HOSEA 12:4 - Ka Baibala Hemolele

⁴ A hakakā pū ia me ka ʻānela, a lanakila; Uē ihola ia, a nonoi akula iā ia; Loaʻa ʻo ia iā ia ma Betela, a ʻōlelo pū ʻo ia me kākou;

HOSEA 12:4 Iomraidhean Croise

KA BUKE MUA A MOSE, I KAPA ʻIA KINOHI 25:26

Ma hope iho, puka maila kona kaikaina, a paʻa akula kona lima i ke kuʻekuʻe wāwae o ʻEsau; a kapa ʻia kona inoa, ʻo Iakoba. He kanaono nā makahiki o ʻIsaʻaka i ko Rebeka manawa i hānau ai lāua.

KA BUKE MUA A MOSE, I KAPA ʻIA KINOHI 32:24

ʻO Iakoba wale nō i koe; a hākōkō maila kekahi kanaka me ia, a wehe aʻela ke alaula o ke ao.

KA BUKE MUA A MOSE, I KAPA ʻIA KINOHI 32:25

A ʻike ihola kēlā, ʻaʻole ia i lanakila ma luna ona, papaʻi maila ia i ka hena o kona ʻūhā, a ua kapeke aʻela ka huamoa o ko Iakoba ʻūhā, i kona hākōkō ʻana me ia.

KA BUKE MUA A MOSE, I KAPA ʻIA KINOHI 32:26

ʻĪ maila kēlā, “E kuʻu aʻe ʻoe iaʻu; no ka mea, ke wehe maila ke alaula.” ʻĪ akula ʻo ia, “ʻAʻole au e kuʻu aku iā ʻoe, a hoʻomaikaʻi mai ʻoe iaʻu!”

KA BUKE MUA A MOSE, I KAPA ʻIA KINOHI 32:29

Nīnau akula ʻo Iakoba, ʻī akula, “Ke noi aku nei au iā ʻoe, e haʻi mai ʻoe iaʻu i kou inoa.” ʻĪ maila kēlā, “He aha kāu i nīnau mai ai i koʻu inoa?” A hoʻomaikaʻi maila kēlā iā ia i laila.

KA BUKE MUA A MOSE, I KAPA ʻIA KINOHI 35:15

Kapa ihola ʻo Iakoba i ka ʻāina o kahi a ke Akua i ʻōlelo mai ai me ia, ʻo Betela.

KA BUKE MUA A MOSE, I KAPA ʻIA KINOHI 48:15

Hoʻomaikaʻi maila ʻo ia iā Iosepa, ʻī maila, “Na ke Akua, ka mea a koʻu mau mākua o ʻAberahama a me ʻIsaʻaka i hele aʻe i mua ona, Na ke Akua nāna wau i mālama mai, mai koʻu wā ʻuʻuku a hiki loa mai i nēia lā;

KA BUKE O NĀ HALELŪ 66:6

Hoʻolilo maila ʻo ia i ke kai i ʻāina maloʻo; Hele wāwae aʻela lākou i waena o ka muliwai; Ma laila kākou i hauʻoli aku ai iā ia!

KA WĀNANA A ʻISAIA 63:9

I ko lākou pōpilikia a pau, ʻaʻole ia he ʻenemi, Akā, na ka ʻānela o kona alo lākou i hoʻōla; A no kona aloha, a no kona lokomaikaʻi, hoʻōla pānaʻi ʻo ia iā lākou; A hāpai aʻela ʻo ia, a kaʻikaʻi akula iā lākou, i nā lā a pau o ka wā kahiko.

MALAKI 3:1

¶ “Aia hoʻi, e hoʻouna auaneʻi au i koʻu ʻelele, nāna e hoʻomākaukau i ke alanui i mua oʻu; a e hikiwawe mai auaneʻi ka Haku, a ʻoukou e ʻimi nei, i loko o kona luakini, ʻo ia ke ʻelele o ka berita, ʻo ka mea a ʻoukou e makemake nei; ʻeā, e hele mai ana ia,” wahi a Iēhova o nā kaua.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:17

A laila e kāʻili pū ʻia aku kākou ka poʻe i koe e ola ʻokoʻa ana, me lākou, i loko o nā ao kaʻalelewa e hālāwai pū me ka Haku, i ka lewa; ʻo ia hoʻi, e mau loa ana ko kākou noho ʻana me ka Haku.

ʻO KA ʻEPISETOLE A PAULO KA LUNAʻŌLELO I KO HEBERA 5:7

ʻO ia hoʻi, i nā lā o kona noho kino ʻana, ua kaumaha akula i ka pule, a me ka nonoi ʻana, me ke kāhea nui ʻana, a me nā waimaka heleleʻi, i ka Mea e hiki iā ia ke hoʻopakele mai iā ia i ka make, a ua lohea mai ʻo ia no nā mea āna i makaʻu ai.