HOSEA 13:5 - Ka Baibala Hemolele

⁵ ʻO wau kai ʻike iā ʻoe ma ka wao nahele, Ma ka ʻāina panoa.

HOSEA 13:5 Iomraidhean Croise

KA BUKE MUA A MOSE, I KAPA ʻIA KINOHI 31:40

“Pēlā wau; i ke ao, ua wela au i ka lā, a i ka pō, ua make i ke anu; a holo akula ka hiamoe mai oʻu mau maka aku.

KA BUKE O NĀ HALELŪ 1:6

No ka mea, ua ʻike maila ʻo Iēhova i ka ʻaoʻao o ka poʻe maikaʻi; Akā hoʻi, ʻo ka ʻaoʻao o ka poʻe hewa, e make ana nō ia.

KA BUKE O NĀ HALELŪ 142:3

I ka maʻule ʻana o koʻu ʻuhane i loko oʻu, A laila ʻike pono nō ʻoe i koʻu alanui. Ma ke ala aʻu i hele aku ai, hana lākou i hei noʻu.

KA BUKE O NĀ HALELŪ 31:7

E ʻoliʻoli au, a e hauʻoli hoʻi i kou aloha; No ka mea, ua manaʻo mai ʻoe i kuʻu kaumaha; Ua ʻike hoʻi ʻoe i koʻu ʻuhane i loko o ka pōpilikia;

KA BUKE O NĀ HALELŪ 63:1

¶ E ke Akua, ʻo ʻoe nō koʻu Akua, e ʻimi koke nō au iā ʻoe; Ke make wai nei nō hoʻi koʻu ʻuhane nou, Ke ʻiʻini nei koʻu kino iā ʻoe i ka ʻāina maloʻo, Me ka make wai, ma kahi wai ʻole;

KA BUKE ʻALUA A MOSE, I KAPA ʻIA PUKA ʻANA 2:25

A nānā maila ke Akua i ka poʻe mamo a ʻIseraʻela, a manaʻo maila ke Akua iā lākou.

KA WĀNANA A IEREMIA 2:2

“Ō hele, e kala ma nā pepeiao o ko Ierusalema, e ʻī aku, ‘Ke ʻōlelo mai nei ʻo Iēhova, penei, “Ua hoʻomanaʻo aku au iā ʻoe, I ka lokomaikaʻi o kou wā ʻōpiopio, I ke aloha o kou wā i mare hou ʻia ai, I kou hahai ʻana ma muli oʻu ma loko o ka wao nahele. Ma ka ʻāina i lūlū ʻole ʻia.

KA WĀNANA A IEREMIA 2:6

“ʻAʻole hoʻi lākou i nīnau iho, ‘ʻAuhea ʻo Iēhova, Ka Mea nāna i lawe mai iā kākou, mai ka ʻāina ʻo ʻAigupita mai, A alakaʻi hoʻi iā kākou ma loko o ka wao nahele, Ma loko hoʻi o ka ʻāina i paʻapū i nā auakua, a me nā lua, Ma waena hoʻi o ka ʻāina maloʻo, a me ke aka o ka make, Ma waena o ka ʻāina i hele ʻole ʻia e kanaka, A noho ʻole ʻia hoʻi e ke kanaka?’

HOSEA 5:3

Ua ʻike au iā ʻEperaima, ʻAʻole hoʻi i hūnā ʻia kā ʻIseraʻela mai oʻu aku lā; No ka mea, ʻānō, e ʻEperaima, ua moekolohe nō ʻoe, A ua haumia ʻo kā ʻIseraʻela.

HOSEA 9:10

¶ Ua loaʻa iaʻu kā ʻIseraʻela e like me nā hua waina ma ka wao nahele; Ua ʻike au i ko ʻoukou poʻe kūpuna, e like me ka hua mua ma ka lāʻau fiku i kona hua mua ʻana; Akā, hele akula lākou iā Baʻala Peora, a hoʻokaʻawale iā lākou iho no ka mea hilahila; A ʻo nā mea hoʻowahāwahā ʻia, ua like me ko lākou makemake.

NAHUMA 1:7

Ua maikaʻi ʻo Iēhova, He pākū ʻo ia i ka lā pōpilikia; A ua ʻike nō ia i ka poʻe hilinaʻi iā ia.

ʻO KA ʻEPISETOLE MUA A PAULO KA LUNAʻŌLELO I KO KORINETO 8:3

akā, inā i aloha aku kekahi i ke Akua, ua ʻikea mai ʻo ia e ia.

ʻO KA ʻEPISETOLE A PAULO KA LUNAʻŌLELO I KO GALATIA 4:9

ʻĀnō hoʻi, ua ʻike ʻoukou i ke Akua, he ʻoiaʻiʻo ua ʻike ʻia mai e ke Akua, pehea lā hoʻi ʻoukou i huli hou aku ai i nā ʻoihana mua palupalu ʻilihune, i nā mea a ʻoukou i makemake hou ai e hoʻokauā aku na lākou?

KA BUKE ʻALIMA A MOSE, I KAPA ʻIA KĀNĀWAI LUA 2:7

“No ka mea, ua hoʻopōmaikaʻi mai ʻo Iēhova kou Akua iā ʻoe ma nā hana a pau a kou lima; ua ʻike nō ia i kou hele ʻana ma kēia wao nahele nui; me ʻoe nō ʻo Iēhova kou Akua i nēia mau makahiki he kanahā; ʻaʻole ʻoe i nele i kekahi mea.”’

KA BUKE ʻALIMA A MOSE, I KAPA ʻIA KĀNĀWAI LUA 32:10

“Loaʻa ʻo ia iā ia ma ka ʻāina nāhelehele A ma ka wao nahele neoneo e uō ana; Alakaʻi akula iā ia mai ʻō a ʻō, aʻo mai ʻo ia iā ia, Mālama mai ʻo ia iā ia e like me ke kiʻi ʻōnohi o kona maka.

KA BUKE ʻALIMA A MOSE, I KAPA ʻIA KĀNĀWAI LUA 8:15

nāna ʻoe i alakaʻi mai ma waena o kēlā wao nahele nui weliweli; kahi o nā nahesa wela, a me nā moʻo huelo ʻawa, he maloʻo, he wahi wai ʻole, nāna i hoʻokahe mai ka wai nou mai loko mai o ka pōhaku paʻa;