HOSEA 2:3 - Ka Baibala Hemolele

³ O wehe aku au iā ia a ʻōlohelohe, A e hoʻokū iā ia e like me ia i ka lā āna i hānau ai, A e hoʻolilo iā ia e like me ka wao akua, A e hoʻokū hoʻi iā ia e like me ka ʻāina maloʻo, A e pepehi iā ia i ka make wai.

HOSEA 2:3 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 17:3

Ma laila nā kānaka i make wai ai; ʻōhumu aʻela nā kānaka iā Mose, ʻī maila lākou, “No ke aha lā ʻoe i lawe mai ai iā mākou, mai ʻAigupita mai, e make mākou, a me kā mākou keiki, a me kā mākou holoholona, i ka make wai?”

KA WĀNANA A ʻISAIA 33:9

Ua uē ka ʻāina, ua kanikau hoʻi; Ua hilahila ʻo Lebanona, ua mae wale; Ua like ʻo Sārona me ka wao nahele; Lūlū iho ʻo Basana, a me Karemela i nā lau.

KA WĀNANA A ʻISAIA 47:3

“E wehe ʻia auaneʻi kou hena, a e ʻike ʻia hoʻi kou wahi hilahila; E hoʻopaʻi ʻiʻo nō wau, ʻaʻole e pakele kekahi kanaka iaʻu.”

KA WĀNANA A ʻISAIA 64:10

Ua lilo nō kou mau kūlanakauhale laʻa i wao nahele, He wao nahele ʻo Ziona, He wahi neoneo ʻo Ierusalema.

KA WĀNANA A IEREMIA 12:10

“Ua nui nā kahu i ʻānai aku i koʻu pā waina, Ua hahi lākou i koʻu ʻāina, Ua hoʻolilo lākou i koʻu wahi maikaʻi, i wao nahele neoneo.

KA WĀNANA A IEREMIA 13:22

“A inā ʻōlelo ʻoe ma kou naʻau, ‘No ke aha lā i hiki mai ai kēia mau mea ma luna oʻu?’ No ka nui loa o kou hewa I lawe ʻia akula nā huʻa lole ou, Ua waiho wale ʻia kou mau kuʻekuʻe wāwae.

KA WĀNANA A IEREMIA 13:26

“No laila au e wehe aʻe ai i ka huʻa lole ou i luna ma kou maka, I ʻike ʻia kou wahi hilahila.

KA WĀNANA A IEREMIA 14:3

“ʻO ko laila poʻe koʻikoʻi, ua hoʻouna lākou i kā lākou poʻe ʻuʻuku e kiʻi i ka wai; Ua hele mai hoʻi lākou i nā luawai, ʻaʻole loaʻa iā lākou ka wai; Hoʻi aku nō lākou, ʻaʻohe mea i loko o ko lākou hue. Hilahila ihola lākou, a hoʻopalai maka, A pūloʻu ihola i ko lākou mau poʻo.

KA WĀNANA A IEREMIA 17:6

“E like auaneʻi ia me kahi i haʻalele ʻia ma loko o ka wao nahele, ʻAʻole ia e ʻike i ka wā e hiki mai ai ka maikaʻi; Akā, e noho nō ʻo ia ma nā wahi maloʻo ma ka wao nahele, Ma ka ʻāina hua ʻole, a noho ʻole ʻia.

KA WĀNANA A IEREMIA 2:31

“E ka hanauna kanaka, e nānā ʻoukou i ka ʻōlelo a Iēhova. He wao nahele anei au no kā ʻIseraʻela? He ʻāina pouli hoʻi? No ke aha lā i ʻōlelo ai koʻu poʻe kānaka, ‘E ʻaeʻa leʻaleʻa aku mākou, ʻAʻole mākou e hoʻi hou aku i ou lā’?

KA WĀNANA A IEREMIA 2:6

“ʻAʻole hoʻi lākou i nīnau iho, ‘ʻAuhea ʻo Iēhova, Ka Mea nāna i lawe mai iā kākou, mai ka ʻāina ʻo ʻAigupita mai, A alakaʻi hoʻi iā kākou ma loko o ka wao nahele, Ma loko hoʻi o ka ʻāina i paʻapū i nā auakua, a me nā lua, Ma waena hoʻi o ka ʻāina maloʻo, a me ke aka o ka make, Ma waena o ka ʻāina i hele ʻole ʻia e kanaka, A noho ʻole ʻia hoʻi e ke kanaka?’

KA WĀNANA A IEREMIA 22:6

No ka mea, penei ka ʻōlelo ʻana mai a Iēhova i ko ka hale o ke aliʻi o kā Iuda, ʻO ʻoe nō ʻo Gileada iaʻu, ʻO ke poʻo hoʻi o Lebanona. He ʻoiaʻiʻo, e hoʻolilo nō wau iā ʻoe i wao nahele, I kūlanakauhale noho ʻole ʻia.

KA WĀNANA A IEREMIA 4:26

Nānā akula au, aia hoʻi, ʻo kahi i nui ka ʻai, ua wao nahele; A ua hoʻohiolo ʻia ko laila kūlanakauhale a pau I mua o ke alo o Iēhova, I mua hoʻi o kona ukiuki nui.

KA WĀNANA A IEREMIA 51:43

“Ua lilo kona mau kūlanakauhale i wahi neoneo, He ʻāina maloʻo hoʻi, a he wao nahele, He ʻāina noho ʻole ʻia e kekahi kanaka, ʻAʻole hoʻi e hele aʻe ke keiki a ke kanaka i laila.

KA WĀNANA A IEREMIA 51:5

¶ No ka mea, ua haʻalele ʻole ʻia kā ʻIseraʻela, A ʻo kā Iuda hoʻi e kona Akua e Iēhova o nā kaua; Ua piha naʻe ko lākou ʻāina i ka lawehala i mua o ka Mea Hemolele o kā ʻIseraʻela.

KA WĀNANA A ʻEZEKIʻELA 16:22

“A i loko o kou mau mea inaina ʻia a me kou moekolohe ʻana, ʻaʻole ʻoe i hoʻomanaʻo i nā lā o kou ʻōpiopio ʻana, i kou ʻōlohelohe ʻana, a me ka uhi ʻole ʻia, a me kou paumāʻele ʻana i loko o kou koko.

KA WĀNANA A ʻEZEKIʻELA 19:13

‘Ua kanu ʻia aʻe nei ia ma ka wao nahele, Ma ka ʻāina maloʻo a me ka make wai.

HOSEA 13:15

¶ Inā ua māhuahua ʻo ia ma waena o kona mau hoahānau, E hele mai auaneʻi ka makani hikina, Ka makani o Iēhova e hiki mai, mai ka wao nahele mai; A e hoʻomaloʻo ʻia kona pūnāwai, A e maloʻo kona wai puna; A e hoʻopau aku ia i ka waiwai o nā ipu a pau i makemake ʻia.

HOSEA 2:10

“ʻĀnō e hōʻike aku au i kona mea hilahila i mua o nā maka o kona mau hoaaloha, ʻAʻohe mea e hoʻopakele iā ia mai koʻu lima aku.

KA HŌʻIKE ʻANA A IOANE KA HAIPULE 17:16

“A ʻo nā pepeiaohao he ʻumi āu i ʻike ai, a me ka holoholona, e huhū lākou nei i ka wahine hoʻokamakama, a e hao lākou iā ia, a e hele wale ʻo ia, a e ʻai hoʻi lākou i kona ʻiʻo, a e puhi aku iā ia i ke ahi.

KA BUKE NO NĀ LUNA KĀNĀWAI 15:18

Make wai loa ihola ia, a hea akula iā Iēhova, ʻī akula, “Ua hāʻawi mai ʻoe i kēia ola nui ma ka lima o kāu kauā nei; a e make anei au i ka make wai, a hāʻule i loko o ka lima o ka poʻe i ʻoki poepoe ʻole ʻia?”