HOSEA 10:5 - Ka Baibala Hemolele

⁵ E makaʻu auaneʻi nā kānaka o Samaria no nā keiki bipi o Beta ʻAvena; No ka mea, e auē auaneʻi kona poʻe kānaka no ia mea; A e haʻalulu nā kāhuna no kona nani; No ka mea, ua nalowale ia.

HOSEA 10:5 Iomraidhean Croise

KA BUKE ʻALUA NO NĀ ALIʻI 10:29

¶ Akā hoʻi, ʻo nā hewa o Ieroboama ke keiki a Nebata, nāna i hoʻolilo kā ʻIseraʻela i ka hewa, ʻaʻole i haʻalele ʻo Iehu i ka hahai ʻana ma muli o lākou, ʻo nā keiki bipi gula ma Betela a ma Dana.

KA BUKE ʻALUA NO NĀ ALIʻI 17:16

A haʻalele lākou i nā kauoha a pau a Iēhova ko lākou Akua, a hana nā lākou i kiʻi i hoʻoheʻeheʻe ʻia, i ʻelua keiki bipi, a hana lākou i kiʻi no ʻAseterota, a hoʻomana lākou i nā pūʻali o ka lani, a mālama lākou iā Baʻala.

KA BUKE ʻALUA NO NĀ ALIʻI 23:5

A hoʻōki ihola ia i nā kāhuna hoʻomana kiʻi a nā aliʻi o kā Iuda i hoʻonoho ai, i mea e kuni ai i ka mea ʻala ma nā heiau ma nā kūlanakauhale o kā Iuda, a ma nā wahi e puni ana i Ierusalema; i ka poʻe kuni i ka mea ʻala iā Baʻala, i ka lā, i ka mahina, a i ka poʻe hōkū o ke kāʻei, a i nā pūʻali a pau o ka lani.

KA BUKE ʻALUA O KA ʻOIHANA ALIʻI 11:15

A hoʻonoho ʻo ia nona i nā kāhuna, no nā wahi kiʻekiʻe, a no nā kao, a no nā keiki bipi āna i hana ai.

KA BUKE ʻALUA O KA ʻOIHANA ALIʻI 13:8

“ʻĀnō, ke manaʻo nei ʻoukou e hoʻoikaika kūʻē mai i ke aupuni o Iēhova aia ma ka lima o nā keiki a Dāvida; ʻo ʻoukou ka poʻe koa nui loa, a me ʻoukou pū nā bipi keiki gula a Ieroboama i hana ai, i mau akua no ʻoukou.

KA WĀNANA A ʻISAIA 46:2

Kūlou nō lākou, a kukuli pū nō hoʻi i lalo; ʻAʻole hiki iā lākou ke hoʻokuʻu i ka ukana, Ua hele nō lākou i loko o ke pio ʻana.

HOSEA 13:2

ʻĀnō, hoʻomāhuahua lākou i ka hewa, A hana lākou no lākou i kiʻi hoʻoheheʻe ʻia no ko lākou kālā, I kiʻi ma ko lākou manaʻo, ʻo nā hana a nā paʻahana wale nō; Ke ʻōlelo nei ka poʻe e kaumaha ana, “E honi lākou i nā keiki bipi.”

HOSEA 4:15

¶ Inā ʻo ʻoe, e kā ʻIseraʻela, i moekolohe, Mai hana hewa ʻo kā Iuda; A mai hele ʻoukou i Gilegala, Mai piʻi aʻe ʻoukou i Beta ʻAvena, Mai hoʻohiki, “E ola ʻo Iēhova!”

HOSEA 5:8

¶ E puhi ʻoukou i ka pū kani ma Gibea, I ka pū hoʻi ma Rama; E kāhea nui aku ma Beta ʻAvena ma hope ou, e Beniamina.

HOSEA 9:1

¶ Mai hauʻoli, e kā ʻIseraʻela, me ka ʻoliʻoli, e like me nā lāhui kanaka; No ka mea, ua hele moekolohe aku ʻoe mai kou Akua aku, Ua makemake aku ʻoe i nā makana ma nā kahua hehi palaoa a pau.

HOSEA 9:11

A no kā ʻEperaima, e lele aku auaneʻi ko lākou nani me he manu lā, mai ka hānau ʻana mai, mai ka ʻōpū mai, a mai ka hāpai ʻana mai.

ʻAMOSA 3:14

“A i ka lā aʻu e hoʻopaʻi aku ai i ka hewa o kā ʻIseraʻela i luna ona, A e hoʻopaʻi hoʻi au i nā kuahu o Betela; A e ʻoki ʻia nā pepeiaohao o ke kuahu, a hāʻule ihola ia i lalo i ka honua.

ZEPANIA 1:4

“E kau aku hoʻi au i kuʻu lima ma luna o kā Iuda, A me nā kānaka a pau o Ierusalema; A e hōʻoki iho au i ke koena o ko Baʻala, mai kēia wahi aku, A me ka inoa o nā mea hoʻomana kiʻi a me nā kāhuna hoʻi.

NĀ ʻOIHANA A KA POʻE LUNAʻŌLELO 19:27

“No ia mea, ʻaʻole kā kākou ʻoihana wale nō ke ʻaneʻane lilo i mea ʻole; akā, ʻo ka heiau o kēia akua nui ʻo Diana kekahi, e hoʻowahāwahā ʻia, a kokoke e pau i ke kahuli ʻia ka nani o ka mea i hoʻomana ʻia ai e ko ʻĀsia a pau, a me ko ke ao nei.”

KA BUKE A IOSUA 7:2

¶ Hoʻouna akula ʻo Iosua i mau kānaka, mai Ieriko aku a ʻAi, ma ke alo o Bete ‘Avena, ma ka hikina o Betela, ʻōlelo akula iā lākou, ʻī akula, “Ō piʻi ʻoukou, a e mākaʻi i ka ʻāina.” Piʻi akula ua mau kānaka lā, mākaʻi ihola iā ʻAi.

KA BUKE NO NĀ LUNA KĀNĀWAI 18:24

ʻĪ akula kēia, “Ua lawe aku ʻoukou i koʻu mau akua, aʻu i hana ai, a me ke kahuna, a ua hele ʻoukou. He aha hoʻi ka mea i koe iaʻu? He aha hoʻi kēia mea a ʻoukou i nīnau mai nei iaʻu? ‘He aha kāu?’”