HOSEA 11:9 - Ka Baibala Hemolele

⁹ ʻAʻole au e hoʻopaʻi aku me kuʻu inaina nui, ʻAʻole au e huli aʻe e luku aku iā ʻEperaima; No ka mea, ʻo wau nō ke Akua, ʻaʻole he kanaka, Ma loko ou ka Mea Hemolele; ʻAʻole au e hele mai me ka huhū.

HOSEA 11:9 Iomraidhean Croise

KA BUKE ʻALUA A SAMUʻELA 20:10

ʻAʻole i manaʻo ʻo ʻAmasa i ka pahi kaua ma ka lima o Ioaba; hou akula kēlā iā ia me ia mea ma ka lima o ka iwi ʻaoʻao, a pohā maila kona naʻau ma ka honua, ʻaʻole ia i hou hou aku iā ia; a make akula ia. A alualu akula ʻo Ioaba a me ʻAbisai kona hoahānau iā Seba ke keiki a Bikeri.

KA BUKE O NĀ HALELŪ 46:5

ʻO ke Akua kai waenakonu ona, ʻAʻole ia e hoʻonāueue ʻia; E kōkua mai ke Akua iā ia i ka wehe ʻana aʻe o ke alaula.

KA BUKE O NĀ HALELŪ 78:38

Lokomaikaʻi mai nō naʻe ʻo ia, a kala mai ka hala, ʻAʻole i ʻānai mai iā lākou; Hoʻohuli pinepine aku ʻo ia i kona huhū, ʻAʻole i hoʻāla i kona inaina a pau.

KA BUKE O NĀ HALELŪ 85:4

¶ E hoʻohuli mai ʻoe iā mākou, e ke Akua o ko mākou ola, A e hoʻōki hoʻi ʻoe i kou huhū mai iā mākou.

KA WĀNANA A ʻISAIA 12:6

“E hoʻōho aku, e hoʻokani hoʻi, e ka mea noho ma Ziona, No ka mea, ua mana ma loko ou, ka Mea Hemolele o kā ʻIseraʻela.”

KA WĀNANA A ʻISAIA 31:1

¶ Auē ka poʻe iho i lalo i ʻAigupita no ke kōkua ʻia mai, Ka poʻe i paulele i nā lio, a hilinaʻi ma nā kaʻa kaua, No ka nui o ia mau mea; A ma nā holo lio hoʻi, no ko lākou ikaika nui; ʻAʻole hoʻi e nānā aku i ka Mea Hemolele o kā ʻIseraʻela, ʻAʻole ʻimi aku ma o Iēhova lā!

KA WĀNANA A ʻISAIA 41:14

“Mai makaʻu, e ka ʻenuhe, e Iakoba ē, ʻO ʻoukou nō hoʻi, e nā kānaka o kā ʻIseraʻela; Naʻu nō ʻoe e kōkua aku,” wahi a Iēhova, kou Hoʻōla Pānaʻi, Ka Mea Hemolele hoʻi o kā ʻIseraʻela.

KA WĀNANA A ʻISAIA 41:16

“E lūlū ana nō ʻoe iā lākou, a na ka makani lākou e lawe aku, A na ka puahiohio e hoʻopuehu aku iā lākou; Akā, e ʻoliʻoli nō ʻoe iā Iēhova, A e hauʻoli hoʻi i ka Mea Hemolele o kā ʻIseraʻela.

KA WĀNANA A ʻISAIA 48:9

“No koʻu inoa nō wau e hoʻopaneʻe aku ai i koʻu inaina, A no kuʻu nani, e hoʻomanawanui au iā ʻoe, I mea e ʻānai ʻole aku ai au iā ʻoe.

KA WĀNANA A ʻISAIA 5:24

¶ No laila, e like me ka ʻai ʻana o ka lapalapa ahi i ka ʻōpala, A me ka pau ʻana o ka mauʻu i puhi ʻia i ke ahi, Pēlā e lilo ai ko lākou kumu i ka popopo, A e lele hoʻi i luna ko lākou pua, e like me ka huna lepo; No ka mea, ua haʻalele lākou i ke kānāwai o Iēhova o nā kaua, Ua hoʻowahāwahā hoʻi i ka ʻōlelo a ka Mea Hemolele o kā ʻIseraʻela.

KA WĀNANA A IEREMIA 26:3

‘Malia paha e hoʻolohe lākou, a huli mai kēlā kanaka kēia kanaka, mai kona ʻaoʻao hewa mai, i mea e mihi ai au i ka hewa aʻu i manaʻo ai e hana iā lākou, no ka hewa o kā lākou hana ʻana.’

KA WĀNANA A IEREMIA 30:11

‘No ka mea, ʻo wau pū nō me ʻoe,’ wahi a Iēhova, ‘e hoʻōla iā ʻoe. A inā e hoʻōki loa paha wau i ko nā ʻāina a pau, kahi aʻu i hoʻopuehu aku iā ʻoukou, ʻAʻole wau e hoʻōki loa iā ʻoe; Akā, e hoʻopaʻi nō wau iā ʻoe ma ka pono, ʻAʻole wau e kuʻu wale aku iā ʻoe.’

HOSEA 12:1

¶ Ke ʻai nei kā ʻEperaima i ka makani, A ke hahai nei hoʻi ia i ka makani hikina; Hoʻomāhuahua nō ia i nā lā a pau i ka hoʻopunipuni a me ka luku ʻana; A hana lākou i ka berita me ko ʻAsuria, A ua lawe ʻia aku ka ʻaila i ʻAigupita.

HOSEA 14:4

¶ A e kala aku au i ko lākou kipi ʻana, E aloha wale aku hoʻi au iā lākou; No ka mea, ua huli aʻe kuʻu inaina mai ona aku lā.

MALAKI 3:6

“No ka mea, ʻo wau nō Iēhova, ʻaʻole au e lauwili; no laila, ʻaʻole ʻoukou i hoʻopau ʻia, e nā mamo o Iakoba.

KA BUKE ʻAHĀ A MOSE, I KAPA ʻIA NĀ HELU 23:19

“ʻAʻole ke Akua he kanaka, i hoʻopunipuni mai ai ia, ʻAʻole hoʻi ia he keiki a ke kanaka i mihi ia. Ua ʻī mai nō ia, ʻaʻole anei ia e hana mai nō hoʻi? Ua ʻōlelo mai nō ʻo ia, ʻaʻole anei ia e hoʻokō?

KA BUKE ʻALIMA A MOSE, I KAPA ʻIA KĀNĀWAI LUA 13:17

“ʻAʻole e pipili mai kekahi o ia mea laʻa i kou lima: i huli aku ai ʻo Iēhova mai kona inaina nui aku, a e hāʻawi mai ia i ke aloha iā ʻoe, a me ka lokomaikaʻi iā ʻoe, a e hoʻonui mai ʻo ia iā ʻoe, e like me kāna i hoʻohiki ai i kou mau kūpuna.

KA BUKE MUA A SAMUʻELA 26:8

ʻĪ akula ʻo ʻAbisai iā Dāvida, “Ua hoʻolilo mai ke Akua i kou ʻenemi i loko o kou lima i kēia lā; ʻānō hoʻi, ke noi aku nei au iā ʻoe, e ʻae mai ʻoe iaʻu, e hou iho au iā ia me ka ihe ma ka honua, hoʻokahi hou ʻana, ʻaʻole au e hou hou aku iā ia!”