HOSEA 2:7 - Ka Baibala Hemolele

⁷ “A hahai aku nō ia i kona mau hoaaloha, ʻaʻole e loaʻa lākou iā ia; A ʻimi aku hoʻi ia iā lākou, ʻaʻole e loaʻa; A laila, e ʻī iho ia, ‘E hele au, a e hoʻi hou i kuʻu kāne ma mua; No ka mea, ua ʻoi aku koʻu pono i kēlā wā ma mua o kēia.’

HOSEA 2:7 Iomraidhean Croise

KA BUKE ʻALUA O KA ʻOIHANA ALIʻI 28:23

Ua mōhai ia i nā akua o Damaseko, nā mea i pepehi mai iā ia; a ʻōlelo ihola ia, “No ka mea, ʻo nā akua o nā aliʻi o Suria, ua kōkua ia mau mea iā lākou, no ia mea, e mōhai aku au iā lākou, i kōkua mai lākou iaʻu.” Akā, ua lilo lākou i mea e make ai ia, a me kā ʻIseraʻela a pau.

KA BUKE O NĀ HALELŪ 116:7

E kuʻu ʻuhane, e hoʻi ʻoe i kou wahi e hoʻomaha ai, No ka mea, hana maikaʻi mai ʻo Iēhova iā ʻoe.

KA WĀNANA A ʻISAIA 30:16

A ʻōlelo mai nō ʻoukou, “ʻAʻole; Akā, e holo nō mākou ma luna o nā lio”; No laila, e holo ʻiʻo nō ʻoukou; “E holo mākou ma luna o nā mea māmā”; No laila, e māmā ai ka poʻe hahai iā ʻoukou.

KA WĀNANA A IEREMIA 14:22

Aia anei i waena o nā mea lapuwale o nā ʻāina ʻē kekahi mea hoʻoua mai i ka ua? E hiki anei i nā lani ke hāʻawi mai i ka ua? ʻAʻole anei ʻo ʻoe ia, e Iēhova, ko mākou Akua? No laila mākou e hilinaʻi aku ai iā ʻoe; No ka mea, ua hana ʻoe i kēia mau mea a pau.

KA WĀNANA A IEREMIA 2:2

“Ō hele, e kala ma nā pepeiao o ko Ierusalema, e ʻī aku, ‘Ke ʻōlelo mai nei ʻo Iēhova, penei, “Ua hoʻomanaʻo aku au iā ʻoe, I ka lokomaikaʻi o kou wā ʻōpiopio, I ke aloha o kou wā i mare hou ʻia ai, I kou hahai ʻana ma muli oʻu ma loko o ka wao nahele. Ma ka ʻāina i lūlū ʻole ʻia.

KA WĀNANA A IEREMIA 2:28

“ʻAuhea kou poʻe akua āu i hana ai nou? E ala mai lākou, Inā paha e hiki iā lākou ke hoʻōla iā ʻoe i kou pōpilikia. No ka mea, ʻo ka heluna o kou mau kūlanakauhale, ʻO ia nō ka heluna o kou poʻe akua, e Iuda.

KA WĀNANA A IEREMIA 2:36

“He aha kou mea e hele nui aku ai, e hoʻololi hou i kou ʻaoʻao? E hilahila nō hoʻi ʻoe iā ʻAigupita, e like me ʻoe i hilahila ai iā ʻAsuria.

KA WĀNANA A IEREMIA 3:1

¶ “Ke ʻōlelo nei lākou, ‘Inā kipaku ke kāne i kāna wahine, A hele aku ʻo ia, mai ona aku lā, a lilo na ke kanaka ʻē, E hoʻi hou anei kēlā iā ia?’ ʻAʻole anei e hoʻohaumia loa ʻia kēlā ʻāina? Ua moekolohe nō naʻe ʻoe me nā ipo he nui loa; Akā, e hoʻi hou mai ʻoe iaʻu,” wahi a Iēhova.

KA WĀNANA A IEREMIA 31:18

“ʻOiaʻiʻo nō ua lohe au iā ʻEperaima e olo pihe ana, ‘Ua paʻipaʻi mai ʻoe iaʻu, a ua paʻipaʻi ʻia mai au, E like me ka bipi maʻa ʻole. E hoʻohuli ʻoe iaʻu, a e hoʻohuli ʻia nō wau; No ka mea, ʻo ʻoe nō ʻo Iēhova, koʻu Akua.

KA WĀNANA A IEREMIA 31:32

ʻaʻole e like ana me ka berita aʻu i hana aku ai me ko lākou poʻe mākua kāne, i ka lā aʻu i lālau aku ai iā lākou ma ka lima, e lawe iā lākou mai ka ʻāina ʻo ʻAigupita mai; ʻo ua berita lā aʻu kā lākou i uhaʻi ai, iaʻu i noho ai he kāne na lākou,” wahi a Iēhova.

KA WĀNANA A IEREMIA 44:17

“Akā, ʻoiaʻiʻo nō, e hana mākou i nā mea a pau i puka aku, mai ko mākou waha aku, e puhi i ka mea ʻala no ke aliʻi wahine o ka lani, a e ninini hoʻi i nā mōhai inu iā ia, me mākou i hana ai, ʻo mākou a me ko mākou poʻe mākua, a me ko mākou poʻe aliʻi, a me ko mākou poʻe luna, ma nā kūlanakauhale o kā Iuda, a ma nā alanui o Ierusalema; no ka mea, ia manawa he nui kā mākou ʻai, ʻaʻole hoʻi o mākou maʻi, ʻaʻole mākou i ʻike i ka ʻino.

KA WĀNANA A ʻEZEKIʻELA 16:18

“A lawe aʻela hoʻi ʻoe i kou mau kapa ʻōniʻoniʻo a hoʻouhi aku iā lākou. A ua hoʻonoho ʻoe i koʻu ʻaila a me kaʻu mea ʻala i mua o lākou.

KA WĀNANA A ʻEZEKIʻELA 16:8

“A i koʻu māʻalo ʻana aʻe ma ou lā, a nānā aku iā ʻoe, ʻo koʻu manawa, he manawa aloha nō ia, a hohola aku au i ke kihi o koʻu kapa ma luna, a uhi aʻela i kou ʻōlohelohe; hoʻohiki nō hoʻi au nou, a komo hoʻi i loko o ka berita me ʻoe,” wahi a Iēhova ka Haku, “a lilo mai ʻoe noʻu.

KA WĀNANA A ʻEZEKIʻELA 20:32

“A ʻo ka mea i kupu i loko o ko ʻoukou naʻau, ʻaʻole loa ia, i kā ʻoukou ʻōlelo ʻana, ‘E like kākou me nā lāhui kanaka, e like me nā ʻohana o nā ʻāina i ka hoʻomana i ka lāʻau a me ka pōhaku.’

KA WĀNANA A ʻEZEKIʻELA 23:12

“Hauʻoli ihola ʻo ia i ko ʻAsuria kona mau hoalauna, nā luna koa a me nā aliʻi kāhiko nani ʻia, nā hoʻoholo lio, e holo ana ma luna o nā lio, he poʻe kānaka uʻi lākou a pau e makemake ʻia.

KA WĀNANA A ʻEZEKIʻELA 23:22

¶ “No laila, e ʻAholiba, ke ʻī mai nei Iēhova ka Haku penei: ‘E hoʻokū aʻe au i kāu mau ipo e kūʻē iā ʻoe, nā mea a kou naʻau i kūʻē ai, a e lawe mai au iā lākou e kūʻē iā ʻoe a puni:

KA WĀNANA A ʻEZEKIʻELA 23:4

“A ʻo ko lāua mau inoa, ʻo ʻAhola ke kaikuaʻana, a ʻo ʻAholiba kona kaikaina; a naʻu nō lāua, a ua hānau lāua i nā keiki kāne a me nā kaikamāhine. Pēlā hoʻi ko lāua mau inoa, ʻo ʻAhola, ʻo Samaria ia, a ʻo ʻAholiba, ʻo Ierusalema ia.

KA BUKE NO DANIʻELA 4:17

“ʻO ka manaʻo paʻa kēia o nā mea kiaʻi, A ʻo ke kauoha hoʻi a nā mea hemolele; I ʻike ai ka poʻe e ola ana Aia ma luna o ke aupuni kanaka ka Mea Kiʻekiʻe e aliʻi ana, A hāʻawi aku nō ʻo ia ia mea na ka mea āna e makemake ai, A hoʻonoho ma luna iho i nā kānaka lalo loa.”

KA BUKE NO DANIʻELA 4:25

e kipaku lākou iā ʻoe mai nā kānaka aku, a ʻo kou wahi e noho ai aia nō ia me nā holoholona o ke kula, a e ʻai iho ʻoe i ka weuweu e like me nā bipi kauō, a e hoʻopulu ʻia nō hoʻi ʻoe i ka hau o ka lani, a hala nā manawa ʻehiku ma luna ou, a ʻike ʻoe e aliʻi ana ka Mea Kiʻekiʻe ma luna o ke aupuni kanaka, a hāʻawi aku nō ʻo ia ia mea i kāna mea e manaʻo ai.

KA BUKE NO DANIʻELA 4:32

‘A e kipaku ʻia nō ʻoe mai nā kānaka aku, a ʻo kou wahi e noho ai aia pū nō ia me nā holoholona o ke kula; a e hānai ʻia ʻoe i ka mauʻu e like me nā bipi kauō, a hala mai ma luna ou nā manawa ʻehiku; a ʻike ʻoe ʻo ka Mea Kiʻekiʻe ʻo ia ke aliʻi ma ke aupuni o kānaka, a e hāʻawi ʻia nō ia i kāna mea e manaʻo ai.’

KA BUKE NO DANIʻELA 5:21

“Ua kipaku ʻia ʻo ia mai nā kānaka aku; a ua hoʻolilo ʻia kona naʻau e like me ko nā holoholona, ʻo kona wahi e noho ai, aia pū me nā hoki hihiu; ua hānai ʻia ʻo ia i ka mauʻu e like me nā bipi kauō, a hoʻopulu ʻia kona kino i ka hau o ka lani; a ʻike ʻo ia i ke aliʻi ʻana o ke Akua Kiʻekiʻe i loko o ke aupuni o kānaka, a me kona hoʻonoho ʻana i ka mea āna e makemake ai ma luna iho.

HOSEA 1:2

¶ ʻO ka mua o ka ʻōlelo a Iēhova ma Hosea. ʻŌlelo maila ʻo Iēhova iā Hosea, “E hele ʻoe, a e lawe i wahine moekolohe nāu, a i nā keiki moekolohe hoʻi; no ka mea, ua moekolohe nu ko ka ʻāina, i ka haʻalele ʻana iā Iēhova.”

HOSEA 13:6

E like me kā lākou mea ʻai, pēlā i māʻona ai lākou; Ua māʻona lākou, a hoʻokiʻekiʻe ʻia ko lākou naʻau; No ia mea, ua hoʻopoina lākou iaʻu.

HOSEA 14:1

¶ E kā ʻIseraʻela, e huli mai ʻoe iā Iēhova kou Akua; No ka mea, ua hāʻule ʻoe ma kou hewa iho.

HOSEA 2:16

“A i kēlā manawa, wahi a Iēhova, e kapa mai ʻoe iaʻu ʻo ʻIsi; ʻAʻole e kapa hou iaʻu, ʻo Baʻali.

HOSEA 5:13

A ʻike ihola ʻo ʻEperaima i kona maʻi, a ʻo Iuda hoʻi i kona ʻeha, A laila, hele akula ʻo ʻEperaima i ʻAsuria, A hoʻouna akula i ke aliʻi kūʻē; ʻAʻole naʻe e hiki iā ia ke hoʻōla iā ʻoukou, ʻAʻole hoʻi e hoʻōla i ko ʻoukou ʻeha.

HOSEA 5:15

E hele au a e hoʻi aku i koʻu wahi, A e hoʻopaʻi ʻia lākou, a e ʻimi mai i kuʻu maka; I ko lākou wā pilikia e ʻimi koke mai lākou iaʻu.