HOSEA 11:5 - Ka Baibala Hemolele

⁵ ¶ ʻAʻole ia e hoʻi hou i ka ʻāina ʻo ʻAigupita, Akā, ʻo kā ʻAsuria, ʻo ia kona aliʻi; No ka mea, ua hōʻole nō ia i ka hoʻi hou ʻana.

HOSEA 11:5 Iomraidhean Croise

KA BUKE ʻALUA NO NĀ ALIʻI 15:19

¶ Hele mai ʻo Pula ke aliʻi o ʻAsuria i ka ʻāina; a hāʻawi akula ʻo Menahema iā Pula i hoʻokahi tausani tālena kālā, i kōkua mai ai kēlā iā ia e hoʻokūpaʻa i ke aupuni i loko o kona lima.

KA BUKE ʻALUA NO NĀ ALIʻI 15:29

¶ I ka manawa iā Peka ke aliʻi o kā ʻIseraʻela, hele mai ʻo Tigelata-Pilesera ke aliʻi o ʻAsuria, a hoʻopio i ko ʻIiona, a me ko ʻAbele Bete Maʻaka, a me ko Ianoa, a me ko Kadesa, a me ko Hazora, a me ko Gileada, a me ko Galilaia, i ko ka ʻāina a pau o Napetali, a lawe pio akula iā lākou i ʻAsuria.

HOSEA 10:6

A e lawe ʻia aku hoʻi ia i ʻAsuria i makana no ke aliʻi no ka ʻenemi; A e kau mai ka hilahila iā ʻEperaima, A e hilahila hoʻi kā ʻIseraʻela no kona manaʻo iho.

HOSEA 5:13

A ʻike ihola ʻo ʻEperaima i kona maʻi, a ʻo Iuda hoʻi i kona ʻeha, A laila, hele akula ʻo ʻEperaima i ʻAsuria, A hoʻouna akula i ke aliʻi kūʻē; ʻAʻole naʻe e hiki iā ia ke hoʻōla iā ʻoukou, ʻAʻole hoʻi e hoʻōla i ko ʻoukou ʻeha.

HOSEA 6:1

¶ “Inā kākou e hoʻi hou aku iā Iēhova; No ka mea, ua haehae mai kēlā, a e hoʻōla mai ia iā kākou; Ua hahau mai ia, a e hoʻōla mai nō ʻo ia iā kākou.

HOSEA 7:16

Ua hoʻi hou lākou, ʻaʻole naʻe i ka Mea Kiʻekiʻe Loa; Ua like lākou me he kakaka hewa lā; E hāʻule nā aliʻi o lākou me ka pahi kaua, no ka hoʻokano o ko lākou alelo; ʻO kēia ko lākou hōʻino ma ka ʻāina ʻo ʻAigupita.

HOSEA 8:13

I ke kaumaha ʻana i kuʻu mau mōhai, ua kaumaha aku lākou i ka ʻiʻo, a ʻai ihola; ʻAʻole i ʻoluʻolu ʻo Iēhova iā lākou; ʻĀnō e hoʻomanaʻo ʻo ia i ko lākou hala; A e hoʻopaʻi hoʻi i ko lākou hewa; A e hoʻi hou lākou i ʻAigupita.

HOSEA 9:3

ʻAʻole lākou e noho ma ka ʻāina o Iēhova; Akā, e hoʻi hou ʻo ʻEperaima i ʻAigupita; A e ʻai lākou i nā mea haumia ma ʻAsuria.

HOSEA 9:6

No ka mea, aia hoʻi, ua hele aku lākou mai ka luku aku; E hoʻākoakoa ʻo ʻAigupita iā lākou, E kanu aku nō ʻo Memepi iā lākou. A ʻo nā wahi maikaʻi i kūʻai ʻia no ko lākou kālā e paʻapū ia i ka pua kala; A ma loko o ko lākou mau halelewa e kupu ka lāʻau ʻoʻoi.

ʻAMOSA 4:11

“Ua luku aku au i waena o ʻoukou, E like me ka luku ʻana o ke Akua iā Sodoma a me Gomora; Ua like hoʻi ʻoukou me ka momoku ahi i kāʻili ʻia mai loko mai o ke ahi; Akā, ʻaʻole ʻoukou i hoʻi hou mai iaʻu,” wahi a Iēhova.

ʻAMOSA 4:6

¶ “A ua hāʻawi aku hoʻi au iā ʻoukou i ka maʻemaʻe o nā niho ma ko ʻoukou mau kūlanakauhale a pau, A i ka nele i ka berena ma ko ʻoukou mau wahi a pau; Akā, ʻaʻole ʻoukou i hoʻi hou mai iaʻu,” wahi a Iēhova.

ʻAMOSA 5:27

“No laila, e lawe pio aku au iā ʻoukou ma ʻō aku o Damaseko,” wahi a Iēhova, ke Akua o nā kaua, kona inoa.

KA BUKE ʻALIMA A MOSE, I KAPA ʻIA KĀNĀWAI LUA 17:16

“Akā, mai hoʻomāhuahua ʻo ia i nā lio nona, ʻaʻole hoʻi ia e hoʻihoʻi i nā kānaka i ʻAigupita, i mea e hoʻomāhuahua ai ia i nā lio; no ka mea, ua ʻōlelo mai ʻo Iēhova iā ʻoukou, ‘Mai hoʻi hou aku ʻoukou i laila.’