HOSEA 10:2 - Ka Baibala Hemolele

² Ua kānalua ko lākou naʻau; ʻĀnō e hoʻopaʻi ʻia lākou; E hoʻohiolo nō ia i ko lākou kuahu, E hoʻopau nō ia i ko lākou mau kiʻi.

HOSEA 10:2 Iomraidhean Croise

KA BUKE MUA NO NĀ ALIʻI 18:21

Hele maila hoʻi ʻo ʻElia i ka poʻe kānaka a pau, ʻī maila hoʻi, “Pehea lā ka lōʻihi o ko ʻoukou kāpekepeke ʻana i waena o nā manaʻo ʻelua? Inā ʻo Iēhova ke Akua, e hahai ʻoukou ma muli ona; akā, inā ʻo Baʻala, e hahai ma muli ona.” ʻAʻole ʻōlelo aku nā kānaka i kekahi ʻōlelo iā ia.

KA BUKE ʻALUA A MOSE, I KAPA ʻIA PUKA ʻANA 23:24

“Mai kūlou ʻoe i ko lākou akua, ʻaʻole hoʻi e mālama aku iā lākou, ʻaʻole hoʻi e hana aku ma muli o kā lākou hana; akā, e hoʻokahuli loa ʻoe iā lākou, a e wāwahi loa i ko lākou mau kiʻi.

NĀ ʻŌLELO AKAMAI A SOLOMONA 11:18

ʻO ka mea hewa, he hana ʻīnea kāna; ʻO ka mea lūlū i ka pono, he uku ʻoiaʻiʻo kona.

KA WĀNANA A ʻISAIA 44:18

¶ ʻAʻole lākou i ʻike, ʻaʻole hoʻi i hoʻomaopopo; ua hoʻopili ʻo ia i ko lākou mau maka, i ʻike ʻole lākou, a me ko lākou mau naʻau, i hoʻomaopopo ʻole lākou.

KA WĀNANA A IEREMIA 43:13

“E wāwahi nō hoʻi ʻo ia i nā kiʻi o Bete Semesa, aia ma ka ʻāina ʻo ʻAigupita; a e puhi nō hoʻi ʻo ia i nā hale kiʻi o ko ʻAigupita, i ke ahi.”’”

KA WĀNANA A ʻEZEKIʻELA 14:5

i hopu au i ka ʻohana a ʻIseraʻela i loko o ko lākou naʻau iho; no ka mea, ua ʻaeʻa lākou mai oʻu aku nei ma ko lākou mau kiʻi.”’

HOSEA 12:11

Ua hewa anei ko Gileada? ʻO ia, ua hewa lākou; Ke kaumaha nei lākou i nā bipi ma Gilegala; A ʻo ko lākou mau kuahu, ua like me nā ahu ma nā ʻauwaha o ka mahina ʻai.

HOSEA 13:16

E hoʻopaʻi ʻia auaneʻi ko Samaria; No ka mea, ua kipi aku ia i kona Akua; E hāʻule auaneʻi lākou ma ka pahi kaua; E ʻulupā ʻia kā lākou mau keiki liʻiliʻi, A ʻo kā lākou poʻe wāhine hāpai e kaha ʻia aku.

HOSEA 3:4

No ka mea, he nui nā lā e noho ai nā mamo a ʻIseraʻela, ʻaʻohe aliʻi, ʻaʻohe haku, ʻaʻohe mōhai, ʻaʻohe kiʻi, ʻaʻohe ʻēpoda, ʻaʻohe terapima.

HOSEA 7:8

¶ ʻO ʻEperaima, ua hui pū ʻia me nā kānaka ʻē; ʻO ʻEperaima, he pōpō palaoa nō ia, ʻaʻole i huli ʻia.

KA BUKE ʻAKOLU A MOSE, I KAPA ʻIA ʻOIHANA KAHUNA 26:30

‘A e hoʻopau aku au i ko ʻoukou mau wahi kiʻekiʻe, a e kua iho au i ko ʻoukou mau kiʻi, a e hoʻolei aku wau i ko ʻoukou mau kupapaʻu ma luna iho o nā kupapaʻu o ko ʻoukou mau kiʻi, a e hoʻowahāwahā aku koʻu ʻuhane iā ʻoukou.

MIKA 5:13

“A e ʻoki aku au i kou mau kiʻi kālai ʻia, A i kou mau kiʻi mai waena mai ou, ʻAʻole hoʻi ʻoe e hoʻomana hou aku I ka hana a kou mau lima.

ZEPANIA 1:5

“A me ka poʻe hoʻomana i ka pūʻali o ka lani ma luna o nā hale; A me ka poʻe hoʻomana, a hoʻohiki hoʻi ma Iēhova, a ma ka hoʻohiki ma Malekama;

ZEKARIA 13:2

¶ “Eia hoʻi kekahi ia lā,” wahi a Iēhova o nā kaua, “e ʻānai aku au i nā inoa o nā kiʻi mai ka ʻāina aku, i hoʻomanaʻo hou ʻole ʻiā lākou; a e hoʻokuke aku hoʻi au i nā kāula a me ka ʻuhane haukaʻe mai ka ʻāina aku.

KA ʻEUANELIO I KĀKAU ʻIA AI E MATAIO 6:24

“ʻAʻole nō e hiki i ke kanaka ke mālama i nā haku ʻelua; no ka mea, e hoʻowahāwahā ia i kekahi, a e aloha aku hoʻi i kekahi; a i ʻole ia, e hoʻopili aku ia i kekahi me ka haʻalele i kekahi. ʻAʻole e hiki iā ʻoukou ke mālama pū i ke Akua a me ka mamona.

KA ʻEUANELIO I KĀKAU ʻIA AI E LUKA 16:13

“ʻAʻohe kauā e hiki ke hoʻokauā na nā haku ʻelua; no ka mea, e hoʻowahāwahā ʻo ia i kekahi me ka makemake i kekahi, a i ʻole ia, e hahai aku ia i kēlā, me ka haʻalele i kēia. ʻAʻole hoʻi e hiki iā ʻoukou ke hoʻokauā na ke Akua a me ka mamona.”

ʻO KA ʻEPISETOLE HOʻOLAHA A IAKOBO 1:8

ʻO ke kanaka i lolelua ka naʻau, ua lauwili ʻo ia i kona mau ʻaoʻao a pau.

ʻO KA ʻEPISETOLE HOʻOLAHA A IAKOBO 4:4

E nā kāne moekolohe a me nā wāhine moekolohe, ʻaʻole anei ʻoukou i ʻike, ʻo ka hoʻolauna ʻana me ko ke ao nei, he kūʻē aku ia i ke Akua? ʻO ka mea e makemake e hoʻolauna pū me ko ke ao nei, ua lilo ia i ʻenemi no ke Akua.

ʻO KA ʻEPISETOLE HOʻOLAHA MUA A IOANE 2:15

Mai makemake aku i ko ke ao nei, ʻaʻole hoʻi i nā mea o kēia ao. Inā e makemake aku ana kekahi i ko ke ao nei, ʻaʻole i loko ona ka makemake i ka Makua.

KA BUKE MUA A SAMUʻELA 5:4

A ia lā aʻe, ala hou aʻela lākou i kakahiaka nui, aia hoʻi, ua hina ihola ʻo Dagona i lalo ke alo ma ka honua i mua o ka pahu o Iēhova; a ʻo ke poʻo o Dagona, a me kona mau lima ʻelua, ua hemo ma ka paepae, a ʻo ka iʻa wale nō i koe iā ia.