HOSEA 10:9 - Ka Baibala Hemolele

⁹ E kā ʻIseraʻela, ua hana hewa ʻoe mai nā lā o Gibea mai; I laila lākou i kū ai; A ʻo ke kaua ʻana ma Gibea i nā keiki hewa, ʻaʻole anei ia e hiki aku i o lākou lā?

HOSEA 10:9 Iomraidhean Croise

KA BUKE MUA A MOSE, I KAPA ʻIA KINOHI 6:5

¶ A ʻike maila ke Akua, he nui ka hewa o kānaka ma ka honua, a ua hewa wale nō ka noʻonoʻo ʻana o kona naʻau, āna i manaʻo ai i nā lā a pau.

KA BUKE MUA A MOSE, I KAPA ʻIA KINOHI 8:21

Honi maila ʻo Iēhova i ke ʻala ʻoluʻolu; ʻī ihola ʻo Iēhova i loko o kona naʻau, “ʻAʻole au e hōʻino hou i ka ʻāina no kānaka; no ka mea, ua hewa nō ka manaʻo ʻana o ko ke kanaka naʻau mai kona wā ʻōpiopio; ʻaʻole hoʻi au e luku hou aku i nā mea ola a pau, me aʻu i hana iho nei.

HOSEA 10:10

Eia koʻu manaʻo, e hahau aku iā lākou; A e ʻākoakoa mai nā kānaka e kūʻē iā lākou, I kuʻu hoʻopaʻa ʻana iā lākou, no ko lākou mau hewa ʻelua.

HOSEA 10:8

A e hoʻopau ʻia nā heiau o ʻAvena, ka hewa o kā ʻIseraʻela; E kupu mai auaneʻi ka lāʻau kukū a me ka pua kala ma luna o ko lākou mau kuahu; A e ʻōlelo aku lākou i nā mauna, “E uhi mai iā mākou”; A i nā puʻu, “E hiolo mai ma luna o mākou.”

HOSEA 5:8

¶ E puhi ʻoukou i ka pū kani ma Gibea, I ka pū hoʻi ma Rama; E kāhea nui aku ma Beta ʻAvena ma hope ou, e Beniamina.

HOSEA 9:9

Ua hana hewa nui lākou e like me nā lā o Gibea; No laila, e hoʻomanaʻo mai ia i ko lākou hala, A e hoʻopaʻi mai hoʻi i ko lākou mau hewa.

KA BUKE NO NĀ LUNA KĀNĀWAI 20:5

“Kūʻēʻē maila nā kānaka o Gibea iaʻu, a hoʻopuni ihola lākou i ka hale ma luna oʻu, i ka pō, manaʻo ihola e pepehi mai iaʻu; a hoʻohaʻahaʻa ihola lākou i kaʻu haiā wahine, a ua make loa ia.