HOSEA 11:8 - Ka Baibala Hemolele

⁸ ¶ Pehea lā wau e hoʻokuʻu aku ai iā ʻoe, e ʻEperaima? Pehea lā wau e hoʻolilo ai iā ʻoe, e kā ʻIseraʻela? Pehea lā wau e hana aku ai iā ʻoe e like me ʻAdema? Pehea hoʻi wau e hoʻokū ai iā ʻoe e like me Zeboima? Ua huli ʻia koʻu naʻau i loko oʻu, Ua hoʻāla pū ʻia hoʻi kuʻu minamina.

HOSEA 11:8 Iomraidhean Croise

KA BUKE MUA A MOSE, I KAPA ʻIA KINOHI 14:8

Hele akula ke aliʻi o Sodoma me ke aliʻi o Gomora, me ke aliʻi o ʻAdema, a me ke aliʻi o Zeboima, a me ke aliʻi o Bela, ʻo ia hoʻi ʻo Zoara; a kaua akula lākou me kēlā poʻe ma ke awāwa ʻo Sidima

KA BUKE ʻALUA A SAMUʻELA 24:16

I ka wā i ʻō aku ai ka ʻānela i kona lima ma luna o Ierusalema, mihi ihola ʻo Iēhova no ka pōʻino, ʻī maila ia i ka ʻānela nāna i luku mai i nā kānaka, “Ua oki; e alia kou lima ʻānō.” E kū ana ka ʻānela ma kahi hehi palaoa no ʻArauna kā Iebusa.

KA BUKE MUA NO NĀ ALIʻI 3:26

A laila ʻōlelo aku ka wahine nāna ke keiki ola i ke aliʻi; no ka mea, ua hū ke aloha o kona naʻau i kāna keiki, ʻī akula hoʻi ia, “E kuʻu haku, e hāʻawi i ke keiki ola iā ia nei, ʻaʻole loa e pepehi iā ia.” Akā, ʻōlelo mai kēlā, “ʻAʻole ia iaʻu, ʻaʻole hoʻi iā ʻoe, e mahele aʻe iā ia.”

KA BUKE ʻALUA NO NĀ ALIʻI 13:23

A manaʻo mai ʻo Iēhova iā lākou, a ahonui mai iā lākou, a nānā mai iā lākou no kāna berita iā ʻAberahama, iā ʻIsaʻaka, a me Iakoba, ʻaʻole ona makemake e luku aku iā lākou, ʻaʻole hoʻi e hoʻokuke aku iā lākou mai kona alo aku i kēia manawa.

KA BUKE ʻALUA O KA ʻOIHANA ALIʻI 36:15

A hoʻouna ʻo Iēhova ke Akua o ko lākou poʻe kūpuna i o lākou lā ma kāna poʻe ʻelele, e ala ana i ke kakahiaka nui, a e hoʻouna ana; no ka mea, minamina ia i kona poʻe kānaka, a me kona wahi i noho ai.

KA BUKE O NĀ HALELŪ 106:45

A hoʻomanaʻo maila ʻo ia i kona berita me lākou, A minamina ihola ʻo ia, e like me ka nui o kona lokomaikaʻi ʻana.

KA WĀNANA A ʻISAIA 16:11

No laila e kani ai koʻu ʻōpū no Moaba, Me he mea kani lā, A me koʻu naʻau hoʻi, no Kira Haresa.

KA WĀNANA A ʻISAIA 63:15

¶ E nānā mai ʻoe, mai ka lani mai, E ʻike mai hoʻi, mai kahi noho ai ʻo kou pono, a me kou hanohano; ʻAuhea kou manaʻo nui ʻana, a me kou ikaika? Ke kani ʻana o kou ʻōpū, a me kou aloha iaʻu? Ua ʻuʻumi ʻia anei ia?

KA WĀNANA A IEREMIA 18:8

ʻo kēlā lāhui kanaka aʻu i hoʻohewa aku ai, inā i huli lākou, mai ko lākou hewa mai, a laila, e mihi nō wau i ka hewa aʻu i manaʻo ai e hana iā lākou.

KA WĀNANA A IEREMIA 3:12

“Ō hele, e kala aku i kēia mau ʻōlelo ma ke kūkulu ʻākau, a e ʻī aku, ‘E hoʻi mai, e kā ʻIseraʻela hoʻi hope,’ wahi a Iēhova; ‘ʻAʻole hoʻi au e hoʻokau aku i koʻu ukiuki ma luna o ʻoukou; No ka mea, ua lokomaikaʻi au,’ wahi a Iēhova, ʻAʻole hoʻi au e hoʻomauhala mau loa.

KA WĀNANA A IEREMIA 31:20

“ʻO ʻEperaima anei kaʻu keiki aloha? He keiki anei ia e ʻoliʻoli ai? No ka mea, mai ka wā mai o kaʻu ʻōlelo kūʻē ʻana iā ia, He ʻoiaʻiʻo, ke hoʻomanaʻo mau nei au iā ia; No laila, e haʻehaʻe nei koʻu ʻōpū nona; He ʻoiaʻiʻo nō e lokomaikaʻi aku nō wau iā ia, wahi a Iēhova.

KA WĀNANA A IEREMIA 42:10

‘Inā e noho ʻoukou ma kēia ʻāina, a laila, e kūkulu nō wau iā ʻoukou, ʻaʻole e hoʻohiolo, e hōʻonipaʻa loa wau iā ʻoukou, ʻaʻole au e uhuki; no ka mea, ua mihi au i ka ʻino aʻu i hana aku ai iā ʻoukou.

KA WĀNANA A IEREMIA 9:6

“Aia nō kou wahi noho ai i waenakonu o ka hoʻopunipuni; No ka hoʻopunipuni, hōʻole mai lākou, ʻaʻole e ʻike mai iaʻu,” wahi a Iēhova.

KA WĀNANA A IEREMIA 9:7

¶ No laila, ke ʻōlelo mai nei ʻo Iēhova o nā kaua pēnēia, “Aia hoʻi, e hoʻoheheʻe nō wau iā lākou, a e hoʻāʻo hoʻi iā lākou; No ka mea, he aha lā wau e hana ai no ke kaikamahine o koʻu poʻe kānaka?

KE KANIKAU A IEREMIA 1:20

“E nānā mai ʻoe, e Iēhova; no ka mea, ua pilikia au; Ua hū aku koʻu ʻōpū, ua kahuli hoʻi koʻu naʻau i loko oʻu; No ka mea, ua kipi nui loa aku au. Ma kahi ʻē aku, na ka pahi kaua i hoʻopau i nā keiki, A ma ko mākou wahi, he make.

KE KANIKAU A IEREMIA 3:32

Inā e hoʻokaumaha mai ʻo ia, e aloha mai nō ia, E like me ka nui o kona lokomaikaʻi.

KE KANIKAU A IEREMIA 3:33

ʻAʻole no kona makemake ia e hoʻokaumaha mai ai, A hōʻeha i nā keiki a kānaka.

KA WĀNANA A ʻEZEKIʻELA 33:11

“E ʻōlelo aku iā lākou, ‘Ma koʻu ola ʻana,’ wahi a Iēhova ka Haku, ‘ʻaʻohe oʻu ʻoluʻolu i ka make ʻana o ka mea hewa; akā hoʻi, e huli mai ka mea hewa, mai kona ʻaoʻao mai, a e ola ia; e huli mai, e huli mai ʻoukou mai ko ʻoukou mau ʻaoʻao hewa mai; no ke aha lā ʻoukou e make ai, e ka ʻohana a ʻIseraʻela?’

KA WĀNANA A ʻEZEKIʻELA 6:9

“A ʻo ko ʻoukou poʻe i pakele, e hoʻomanaʻo lākou iaʻu i waena o nā lāhui kanaka, kahi e lawe pio ʻia aku ai lākou; no ka mea, e hanapēpē au i ko lākou naʻau moekolohe, a me ko lākou mau maka i hele moekolohe ma muli o ko lākou mau akua kiʻi; a e hoʻowahāwahā lākou iā lākou iho no nā hewa a lākou i hana ai i ko lākou mau mea inaina a pau.

HOSEA 6:4

¶ E ʻEperaima, he aha kaʻu e hana aku ai iā ʻoe? E Iuda, he aha kaʻu e hana aku ai iā ʻoe? No ka mea, ʻo kā ʻoukou pono, ua like me ke ao kakahiaka, A ua like me ka hau e nalo koke ana.

HOSEA 7:1

¶ I ka wā aʻu e hoʻihoʻi aku ai i ke pio ʻana o kuʻu poʻe kānaka, I kuʻu hoʻōla ʻana i kā ʻIseraʻela, a laila hōʻike ʻia mai ka hewa o ʻEperaima, A me nā mea ʻino o ko Samaria; No ka mea, ua hana lākou i ka wahaheʻe; A komo mai ka ʻaihue ma loko, A hao wale ka poʻe pōā ma waho.

ʻAMOSA 4:11

“Ua luku aku au i waena o ʻoukou, E like me ka luku ʻana o ke Akua iā Sodoma a me Gomora; Ua like hoʻi ʻoukou me ka momoku ahi i kāʻili ʻia mai loko mai o ke ahi; Akā, ʻaʻole ʻoukou i hoʻi hou mai iaʻu,” wahi a Iēhova.

ʻAMOSA 7:3

Huli aʻela ʻo Iēhova no kēia mea. “ʻAʻole ia e hiki mai,” wahi a Iēhova.

ʻAMOSA 7:6

Huli aʻela ʻo Iēhova no kēia mea. “ʻAʻole e hiki mai kēia,” wahi a Iēhova ka Haku.

MIKA 5:3

No ia hoʻi, e hoʻolilo aku ʻo ia iā lākou, A hiki i ka manawa e hānau ai ka mea e hānau ana; A laila hoʻi, e hoʻi hou mai ke koena o kona mau hoahānau I nā mamo a ʻIseraʻela.

ZEPANIA 2:9

“No laila, ma kuʻu ola ʻana,” wahi a Iēhova o nā kaua, ʻO ke Akua no kā ʻIseraʻela, “E like auaneʻi ʻo Moaba me Sodoma, A ʻo kā ʻAmona e like me Gomora, He nāhelehele ʻoʻoi, me nā lua paʻakai, A me ka neoneo mau loa; Na ke koena o koʻu poʻe kānaka lākou e hao aku, A e lilo lākou no ke koena o koʻu poʻe kānaka.”

KA ʻEUANELIO I KĀKAU ʻIA AI E MATAIO 23:37

¶ “E Ierusalema, e Ierusalema! Ka mea nāna i pepehi i nā kāula, a i hailuku hoʻi i ka poʻe i hoʻouna ʻia mai i ou nei; nani kuʻu makemake e hōʻuluʻulu mai i kāu poʻe keiki, e like me ka hōʻuluʻulu ʻana a ka moa i kāna ʻohana keiki ma lalo iho o kona mau ʻēheu; ʻaʻole naʻe ʻoukou i makemake mai.

KA BUKE ʻALIMA A MOSE, I KAPA ʻIA KĀNĀWAI LUA 29:22

¶ no ia mea, e ʻōlelo auaneʻi ka hanauna ma hope o kā ʻoukou poʻe keiki e kū mai ana ma hope o ʻoukou, a ʻo ka malihini hoʻi e hele mai ana mai kahi lōʻihi mai, a ʻike lākou i nā mea ʻino o ia ʻāina, a me nā maʻi a Iēhova i kau mai ai ma luna ona,

KA BUKE ʻALIMA A MOSE, I KAPA ʻIA KĀNĀWAI LUA 29:23

‘E lilo ka ʻāina a pau i luaʻi pele a me ka paʻakai ʻaʻā, ʻaʻole i lūlū ʻia, ʻaʻole i hua mai, ʻaʻole i kupu mai kekahi mea uliuli, e like me ka luku ʻana iā Sodoma a me Gomora, a me ʻAdema a me Zeboima, a Iēhova i luku ai no kona inaina, a me kona huhū.’

KA BUKE ʻALIMA A MOSE, I KAPA ʻIA KĀNĀWAI LUA 32:36

“No ka mea, e hoʻopaʻi auaneʻi ʻo Iēhova i kona poʻe kānaka A e minamina nō ia i kāna poʻe kauā, Ke ʻike ia, ua nāwaliwali ka lima, ʻAʻohe mea i paʻa, ʻaʻohe mea i paʻa ʻole.

ʻO KA ʻEPISETOLE HOʻOLAHA ʻALUA A PETERO 2:6

a puhi aku nō hoʻi i nā kūlanakauhale o Sodoma a me Gomora a lehu, me ka hoʻohewa e make māinoino, e hoʻolilo ana iā lākou i hōʻailona e ao ai i ka poʻe ʻaiā ma ia hope;

ʻO KA ʻEPISETOLE HOʻOLAHA A IUDA 1:7

E like me ko Sodoma poʻe a me ko Gomora hoʻi, a me ko nā kūlanakauhale e kokoke aku ana, i lilo like me lākou nei i poʻe moekolohe, me ka hahai aku ma muli o nā kino ʻē, ua hoʻolilo ʻia mai nō lākou i mea hōʻike, e ʻehaʻeha ana i ka hoʻopaʻi ʻia ma ke ahi ʻaʻā, mau loa.

KA HŌʻIKE ʻANA A IOANE KA HAIPULE 11:8

A e waiho wale ʻia ko lāua kupapaʻu ma nā alanui o ke kūlanakauhale nui, i kapa ʻia ma ka hoʻohālike, ʻo Sodoma, a ʻo ʻAigupita, ʻo kahi hoʻi i kau ʻia ai ko lāua Haku ma ke keʻa.

KA HŌʻIKE ʻANA A IOANE KA HAIPULE 18:18

a ʻike lākou i ka uahi o kona ʻaʻā ʻana, hea akula lākou, ʻī akula, ‘He aha ka mea like me kēia kūlanakauhale nui?’

KA BUKE NO NĀ LUNA KĀNĀWAI 10:16

Kiola akula lākou i nā akua ʻē, mai o lākou aku, a mālama ihola iā Iēhova; a menemene ihola kona ʻuhane, no ke kaumaha nui o kā ʻIseraʻela.