HOSEA 12:2 - Ka Baibala Hemolele

² He paio hoʻi ko Iēhova me kā Iuda, A e hoʻopaʻi aku ʻo ia iā Iakoba e like me kona mau ʻaoʻao; E hoʻouku aku kēlā iā ia e like me kāna hana.

HOSEA 12:2 Iomraidhean Croise

KA BUKE ʻALUA NO NĀ ALIʻI 17:4

A ʻike ihola ke aliʻi o ʻAsuria i ka manaʻo o Hosea e kipi; no ka mea, ua hoʻouna aku ia i nā ʻelele iā So, ke aliʻi o ʻAigupita, ʻaʻole hoʻi ia i hoʻokupu no ke aliʻi o ʻAsuria i kēlā makahiki kēia makahiki; no laila hoʻopaʻa akula ke aliʻi o ʻAsuria iā ia, a hahao iā ia i loko o ka hale paʻahao.

KA BUKE NO IOBA 15:2

“E haʻi aku anei ka mea naʻauao i ka manaʻo makani? A e hoʻopiha i kona ʻōpū i ka makani hikina?

KA BUKE O NĀ HALELŪ 78:36

Akā, hoʻomalimali aku lākou iā ia ma ko lākou waha, A wahaheʻe aku nō hoʻi iā ia ma ko lākou alelo.

KE KAHUNA 5:15

E like me kona puka ʻana mai, mai ka ʻōpū mai o kona makuahine, pēlā nō ia e hoʻi hou aku ai me ke kapa ʻole, e like me kona puka ʻana mai; ʻaʻole hiki iā ia ke lawe aku ma kona lima i kekahi mea āna i hana ai.

KA WĀNANA A ʻISAIA 10:12

¶ A hiki aku i ka wā, e hoʻōki ai ka Haku i kāna hana a pau, ma luna o ka mauna ʻo Ziona, a me Ierusalema. “A laila wau e hoʻopaʻi aku ai i ka hua o ka naʻau kiʻekiʻe o ke aliʻi o ʻAsuria, a me ka hoʻokano ʻana o kona maka hoʻokiʻekiʻe.”

KA WĀNANA A ʻISAIA 10:6

E hoʻouna aku au iā ia, e kūʻē i ka lāhui kanaka ʻaiā, E kauoha aku nō wau iā ia, E kūʻē i ka poʻe kānaka aʻu i huhū ai; E hao aku i ka waiwai pio, a e lawe aku hoʻi i ka mea i paʻa; A e hahi iā lākou i lalo, e like me ka lepo o ke alanui.

KA WĀNANA A ʻISAIA 24:21

A hiki aku ia lā, E hoʻopaʻi nō ʻo Iēhova ma kahi kiʻekiʻe i ka hewa o ka poʻe kiʻekiʻe, A ma luna o ka honua i ka hewa o nā aliʻi o ka honua.

KA WĀNANA A ʻISAIA 3:11

Auē hoʻi ka mea i hewa! E pōʻino nō ia; E hāʻawi ʻia aku nāna ka uku o kona mau lima.

KA WĀNANA A ʻISAIA 30:6

¶ Ua kaumaha nā holoholona o ke Kūkulu Hema, ʻO nā mea hali, no ka ʻāina e kaniʻuhū ai, a e ʻeha ai hoʻi, Ma kahi o ka liona wahine, a me ka liona kāne, Ka moʻo niho ʻawa, a me ka moʻo lele; Lawe nō lākou i ko lākou waiwai ma ke kua o nā hoki ʻōpiopio, A me ko lākou ukana hoʻi, ma nā puʻu o nā kāmelo, E lilo i nā kānaka kōkua ʻole iā lākou.

KA WĀNANA A ʻISAIA 59:18

E like me nā hana, pēlā nō ʻo ia e hoʻouku ai, ʻO ka inaina i ka poʻe kūʻē iā ia; E hoʻopaʻi nō ʻo ia i kona poʻe ʻenemi; E hoʻouku nō ʻo ia i ko nā ʻāina ʻē.

KA WĀNANA A IEREMIA 25:31

‘E hiki mai nō ka uwalaʻau, mai nā kūkulu mai o ka honua; No ka mea, he paio nō kā Iēhova me ko nā ʻāina, E hoʻoponopono nō ʻo ia ma luna o nā mea ʻiʻo a pau; E hāʻawi nō hoʻi ʻo ia i ka poʻe hewa i ka pahi kaua,’ wahi a Iēhova.”

HOSEA 2:13

“A e hoʻopaʻi aku au ma luna ona i nā lā o nā Baʻala, I nā lā āna i kuni ai i ka mea ʻala no lākou; A i kāhiko ai iā ia iho i kona mau apo ihu, a me kona mau lei ʻāʻī, A hahai nō ia ma muli o kona mau ipo, A hoʻopoina ia iaʻu,” wahi a Iēhova.

HOSEA 4:1

¶ E hoʻolohe ʻoukou, e nā mamo a ʻIseraʻela, i ka ʻōlelo a Iēhova; No ka mea, he hakakā ko Iēhova me nā kānaka o ka ʻāina; No ka mea, ʻaʻohe ʻoiaʻiʻo, ʻaʻohe aloha, ʻAʻohe ʻike i ke Akua ma ka ʻāina.

HOSEA 4:9

A e like auaneʻi me nā kānaka, pēlā nō me ke kahuna; A e hoʻopaʻi aku au iā lākou e like me ko lākou mau ʻaoʻao, A e hoʻouku aku au iā lākou e like me kā lākou hana ʻana.

HOSEA 7:1

¶ I ka wā aʻu e hoʻihoʻi aku ai i ke pio ʻana o kuʻu poʻe kānaka, I kuʻu hoʻōla ʻana i kā ʻIseraʻela, a laila hōʻike ʻia mai ka hewa o ʻEperaima, A me nā mea ʻino o ko Samaria; No ka mea, ua hana lākou i ka wahaheʻe; A komo mai ka ʻaihue ma loko, A hao wale ka poʻe pōā ma waho.

HOSEA 7:11

Ua like hoʻi ʻo ʻEperaima me he manu nūnū lā i hāwāwā, ʻaʻohe ona manaʻo; Kāhea aku lākou i ko ʻAigupita, A hele lākou i ko ʻAsuria.

HOSEA 7:2

ʻAʻole noʻonoʻo ko lākou naʻau i kuʻu hoʻomanaʻo ʻana i ko lākou hewa a pau; ʻĀnō, ua hoʻopuni kā lākou mau hana iā lākou; Eia nō lākou i mua o koʻu maka.

HOSEA 8:10

Ua hoʻolimalima hoʻi lākou i waena o nā lāhui kanaka ʻē, ʻānō e hoʻākoakoa naʻe au iā lākou; A e auē iki lākou no ke kaumaha o ke aliʻi o nā haku.

HOSEA 8:13

I ke kaumaha ʻana i kuʻu mau mōhai, ua kaumaha aku lākou i ka ʻiʻo, a ʻai ihola; ʻAʻole i ʻoluʻolu ʻo Iēhova iā lākou; ʻĀnō e hoʻomanaʻo ʻo ia i ko lākou hala; A e hoʻopaʻi hoʻi i ko lākou hewa; A e hoʻi hou lākou i ʻAigupita.

HOSEA 8:9

No ka mea, ua piʻi aʻela lākou i ʻAsuria, me he hoki hihiu, ʻo ia wale nō! Ua hoʻolimalima ʻo ʻEperaima i nā mea aloha.

HOSEA 9:15

¶ ʻO ko lākou hewa a pau, aia ma Gilegala; No ka mea, ma laila au i inaina aku ai iā lākou; No ka hewa o kā lākou hana ʻana e kipaku aku ai au iā lākou mai koʻu hale aku, ʻAʻole au e aloha hou aku iā lākou; A ʻo ko lākou mau aliʻi, he poʻe kipi lākou!

HOSEA 9:9

Ua hana hewa nui lākou e like me nā lā o Gibea; No laila, e hoʻomanaʻo mai ia i ko lākou hala, A e hoʻopaʻi mai hoʻi i ko lākou mau hewa.

ʻAMOSA 2:4

¶ Ke ʻōlelo mai nei ʻo Iēhova, pēnēia: No nā hala ʻekolu o kā Iuda, a me ka hā, ʻaʻole au e hoʻololi aʻe i kona hoʻopaʻi ʻia; No ka mea, ua hoʻowahāwahā lākou i ke kānāwai o Iēhova, A ua mālama ʻole i kāna mau kauoha, A ua hōʻauana akula ko lākou mau mea wahaheʻe iā lākou, Ma muli o nā mea a ko lākou mau mākua i hele ai.

MIKA 6:2

“A hoʻolohe ʻoukou, e nā mauna i ka hoʻopaʻapaʻa o Iēhova, A me ʻoukou nā kumu paʻa o ka honua; No ka mea, he hoʻopaʻapaʻa ko Iēhova me kona poʻe kānaka, A e hoʻopaʻapaʻa nō ia me kā ʻIseraʻela.

KA ʻEUANELIO I KĀKAU ʻIA AI E MATAIO 16:27

“E hele mai nō ke Keiki a ke Kanaka i loko o ka nani o kona Makua me kona poʻe ʻānela; a laila ‹e uku aku ia i kēlā kanaka i kēia kanaka e like me kāna hana ʻana›.

ʻO KA ʻEPISETOLE A PAULO KA LUNAʻŌLELO I KO ROMA 2:6

nāna nō «e uku mai i kēlā kanaka i kēia kanaka e like me kāna hana ʻana»:

ʻO KA ʻEPISETOLE A PAULO KA LUNAʻŌLELO I KO GALATIA 6:7

Mai kuhi hewa ʻoukou, ʻaʻole ke Akua e hoʻomāʻewaʻewa ʻia aku; no ka mea, ʻo kā ke kanaka i lūlū, ʻo kāna hoʻi ia e ʻohi mai.