HOSEA 11:1 - Ka Baibala Hemolele

¹ ¶ I ko ʻIseraʻela wā kamaliʻi, a laila, ua aloha aku au iā ia, A kāhea aku au i kuʻu keiki e hele mai ʻAigupita mai.

HOSEA 11:1 Iomraidhean Croise

KA BUKE O NĀ HALELŪ 129:1

¶ “Ua hoʻopilikia pinepine mai lākou iaʻu, Mai koʻu wā ʻōpiopio mai,” wahi a kā ʻIseraʻela;

KA BUKE ʻALUA A MOSE, I KAPA ʻIA PUKA ʻANA 19:4

‘Ua ʻike nō ʻoukou i nā mea aʻu i hana ai i ko ʻAigupita, i koʻu kaʻikaʻi ʻana iā ʻoukou ma nā ʻēheu o ka ʻaeto, a lawe mai iā ʻoukou i oʻu nei.

KA BUKE ʻALUA A MOSE, I KAPA ʻIA PUKA ʻANA 4:22

“E ʻōlelo aku ʻoe iā Paraʻo, ‘Ke ʻī mai nei ʻo Iēhova penei, “ʻO ʻIseraʻela nō kaʻu keiki kāne, ʻo kaʻu hiapo hoʻi.”’

KA BUKE ʻALUA A MOSE, I KAPA ʻIA PUKA ʻANA 4:23

“Ke ʻōlelo aku nei au iā ʻoe, ‘E hoʻokuʻu ʻoe i kaʻu keiki, i mālama mai ia iaʻu: a inā e hōʻole mai ʻoe i kona hoʻokuʻu ʻia, aia hoʻi, e pepehi aku nō au i kāu keiki kāne, i kāu hiapo hoʻi.’”

KA WĀNANA A ʻISAIA 43:4

“No ka mea, ua makamae ʻoe ma koʻu mau maka, Ua hoʻomaikaʻi ʻia hoʻi ʻoe, a ua aloha aku au iā ʻoe; No laila au e pānaʻi aku ai i nā kānaka nou, A e lilo nō nā lāhui kanaka i pānaʻi no kou ola.

KA WĀNANA A IEREMIA 12:7

¶ “Ua haʻalele au i koʻu hale, a ua waiho aku au i koʻu ʻāina hoʻoili; A ua hāʻawi aku hoʻi au i ka mea a kuʻu ʻuhane i aloha nui ai i loko o ka lima o kona poʻe ʻenemi.

KA WĀNANA A IEREMIA 2:2

“Ō hele, e kala ma nā pepeiao o ko Ierusalema, e ʻī aku, ‘Ke ʻōlelo mai nei ʻo Iēhova, penei, “Ua hoʻomanaʻo aku au iā ʻoe, I ka lokomaikaʻi o kou wā ʻōpiopio, I ke aloha o kou wā i mare hou ʻia ai, I kou hahai ʻana ma muli oʻu ma loko o ka wao nahele. Ma ka ʻāina i lūlū ʻole ʻia.

KA WĀNANA A ʻEZEKIʻELA 16:22

“A i loko o kou mau mea inaina ʻia a me kou moekolohe ʻana, ʻaʻole ʻoe i hoʻomanaʻo i nā lā o kou ʻōpiopio ʻana, i kou ʻōlohelohe ʻana, a me ka uhi ʻole ʻia, a me kou paumāʻele ʻana i loko o kou koko.

KA WĀNANA A ʻEZEKIʻELA 16:6

¶ “A māʻalo aʻela au ma ou lā, a ʻike iā ʻoe e paumāʻele ana i kou koko iho, ʻī akula au iā ʻoe i loko o kou koko, ‘E ola’; ʻoiaʻiʻo, ua ʻōlelo aku au iā ʻoe i loko o kou koko, ‘E ola.’

HOSEA 10:15

Pēlā ʻo ia e hana mai ai iā ʻoukou, ma Betela, no ko ʻoukou hewa nui; I kakahiaka e ʻoki loa ʻia aku ke aliʻi o kā ʻIseraʻela.

HOSEA 12:13

A ma ke kāula i lawe mai ai ʻo Iēhova i kā ʻIseraʻela mai ʻAigupita mai, A ma ke kāula i mālama mai ai ʻo ia iā ia.

HOSEA 12:9

A ʻo wau, ʻo Iēhova kou Akua, mai ka ʻāina ʻo ʻAigupita mai, E hoʻonoho hou aku au iā ʻoe i nā halelewa, e like me nā lā o ka ʻahaʻaina.

HOSEA 13:4

¶ Akā, ʻo wau ʻo Iēhova ke Akua ou, mai ka ʻāina ʻo ʻAigupita mai, Mai ʻike ʻoe i akua ʻē aʻe, iaʻu wale nō; No ka mea, ʻaʻohe hoʻōla, ʻo wau wale nō.

HOSEA 2:15

“A e hāʻawi aku au nona i kona mau māla waina mai laila mai, A i ke awāwa ʻo ʻAkora, i puka o ka manaʻolana; A e mele nō ia ma laila, e like me ia i kona wā ʻōpio, A e like me ia i ka wā āna i puka mai ai mai ka ʻāina ʻo ʻAigupita mai.

MALAKI 1:2

¶ “Ua aloha aku au iā ʻoukou,” wahi a Iēhova; akā, ke nīnau mai nei ʻoukou, “Ma ke aha lā kāu i aloha mai ai iā mākou?” “ʻAʻole anei ʻo ʻEsau ka hoahānau o Iakoba?” wahi a Iēhova. “Akā, i aloha aku au iā Iakoba,

KA ʻEUANELIO I KĀKAU ʻIA AI E MATAIO 2:15

Ma laila ia i noho ai a make ʻo Herode. No laila, kō aʻela ka ʻōlelo a ka Haku ma ke kāula, i ka ʻī ʻana mai, “‹Ua kāhea aku au i kaʻu Keiki mai ʻAigupita mai›.”

KA BUKE ʻALIMA A MOSE, I KAPA ʻIA KĀNĀWAI LUA 33:3

“I aloha hoʻi ia i nā kānaka; Ma kou lima kona poʻe haipule a pau; Ma kou wāwae lākou i noho ai; E loaʻa iā lākou kāu mau ʻōlelo.

KA BUKE ʻALIMA A MOSE, I KAPA ʻIA KĀNĀWAI LUA 7:7

“ʻAʻole ʻo Iēhova i aloha mai iā ʻoukou, a i wae mai iā ʻoukou, no ka ʻoi o ko ʻoukou nui i ko nā kānaka ʻē aʻe a pau; no ka mea, he poʻe ʻuʻuku ʻoukou i nā kānaka a pau;