HOSEA 10:6 - Ka Baibala Hemolele

⁶ A e lawe ʻia aku hoʻi ia i ʻAsuria i makana no ke aliʻi no ka ʻenemi; A e kau mai ka hilahila iā ʻEperaima, A e hilahila hoʻi kā ʻIseraʻela no kona manaʻo iho.

HOSEA 10:6 Iomraidhean Croise

KA BUKE ʻALUA NO NĀ ALIʻI 17:3

Hele kūʻē maila ʻo Salemanesera ke aliʻi o ʻAsuria iā ia; a lilo ʻo Hosea i kauā nāna, a hoʻokupu aku nona.

KA BUKE NO IOBA 18:7

“E hoʻopilikia ʻia kona hele ikaika, A e hoʻokulaʻina kona noʻonoʻo ʻana iā ia.

KA WĀNANA A ʻISAIA 1:29

No ka mea, e hilahila auaneʻi lākou i nā lāʻau ʻoka a ʻoukou i makemake ai, E hilahila nō i nā pā kanu a ʻoukou i koho ai.

KA WĀNANA A ʻISAIA 30:3

“E lilo nō ka ikaika o Paraʻo i mea e hilahila ai ʻoukou, A me ka hilinaʻi ʻana i ke aka o ʻAigupita, ʻo ia kekahi mea hilahila.

KA WĀNANA A ʻISAIA 45:16

Ua hilahila, a ua hoʻopalai maka lākou a pau; Holo pū nō i loko o ka hilahila, ka poʻe hana akua kiʻi.

KA WĀNANA A IEREMIA 48:13

“A e hilahila auaneʻi ʻo Moaba iā Kemosa, e like me kā ʻIseraʻela i hilahila iā Betela, i ko lākou mea i hilinaʻi ai.

KA WĀNANA A IEREMIA 7:24

“Akā, ʻaʻole lākou i hoʻolohe mai, ʻaʻole hoʻi i hāliu mai i ko lākou pepeiao; akā, hele nō lākou ma ka noʻonoʻo ʻana a ma ka paʻakikī o ko lākou naʻau hewa, a hoʻi hope lākou, ʻaʻole i hele mua.

KA WĀNANA A ʻEZEKIʻELA 16:28

“A ua moekolohe nō hoʻi ʻoe me ko ʻAsuria, no kou ana ʻole ʻana; a ua moekolohe ʻoe me lākou, ʻaʻole hoʻi ʻoe i ana.

KA WĀNANA A ʻEZEKIʻELA 36:31

“A laila e hoʻomanaʻo ʻoukou i ko ʻoukou mau ʻaoʻao hewa, a me kā ʻoukou mau hana pono ʻole, a e hoʻowahāwahā iho ʻoukou iā ʻoukou iho i ko ʻoukou mau maka iho, no ko ʻoukou mau hewa, a me ko ʻoukou mau mea inaina ʻia.

KA BUKE NO DANIʻELA 11:8

“A lawe pio aku nō hoʻi ʻo ia i loko o ʻAigupita i ko lākou mau akua, a me ko lākou mau kiʻi i hoʻoheheʻe ʻia, a me ko lākou mau ipu maikaʻi o ke kālā a me ke gula; a e ʻoi aku kona mau makahiki ma mua o ke aliʻi o ka ʻĀkau.

HOSEA 4:19

Ua hoʻopaʻa ka makani iā ia i loko o kona mau ʻēheu, A e hilahila auaneʻi lākou i kā lākou mau mōhai.

HOSEA 4:7

¶ E like me ko lākou nui ʻana, pēlā lākou i hana hewa mai ai iaʻu; A e hoʻololi au i ko lākou nani i mea hilahila.

HOSEA 5:13

A ʻike ihola ʻo ʻEperaima i kona maʻi, a ʻo Iuda hoʻi i kona ʻeha, A laila, hele akula ʻo ʻEperaima i ʻAsuria, A hoʻouna akula i ke aliʻi kūʻē; ʻAʻole naʻe e hiki iā ia ke hoʻōla iā ʻoukou, ʻAʻole hoʻi e hoʻōla i ko ʻoukou ʻeha.

HOSEA 8:6

No ka mea, na kā ʻIseraʻela kēia mea; Na ka paʻahana nō ia i hana; ʻAʻole ia he akua; No ka mea, e haki liʻiliʻi ʻia ke keiki bipi o Samaria.

MIKA 6:16

“No ka mea, ua mālama ʻia nā kānāwai o ʻOmeri, A me nā hana a pau a ko ka hale o ʻAhaba, A ua hele ʻoukou ma ko lākou manaʻo; No laila, e hoʻolilo aku ai au iā ʻoe i neoneo, A i kona poʻe kānaka i mea hoʻowahāwahā ʻia; A e lawe ʻoukou i ka hōʻino o kuʻu poʻe kānaka.”