HOSEA 11:4 - Ka Baibala Hemolele

⁴ Ua alakō aku au iā lākou me nā kaula o ke kanaka a me nā apo o ke aloha; A ua lilo au no lākou i mea like me nā mea e lawe aku ana i ka ʻauamo mai luna aku o ko lākou ʻāʻī, A ua waiho ihola au i ka ʻai i mua o lākou.

HOSEA 11:4 Iomraidhean Croise

KA BUKE ʻALUA A SAMUʻELA 7:14

“ʻO wau nō auaneʻi kona makua kāne, a e lilo hoʻi ia i keiki naʻu; a i hana ʻino kēlā, naʻu nō e paʻipaʻi aku iā ia me ka lāʻau ma ko ke kanaka, a me ka hahau ʻana ma ko nā keiki a nā kānaka.

KA BUKE O NĀ HALELŪ 105:40

Nonoi akula lākou, a lawe maila ia i nā silo, A hoʻomāʻona maila ʻo ia iā lākou i ka berena o ka lani.

KA BUKE ʻALUA A MOSE, I KAPA ʻIA PUKA ʻANA 16:32

ʻĪ maila ʻo Mose, “Eia ka mea a Iēhova i kauoha mai nei, ‘E hoʻopiha i kekahi ʻomera o ia mea, i mālama loa ia no kāu poʻe mamo; i ʻike lākou i ka ʻai aʻu i hānai aku ai iā ʻoukou ma ka wao nahele, i ka wā aʻu i lawe mai ai iā ʻoukou mai ka ʻāina ʻo ʻAigupita mai.’”

KE MELE A SOLOMONA 1:4

“E ʻume mai iaʻu, e hahai mākou ma muli ou. Ua hoʻokomo mai ke aliʻi iaʻu i loko o kona keʻena.” “E hauʻoli mākou, a e ʻoliʻoli hoʻi iā ʻoe; E hoʻomanaʻo mākou i kou aloha ma mua o ka waina; Ua aloha aku ka poʻe pono iā ʻoe.”

KA WĀNANA A ʻISAIA 63:9

I ko lākou pōpilikia a pau, ʻaʻole ia he ʻenemi, Akā, na ka ʻānela o kona alo lākou i hoʻōla; A no kona aloha, a no kona lokomaikaʻi, hoʻōla pānaʻi ʻo ia iā lākou; A hāpai aʻela ʻo ia, a kaʻikaʻi akula iā lākou, i nā lā a pau o ka wā kahiko.

HOSEA 2:8

¶ “ʻAʻole ʻo ia i noʻonoʻo, ua hāʻawi aku au iā ia i ka mea ʻai, a me ka waina hou, a me ka ʻaila, A hoʻomāhuahua aku hoʻi i ke kālā, a me ke gula nona, Nā mea a lākou i hoʻomākaukau ai no Baʻala.

KA BUKE ʻAKOLU A MOSE, I KAPA ʻIA ʻOIHANA KAHUNA 26:13

‘ʻO wau nō Iēhova ko ʻoukou Akua ka mea nāna ʻoukou i lawe mai nei, mai ka ʻāina mai ‘o ʻAigupita, i ʻole ai ʻoukou e noho kauā paʻa no lākou; a ua moku iaʻu nā mea e paʻa ai kā ʻoukou ʻauamo, a hoʻokūpono iā ʻoukou i ka hele ʻana.

KA ʻEUANELIO I KĀKAU ʻIA AI E IOANE 12:32

“Inā e kaulia au i luna, mai ka honua aku, e kauō auaneʻi au i nā kānaka a pau i oʻu nei.”

ʻO KA ʻEPISETOLE LUA A PAULO KA LUNAʻŌLELO I KO KORINETO 5:14

Ke koi ikaika mai nei ke aloha o Kristo iā mākou; no ka mea, ua akāka i ko mākou manaʻo, inā i make kekahi no nā mea a pau, inā ua make nā mea a pau.

KA BUKE ʻALIMA A MOSE, I KAPA ʻIA KĀNĀWAI LUA 32:12

“Na Iēhova wale nō ʻo ia i alakaʻi aku, ʻAʻole hoʻi he akua ʻē me ia.

KA BUKE ʻALIMA A MOSE, I KAPA ʻIA KĀNĀWAI LUA 32:14

“Me ka bata o ka bipi, a me ka waiū hipa, A me nā keiki hipa momona; A me nā hipa kāne no Basana, a me nā kao kāne, A me ka palaoa maikaʻi loa; Inu ihola ʻoe i ke koko hua waina, i ka waina maikaʻi.