HOSEA 14:3 - Ka Baibala Hemolele

³ “ʻAʻole e hoʻōla ko ʻAsuria iā mākou; ʻAʻole mākou e holo ma luna o ka lio; ʻAʻole hoʻi mākou e ʻōlelo hou aku i ka hana a ko mākou mau lima, ‘ʻO ʻoe ko mākou Akua’; No ka mea, ma ou lā e loaʻa ai i ka poʻe mākua ʻole ka lokomaikaʻi.”

HOSEA 14:3 Iomraidhean Croise

KA BUKE ʻALUA O KA ʻOIHANA ALIʻI 16:7

¶ Ia manawa, hele maila ʻo Hanani ke kāula i o ʻAsa lā, i ke aliʻi o kā Iuda, ʻōlelo maila iā ia, “No kou hilinaʻi ʻana i ke aliʻi o Suria, ʻaʻole hoʻi i hilinaʻi iā Iēhova i kou Akua, no ia mea, e pakele ka poʻe koa o ke aliʻi o Suria mai kou lima aku.

KA BUKE O NĀ HALELŪ 10:14

Ua ʻike mai nō ʻoe, ua nānā mai i ke kolohe a me ka huhū, I hoʻopaʻi mai ia mea me kou lima; ʻO ka mea ʻilihune ua waiho aku ʻo ia iā ia iho iā ʻoe; ʻO ʻoe nō ka mea nāna ka mea makua ʻole i kōkua mai.

KA BUKE O NĀ HALELŪ 146:3

Mai hilinaʻi ʻoukou i nā aliʻi, I ke keiki a ke kanaka hoʻi, ka mea hiki ʻole ke hoʻōla mai.

KA BUKE O NĀ HALELŪ 146:9

Mālama mai nō ʻo Iēhova i nā malihini, Hoʻolako hou mai nō ʻo ia i ka poʻe makua ʻole, a me nā wāhine kāne make; Hoʻokahuli wale ʻo ia i ka ʻaoʻao o ka poʻe hewa.

KA BUKE O NĀ HALELŪ 33:17

ʻO ka lio he mea lapuwale ia e malu ai; ʻAʻohe mea e hoʻōla ʻia e ia ma kona ikaika nui.

KA BUKE O NĀ HALELŪ 68:5

¶ ʻO ka makua no ka poʻe makua ʻole, ʻO ka luna kānāwai no nā wāhine kāne make, ʻO ia ke Akua i kona wahi hoʻāno e noho ai.

KA WĀNANA A ʻISAIA 1:29

No ka mea, e hilahila auaneʻi lākou i nā lāʻau ʻoka a ʻoukou i makemake ai, E hilahila nō i nā pā kanu a ʻoukou i koho ai.

KA WĀNANA A ʻISAIA 2:20

Ia lā lā e kiola aku nō ke kanaka i kona mau akua kālā, A me kona mau akua gula, āna i hana ai i mea hoʻomana, E lilo i nā ʻiole a me nā ʻōpeʻapeʻa.

KA WĀNANA A ʻISAIA 27:9

Penei hoʻi e kala ʻia ai ka hewa o Iakoba, A he hua nō kēia a pau e kala ai i ka hala; I kona hoʻolilo ʻana i nā pōhaku a pau o ke kuahu, E like me nā pōhaku puna i ʻulupā ʻia, I ala ʻole mai hoʻi nā kiʻi o ʻAseterota, a me nā akua kiʻi.

KA WĀNANA A ʻISAIA 30:16

A ʻōlelo mai nō ʻoukou, “ʻAʻole; Akā, e holo nō mākou ma luna o nā lio”; No laila, e holo ʻiʻo nō ʻoukou; “E holo mākou ma luna o nā mea māmā”; No laila, e māmā ai ka poʻe hahai iā ʻoukou.

KA WĀNANA A ʻISAIA 30:2

“Ka poʻe i hele i lalo i ʻAigupita, ʻAʻole naʻe i nīnau ma kuʻu waha; A hoʻoikaika lākou iā lākou iho ma ka ikaika o Paraʻo, A hilinaʻi aku ma ke aka o ʻAigupita.

KA WĀNANA A ʻISAIA 31:1

¶ Auē ka poʻe iho i lalo i ʻAigupita no ke kōkua ʻia mai, Ka poʻe i paulele i nā lio, a hilinaʻi ma nā kaʻa kaua, No ka nui o ia mau mea; A ma nā holo lio hoʻi, no ko lākou ikaika nui; ʻAʻole hoʻi e nānā aku i ka Mea Hemolele o kā ʻIseraʻela, ʻAʻole ʻimi aku ma o Iēhova lā!

KA WĀNANA A ʻISAIA 31:3

No ka mea, he poʻe kānaka wale nō ko ʻAigupita, ʻaʻohe akua; He ʻiʻo nō ko lākou mau lio, ʻaʻohe ʻuhane; E hohola mai nō ʻo Iēhova i kona lima, A e kūlanalana auaneʻi ka mea kōkua, E hina nō hoʻi ka mea e kōkua ʻia, A e make pū nō lākou a pau.

KA WĀNANA A ʻISAIA 36:8

“ʻĀnō lā, ʻeā, e hoʻolimalima ʻoe me kuʻu haku, me ke aliʻi o ʻAsuria, a e hāʻawi aku nō au iā ʻoe i ʻelua tausani lio, inā paha e hiki iā ʻoe ke hoʻonoho i nā holo lio ma luna o lākou.

KA WĀNANA A IEREMIA 49:11

“E waiho mai i kā ʻoukou keiki makua ʻole iaʻu, Naʻu nō lākou e hoʻōla; E hilinaʻi hoʻi iaʻu kou poʻe wāhine kāne make.”

KA WĀNANA A ʻEZEKIʻELA 36:25

“A laila, e pīpī aku ai au i ka wai maʻemaʻe ma luna o ʻoukou, a e maʻemaʻe hoʻi ʻoukou; i ko ʻoukou haumia a pau, a me ko ʻoukou mau akua kiʻi a pau, e hoʻomaʻemaʻe aku ai au iā ʻoukou.

KA WĀNANA A ʻEZEKIʻELA 37:23

“ʻAʻole hoʻi e hoʻohaumia hou aku lākou iā lākou iho me ko lākou mau akua kiʻi, ʻaʻole hoʻi me ko lākou mau mea inaina ʻia, ʻaʻole hoʻi me kahi o kā lākou lawehala ʻana; akā, a e hoʻōla au iā lākou mai loko mai o ko lākou mau wahi i noho ai, a i hana hewa ai lākou, a e hoʻomaʻemaʻe au iā lākou; a e lilo lākou i kānaka noʻu, a ʻo wau hoʻi i Akua no lākou.

HOSEA 12:1

¶ Ke ʻai nei kā ʻEperaima i ka makani, A ke hahai nei hoʻi ia i ka makani hikina; Hoʻomāhuahua nō ia i nā lā a pau i ka hoʻopunipuni a me ka luku ʻana; A hana lākou i ka berita me ko ʻAsuria, A ua lawe ʻia aku ka ʻaila i ʻAigupita.

HOSEA 13:2

ʻĀnō, hoʻomāhuahua lākou i ka hewa, A hana lākou no lākou i kiʻi hoʻoheheʻe ʻia no ko lākou kālā, I kiʻi ma ko lākou manaʻo, ʻo nā hana a nā paʻahana wale nō; Ke ʻōlelo nei ka poʻe e kaumaha ana, “E honi lākou i nā keiki bipi.”

HOSEA 14:8

¶ E ʻōlelo iho ʻo ʻEperaima, He aha kaʻu e hana hou aku ai i nā kiʻi? Ua lohe au a ua nānā hou au iā ia; Ua like au me ka lāʻau kaʻa uliuli; Mai oʻu aku ua loaʻa iā ʻoe ka hua.

HOSEA 2:17

“A e lawe aʻe au i ka inoa o nā Baʻala mai kona waha aku, ʻAʻole e hoʻomanaʻo hou iā lākou ma ko lākou inoa.

HOSEA 4:12

Ke nīnau nei kuʻu poʻe kānaka i ko lākou kiʻi lāʻau, A ua hōʻike mai ko lākou koʻokoʻo iā lākou; No ka mea, ua hoʻoʻauana ka naʻau moekolohe iā lākou; Ua hele moekolohe lākou mai lalo aʻe o ko lākou Akua.

HOSEA 5:13

A ʻike ihola ʻo ʻEperaima i kona maʻi, a ʻo Iuda hoʻi i kona ʻeha, A laila, hele akula ʻo ʻEperaima i ʻAsuria, A hoʻouna akula i ke aliʻi kūʻē; ʻAʻole naʻe e hiki iā ia ke hoʻōla iā ʻoukou, ʻAʻole hoʻi e hoʻōla i ko ʻoukou ʻeha.

HOSEA 7:11

Ua like hoʻi ʻo ʻEperaima me he manu nūnū lā i hāwāwā, ʻaʻohe ona manaʻo; Kāhea aku lākou i ko ʻAigupita, A hele lākou i ko ʻAsuria.

HOSEA 8:6

No ka mea, na kā ʻIseraʻela kēia mea; Na ka paʻahana nō ia i hana; ʻAʻole ia he akua; No ka mea, e haki liʻiliʻi ʻia ke keiki bipi o Samaria.

HOSEA 8:9

No ka mea, ua piʻi aʻela lākou i ʻAsuria, me he hoki hihiu, ʻo ia wale nō! Ua hoʻolimalima ʻo ʻEperaima i nā mea aloha.

IONA 2:10

¶ A ʻōlelo mai ʻo Iēhova i ka iʻa, a luaʻi aku ia iā Iona i ka ʻāina maloʻo.

ZEKARIA 13:2

¶ “Eia hoʻi kekahi ia lā,” wahi a Iēhova o nā kaua, “e ʻānai aku au i nā inoa o nā kiʻi mai ka ʻāina aku, i hoʻomanaʻo hou ʻole ʻiā lākou; a e hoʻokuke aku hoʻi au i nā kāula a me ka ʻuhane haukaʻe mai ka ʻāina aku.

KA ʻEUANELIO I KĀKAU ʻIA AI E IOANE 14:18

“ʻAʻole au e haʻalele iā ʻoukou a nele; e hoʻi hou mai nō au i o ʻoukou nei.

KA BUKE ʻALIMA A MOSE, I KAPA ʻIA KĀNĀWAI LUA 17:16

“Akā, mai hoʻomāhuahua ʻo ia i nā lio nona, ʻaʻole hoʻi ia e hoʻihoʻi i nā kānaka i ʻAigupita, i mea e hoʻomāhuahua ai ia i nā lio; no ka mea, ua ʻōlelo mai ʻo Iēhova iā ʻoukou, ‘Mai hoʻi hou aku ʻoukou i laila.’