HOSEA 10:8 - Ka Baibala Hemolele

⁸ A e hoʻopau ʻia nā heiau o ʻAvena, ka hewa o kā ʻIseraʻela; E kupu mai auaneʻi ka lāʻau kukū a me ka pua kala ma luna o ko lākou mau kuahu; A e ʻōlelo aku lākou i nā mauna, “E uhi mai iā mākou”; A i nā puʻu, “E hiolo mai ma luna o mākou.”

HOSEA 10:8 Iomraidhean Croise

KA BUKE MUA A MOSE, I KAPA ʻIA KINOHI 3:8

¶ Lohe aʻela lāua i ka leo o Iēhova ke Akua, e holoholo ana ma ka mahina ʻai i ka wā malu o ka lā; peʻe ihola ʻo ʻAdamu me kāna wahine ma waena o nā lāʻau o ua mahina ʻai lā, mai ke alo aku o Iēhova ke Akua.

KA BUKE MUA NO NĀ ALIʻI 13:2

Kāhea akula ʻo ia i ke kuahu ma ka ʻōlelo a Iēhova, ʻī akula, “E ke kuahu, ke kuahu, ke ʻī mai nei Iēhova penei, ‘Aia hoʻi, e hānau ana ke keiki na ka ʻohana a Dāvida, ʻo Iosia kona inoa; a ma luna iho ou e kaumaha ai ʻo ia i nā kahuna pule o nā wahi kiʻekiʻe i kukuni i ka mea ʻala ma luna ou, a e puhi ʻia nā iwi kanaka ma luna iho ou.’”

KA BUKE MUA NO NĀ ALIʻI 13:34

A lilo kēia mea i hewa no ka ʻohana a Ieroboama, e ʻoki aku ai, a e luku aku ai hoʻi ia mai ka ʻili o ka honua aku.

KA BUKE MUA NO NĀ ALIʻI 14:16

“A e hoʻokuʻu wale aʻe ʻo ia i kā ʻIseraʻela, no nā hewa o Ieroboama, ka mea i lawehala, a i hoʻolilo i kā ʻIseraʻela e lawehala.”

KA BUKE ʻALUA NO NĀ ALIʻI 23:15

¶ A ʻo ke kuahu hoʻi ma Betela, a ʻo ka heiau a Ieroboama i hana ai, a ke keiki a Nebata, nāna i hoʻolilo kā ʻIseraʻela i ka hewa, ʻo ua kuahu lā, a me ka heiau, ʻo ia kāna i wāwahi ai, a puhi aku i ka heiau, a kuʻi ihola a ʻaeʻae me he lepo lā, a puhi akula i nā kiʻi o ʻAseterota.

KA BUKE ʻALUA O KA ʻOIHANA ALIʻI 31:1

¶ A pau aʻela kēia mau mea a pau, hele i waho kā ʻIseraʻela a pau i hoʻākoakoa ʻia ma nā kūlanakauhale o kā Iuda, a kuʻi palu ihola i nā kiʻi, a ʻoki liʻiliʻi i nā kiʻi no ʻAsetarota, a wāwahi i nā wahi kiʻekiʻe, a me nā kuahu ma Iuda a pau, a me Beniamina, a me ʻEperaima nō hoʻi, a me Manase, a pau aʻela ia mau mea. A laila, hoʻi nā mamo a ʻIseraʻela a pau, kēlā kanaka kēia kanaka i kona ʻāina hoʻoili, i ko lākou mau kūlanakauhale iho.

KA WĀNANA A ʻISAIA 2:19

E komo hoʻi nā kānaka i loko o nā ana pōhaku a me nā lua o ka lepo, No ka makaʻu iā Iēhova, a no ka nani hoʻi o kona hanohano. Iā ia e kū ai i luna, e hoʻonāueue ai i ka honua.

KA WĀNANA A ʻISAIA 2:21

A hele lākou i loko o nā ana pōhaku, I loko hoʻi o nā lua ma ka pali paʻa, No ka makaʻu iā Iēhova, A no ka nani hoʻi o kona hanohano, Iā ia e kū ai i luna e hoʻonāueue ai i ka honua.

KA WĀNANA A ʻISAIA 32:13

Ma ka ʻāina o koʻu poʻe kānaka, E ulu mai nō ke kākalaioa, a me ka lāʻau ʻoʻoi, Ma luna hoʻi o nā hale ʻoliʻoli a pau, I loko o ke kūlanakauhale e ʻoliʻoli ana.

KA WĀNANA A ʻISAIA 34:13

E ulu nō ke kākalaioa ma loko o kona mau hale aliʻi; ʻO ka nahele maneʻo, a me ka lāʻau ʻoʻoi ma kona mau pā kaua, A e lilo nō ia i wahi no ua ʻīlio hihiu, I wahi noho hoʻi no nā iana.

HOSEA 10:2

Ua kānalua ko lākou naʻau; ʻĀnō e hoʻopaʻi ʻia lākou; E hoʻohiolo nō ia i ko lākou kuahu, E hoʻopau nō ia i ko lākou mau kiʻi.

HOSEA 10:5

E makaʻu auaneʻi nā kānaka o Samaria no nā keiki bipi o Beta ʻAvena; No ka mea, e auē auaneʻi kona poʻe kānaka no ia mea; A e haʻalulu nā kāhuna no kona nani; No ka mea, ua nalowale ia.

HOSEA 10:9

E kā ʻIseraʻela, ua hana hewa ʻoe mai nā lā o Gibea mai; I laila lākou i kū ai; A ʻo ke kaua ʻana ma Gibea i nā keiki hewa, ʻaʻole anei ia e hiki aku i o lākou lā?

HOSEA 2:6

“No ia mea, aia hoʻi, e hoʻopuni au i kou ala i nā lāʻau kukū, A e hana au i pā pōhaku nona, I mea e loaʻa ʻole ai iā ia kona mau alanui.

HOSEA 4:13

Kaumaha akula lākou ma kahi kiʻekiʻe o nā mauna, A kuni i ka mea ʻala ma luna o nā puʻu, Ma lalo o ka lāʻau ʻoka, a me ka lāʻau popela, a me ka lāʻau kaʻa; No ka mea, ua ʻoluʻolu kona malumalu; No ia mea, e moekolohe kā ʻoukou poʻe kaikamāhine, A e moekolohe kā ʻoukou poʻe hūnōna wahine.

HOSEA 4:15

¶ Inā ʻo ʻoe, e kā ʻIseraʻela, i moekolohe, Mai hana hewa ʻo kā Iuda; A mai hele ʻoukou i Gilegala, Mai piʻi aʻe ʻoukou i Beta ʻAvena, Mai hoʻohiki, “E ola ʻo Iēhova!”

HOSEA 5:8

¶ E puhi ʻoukou i ka pū kani ma Gibea, I ka pū hoʻi ma Rama; E kāhea nui aku ma Beta ʻAvena ma hope ou, e Beniamina.

HOSEA 8:5

He mea hoʻopailua kou keiki bipi, e Samaria. “Ua hoʻaʻā ʻia kuʻu inaina iā lākou!” Pehea lā ka lōʻihi a loaʻa iā lākou ka maʻemaʻe?

HOSEA 9:6

No ka mea, aia hoʻi, ua hele aku lākou mai ka luku aku; E hoʻākoakoa ʻo ʻAigupita iā lākou, E kanu aku nō ʻo Memepi iā lākou. A ʻo nā wahi maikaʻi i kūʻai ʻia no ko lākou kālā e paʻapū ia i ka pua kala; A ma loko o ko lākou mau halelewa e kupu ka lāʻau ʻoʻoi.

ʻAMOSA 1:5

“A e haki nō iaʻu ke kaola o Damaseko, A e hōʻoki aku au i nā kānaka mai ke awāwa ʻo ʻAvena aku, A me ka mea e hoʻopaʻa ana i ke koʻokoʻo aliʻi, mai ka hale o ʻEdena aku; A e hele pio akula nā kānaka o Suria i Kira,” wahi a Iēhova.

ʻAMOSA 3:14

“A i ka lā aʻu e hoʻopaʻi aku ai i ka hewa o kā ʻIseraʻela i luna ona, A e hoʻopaʻi hoʻi au i nā kuahu o Betela; A e ʻoki ʻia nā pepeiaohao o ke kuahu, a hāʻule ihola ia i lalo i ka honua.

ʻAMOSA 7:9

“A e hoʻoneoneo ʻia nā wahi kiʻekiʻe o ʻIsaʻaka, A e wāwahi ʻia nā wahi hoʻāno o kā ʻIseraʻela; A e kūʻē aku au i ka hale o Ieroboama me ka pahi kaua.”

ʻAMOSA 8:14

“ʻO ka poʻe e hoʻohiki ma ka hewa o Samaria, a ʻī iho, ‘E ola ana kou Akua, e Dana; a e ola ana ka ʻaoʻao o Beʻereseba’; E hāʻule nō hoʻi lākou, ʻaʻole loa e ala hou aʻe.”

MIKA 1:13

E ka mea e noho lā ma Lakisa, E hoʻopaʻa i ka hale kaʻa i ka lio māmā; ʻO ia ke poʻo o ka hewa no ke kaikamahine o Ziona; No ka mea, ua loaʻa nā lawehala o kā ʻIseraʻela i loko ou.

MIKA 1:5

No ka lawehala ʻana o kā Iakoba kēia mea a pau, a no nā hewa o ko ka hale o ʻIseraʻela. He aha ka hala o kā Iakoba? ʻAʻole anei ʻo Samaria? A ʻo wai nā wahi kiʻekiʻe o Iuda? ʻAʻole anei ʻo Ierusalema?

NAHUMA 3:11

A e ʻona nō hoʻi ʻoe, A e hūnā ʻia ʻoe; A e ʻimi nō ʻoe i ka ikaika no ka poʻe ʻenemi.

KA ʻEUANELIO I KĀKAU ʻIA AI E LUKA 23:30

“A laila e hoʻomaka lākou «e ʻōlelo aku i nā mauna, ‘E hiolo mai ma luna iho o mākou;’ a i nā puʻu hoʻi, ‘E uhi mai iā mākou».’

KA BUKE ʻALIMA A MOSE, I KAPA ʻIA KĀNĀWAI LUA 9:21

“Lawe akula au i ko ʻoukou hala, i ka bipi keiki a ʻoukou i hana ai, a puhi akula i ke ahi, a kuʻi ihola, a pēpē liʻiliʻi a ʻaeʻae e like me ka lepo; a hoʻolei aku i kona lepo i loko o ke kahawai, e kahe ana mai ka mauna mai.

KA HŌʻIKE ʻANA A IOANE KA HAIPULE 6:16

a hea akula lākou i nā kuahiwi a me nā pōhaku, “E hāʻule mai ʻoukou ma luna iho o mākou, a e uhi mai iā mākou, mai ka maka o ka Mea e noho lā ma ka noho aliʻi, a me ka inaina o ke Keiki Hipa.

KA HŌʻIKE ʻANA A IOANE KA HAIPULE 9:6

Ia mau lā, e ʻimi nō nā kānaka i ka make, ʻaʻole e loaʻa; a e ake nō lākou e make, a e holo nō ka make mai o lākou aku.