʻi hou mai nei au i Ierusalema me ke aloha; e kūkulu ʻia koʻu hale i loko ona,” wahi a Iēhova o nā kaua; “a e kau ʻia ke kaula ana ma luna o Ierusalema.”’

KA ʻEUANELIO I KĀKAU ʻIA AI E MATAIO 26:50

ʻĪ maila ʻo Iesū iā ia, “E ka hoalauna, he aha kāu i hele mai nei?” A laila hele akula lākou, a kau akula i nā lima ma luna o Iesū, a hoʻopaʻa ihola iā ia.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:21

ʻAʻole e hiki iā ʻoukou ke inu pū i ke kīʻaha o ka Haku a me ke kīʻaha o nā daimonio. ʻAʻole e hiki iā ʻoukou ke pili pū aku i ka papa pāʻina a ka Haku me ka papa pāʻina a nā daimonio.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:7

Mai lilo ʻoukou i poʻe hoʻomana kiʻi, e like me kekahi o lākou; e like hoʻi me ka mea i palapala ʻia, “«Noho ihola nā kānaka e ʻai, a e inu, a kū maila lākou e hula».”

ʻO KA ʻEPISETOLE HOʻOLAHA MUA A PETERO 4:3

No ka mea, ʻo ka manawa i hala o kā kākou ola ʻana, ua nui ia e hana aku ai i ka makemake o ko nā ʻāina ʻē, i ko kākou hahai ʻana i ka makaleho, a me ke kuko, a me ka pākela inu waina, a me ka ʻahaʻaina hoʻoipoipo, a me ka ʻaha inu, a me ka mālama kiʻi e hoʻowahāwahā ʻia ai.

KA BUKE NO NĀ LUNA KĀNĀWAI 10:16

Kiola akula lākou i nā akua ʻē, mai o lākou aku, a mālama ihola iā Iēhova; a menemene ihola kona ʻuhane, no ke kaumaha nui o kā ʻIseraʻela.

KA BUKE NO NĀ LUNA KĀNĀWAI 9:27

Hele akula lākou i nā mahina ʻai, hōʻiliʻili aʻela i ko ka māla waina o lākou, hahi ihola, a hula aʻela, a komo akula i loko o ka hale o ko lākou akua, ʻai ihola, a inu, a hōʻino akula iā ʻAbimeleka.