HOSEA 13:2 - Ka Baibala Hemolele

² ʻĀnō, hoʻomāhuahua lākou i ka hewa, A hana lākou no lākou i kiʻi hoʻoheheʻe ʻia no ko lākou kālā, I kiʻi ma ko lākou manaʻo, ʻo nā hana a nā paʻahana wale nō; Ke ʻōlelo nei ka poʻe e kaumaha ana, “E honi lākou i nā keiki bipi.”

HOSEA 13:2 Iomraidhean Croise

KA BUKE MUA NO NĀ ALIʻI 19:18

“Akā, ke hoʻokoe nei au i nā tausani ʻehiku i loko o kā ʻIseraʻela, i nā kuli a pau i kukuli ʻole iā Baʻala, a me nā waha a pau i honi ʻole iā ia.”

KA BUKE ʻALUA O KA ʻOIHANA ALIʻI 28:13

ʻŌlelo akula iā lākou, “Mai lawe mai ʻoukou i ka poʻe pio i loko nei; aia hoʻi, ua hewa kākou iā Iēhova, a ke manaʻo nei ʻoukou e hoʻonui i ko kākou hewa, a me ko kākou lawehala; no ka mea, ua nui ko kākou hala, a ua wela ka huhū ma luna o kā ʻIseraʻela.”

KA BUKE ʻALUA O KA ʻOIHANA ALIʻI 33:23

ʻAʻole hoʻi i hoʻohaʻahaʻa ia iā ia iho i mua o Iēhova e like me ka hoʻohaʻahaʻa ʻana o Manase ʻo kona makua kāne. Akā, ʻo ua ʻAmona nei, māhuahua mau nō kona lawehala ʻana.

KA BUKE O NĀ HALELŪ 2:12

E honi aku i ke Keiki, o huhū mai ia, O make hoʻi ʻoukou ia ʻaoʻao, ke hoʻā iki ʻia mai kona inaina. Pōmaikaʻi wale ka poʻe a pau i hilinaʻi aku iā ia!

KA WĀNANA A ʻISAIA 1:5

¶ Ma kahi hea ʻoukou e hahau hou ʻia ai? A e kuʻi hou aku anei ʻoukou i ke kipi? Ua puni ke poʻo i ka maʻi, ua maʻule hoʻi ka naʻau a pau.

KA WĀNANA A ʻISAIA 30:1

¶ “Auē nā keiki kipi,” wahi a Iēhova, “Ka poʻe i hoʻoholo manaʻo, ʻaʻole naʻe ma oʻu nei; Ka poʻe i ninini i nā mōhai ninini, ʻaʻole naʻe ma koʻu ʻUhane, I kuʻi aku ai lākou i kekahi hewa me kekahi hewa;

KA WĀNANA A ʻISAIA 44:11

Aia hoʻi, e hilahila auaneʻi kona poʻe hoa a pau; a ʻo ka poʻe paʻahana, no kānaka lākou; e ʻākoakoa mai lākou a pau, e kū hoʻi i luna, e makaʻu nō lākou, a e hoʻopalai maka pū.

KA WĀNANA A ʻISAIA 45:20

¶ “E hoʻākoakoa ʻoukou, a hele mai, E hōʻuluʻulu pū ʻoukou, e ka poʻe i pakele o nā ʻāina. He poʻe ʻike ʻole ka poʻe kūkulu i ka lāʻau o ko lākou akua kālai ʻia, A pule aku i ke akua hiki ʻole ke hoʻōla.

KA WĀNANA A ʻISAIA 46:6

“Ninini aku lākou i ke gula ma waho o ka ʻeke, A kaupaona hoʻi i ke kālā ma ka mea kaulike, A hoʻolimalima hoʻi i ka mea hana gula, A hana ihola ʻo ia ia mea, i akua kiʻi; Kūlou nō lākou, a moe hoʻomana akula.

KA WĀNANA A ʻISAIA 46:8

¶ “E hoʻomanaʻo ʻoukou i kēia, a e hoʻokanaka hoʻi; E hoʻoʻeuʻeu i ka manaʻo, e ka poʻe hana hewa.

KA WĀNANA A IEREMIA 10:4

“A kāhiko nō lākou ia mea i ke kālā a me ke gula; Hoʻopaʻa nō lākou ia mea i ke kui hao, a me nā hāmare, I kūlanalana ʻole ʻia.

KA WĀNANA A IEREMIA 10:8

Ua like ʻiʻo nō lākou me nā holoholona, ua lapuwale hoʻi; ʻO ka naʻauao o ka poʻe lapuwale, he paukū lāʻau ia.

KA WĀNANA A IEREMIA 8:5

“He aha ka mea e hoʻi hope ai kēia poʻe kānaka O Ierusalema me ka hoʻi hope mau loa? Hoʻopaʻa loa lākou i ka wahaheʻe; Hōʻole lākou, ʻaʻole e hoʻi mai.

HOSEA 10:1

¶ ʻO kā ʻIseraʻela, he kumu waina, i ulu pālahalaha, e hua ana i ka hua nona iho; E like me ka nui o kona hua, pēlā nō ia i hoʻomāhuahua ai i nā kuahu; E like me ka maikaʻi o kona ʻāina, pēlā nō ia i hoʻonani ai i nā kiʻi.

HOSEA 10:5

E makaʻu auaneʻi nā kānaka o Samaria no nā keiki bipi o Beta ʻAvena; No ka mea, e auē auaneʻi kona poʻe kānaka no ia mea; A e haʻalulu nā kāhuna no kona nani; No ka mea, ua nalowale ia.

HOSEA 11:2

Like me lākou i kāhea aku ai iā lākou, pēlā nō lākou i hele aʻe ai mai o lākou aku; Kaumaha akula lākou i nā Baʻala, a kuni i ka mea ʻala i nā kiʻi kālai ʻia.

HOSEA 11:6

A e hāʻule mai ka pahi kaua ma luna o kona mau kūlanakauhale, A e ʻai iho i kona mau lālā, a e hoʻopau, no ko lākou manaʻo.

HOSEA 14:3

“ʻAʻole e hoʻōla ko ʻAsuria iā mākou; ʻAʻole mākou e holo ma luna o ka lio; ʻAʻole hoʻi mākou e ʻōlelo hou aku i ka hana a ko mākou mau lima, ‘ʻO ʻoe ko mākou Akua’; No ka mea, ma ou lā e loaʻa ai i ka poʻe mākua ʻole ka lokomaikaʻi.”

HOSEA 2:8

¶ “ʻAʻole ʻo ia i noʻonoʻo, ua hāʻawi aku au iā ia i ka mea ʻai, a me ka waina hou, a me ka ʻaila, A hoʻomāhuahua aku hoʻi i ke kālā, a me ke gula nona, Nā mea a lākou i hoʻomākaukau ai no Baʻala.

HOSEA 4:17

Ua hui pū ʻo ʻEperaima me nā kiʻi, E waiho aku iā ia.

HOSEA 8:4

Ua hoʻāliʻi lākou i nā aliʻi, ʻaʻole ma oʻu nei; Ua hoʻonoho lākou i nā haku aʻu i ʻike ʻole ai; Ua hana lākou i ko lākou kālā, a me ko lākou gula i kiʻi no lākou, i mea e ʻoki ʻia aku ai lākou.

HOSEA 8:5

He mea hoʻopailua kou keiki bipi, e Samaria. “Ua hoʻaʻā ʻia kuʻu inaina iā lākou!” Pehea lā ka lōʻihi a loaʻa iā lākou ka maʻemaʻe?

HOSEA 8:6

No ka mea, na kā ʻIseraʻela kēia mea; Na ka paʻahana nō ia i hana; ʻAʻole ia he akua; No ka mea, e haki liʻiliʻi ʻia ke keiki bipi o Samaria.

KA BUKE ʻAHĀ A MOSE, I KAPA ʻIA NĀ HELU 32:14

“Aia hoʻi, ua kū aʻe nei ʻoukou i pani no ka hakahaka o ko ʻoukou poʻe mākua, he hanauna kanaka hewa, e hoʻomāhuahua aku i ka inaina nui o Iēhova i kā ʻIseraʻela.

ʻO KA ʻEPISETOLE A PAULO KA LUNAʻŌLELO I KO ROMA 11:4

A pehea mai kā ke Akua ʻōlelo iā ia? “«Ua hoʻāna ʻē au» noʻu «i ʻehiku tausani kānaka ʻaʻole i kukuli iho iā Baʻala».”

ʻO KA ʻEPISETOLE A PAULO KA LUNAʻŌLELO I KO ROMA 2:5

Akā, ma muli o kou paʻakikī a me ka naʻau mihi ʻole e hoʻāhu ana ʻoe nou iho i ka inaina no ka lā e inaina ʻia mai ai, a e hōʻike ʻia mai ai hoʻi ka hoʻāhewa pono ʻana mai a ke Akua;

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:13

Akā, ʻo kānaka hewa, a me ka poʻe hoʻopunipuni, e māhuahua ana ko lākou hewa, e hoʻopunipuni aku ana me ka hoʻopunipuni ʻia mai.

KA BUKE MUA A SAMUʻELA 10:1

¶ Lawe akula ʻo Samuʻela i ka hue ʻaila, a ninini ihola ma luna o kona poʻo, a honi akula iā ia, ʻī akula, “ʻAʻole anei kēia no ka poni ʻana mai o Iēhova iā ʻoe i aliʻi ma luna o kona hoʻoilina?