HOSEA 10:12 - Ka Baibala Hemolele

¹² E lūlū ʻoukou no ʻoukou iho, ma ka pono, E ʻohi ʻoukou ma ka lokomaikaʻi; E waele i ko ʻoukou mahina ʻai; No ka mea, he manawa kēia e ʻimi iā Iēhova, A hiki mai ia, a aʻo aku i ka pono iā ʻoukou.

HOSEA 10:12 Iomraidhean Croise

KA BUKE O NĀ HALELŪ 105:4

E huli ʻoukou iā Iēhova, a me kona ikaika; E ʻimi mau loa aku hoʻi i kona maka.

KA BUKE O NĀ HALELŪ 72:6

E iho mai nō ia e like me ka ua ma luna o ka ʻāina mauʻu i ʻoki ʻia; Me nā kulu ua hoʻi i hoʻopulu iho i ka honua.

NĀ ʻŌLELO AKAMAI A SOLOMONA 11:18

ʻO ka mea hewa, he hana ʻīnea kāna; ʻO ka mea lūlū i ka pono, he uku ʻoiaʻiʻo kona.

NĀ ʻŌLELO AKAMAI A SOLOMONA 18:21

Ma ke elelo ka make a me ke ola; ʻO ka mea makemake ma laila, e ʻai ʻo ia i kona hua.

KE KAHUNA 11:6

I ke kakahiaka, e lūlū ʻoe i kāu hua, a i ke ahiahi, ʻaʻole hoʻi e hoʻomaha kou mau lima; no ka mea, ʻaʻole ʻoe i ʻike i ka mea maikaʻi o lāua, ʻo kēlā paha, ʻo kēia paha, ua maikaʻi pū paha lāua.

KA WĀNANA A ʻISAIA 30:23

¶ A laila e hāʻawi mai nō ʻo ia i ka ua no kāu hua, ka mea āu e kanu ai ma ka lepo; a me ka berena hoʻi no ka hua ʻana mai o ka lepo, a e momona nō ia, a māhuahua ka maikaʻi; e ʻai nō kou mau holoholona ia lā ma nā kula pālahalaha.

KA WĀNANA A ʻISAIA 31:1

¶ Auē ka poʻe iho i lalo i ʻAigupita no ke kōkua ʻia mai, Ka poʻe i paulele i nā lio, a hilinaʻi ma nā kaʻa kaua, No ka nui o ia mau mea; A ma nā holo lio hoʻi, no ko lākou ikaika nui; ʻAʻole hoʻi e nānā aku i ka Mea Hemolele o kā ʻIseraʻela, ʻAʻole ʻimi aku ma o Iēhova lā!

KA WĀNANA A ʻISAIA 32:20

E pōmaikaʻi auaneʻi ʻoukou, ka poʻe lūlū hua ma nā wahi wai nui, Ma kahi i hoʻouna ʻia ai ka bipi kaulua a me ka hoki.

KA WĀNANA A ʻISAIA 44:3

‘No ka mea, e ninini aku au i ka wai ma luna o ka mea i make wai, A me nā waikahe ma luna o nā ʻāina maloʻo; E ninini aku au i koʻu ʻUhane ma luna o kāu pua, A me koʻu hoʻopōmaikaʻi ma luna o kāu poʻe mamo.

KA WĀNANA A ʻISAIA 45:8

¶ “E hoʻonākulukulu ʻoukou, e nā lani, mai luna mai, E hanini hoʻi nā aouli i ka pono; E hāmama hoʻi ka honua, a e hua mai i ke ola, E ulu pū mai nō me ka pono; Naʻu, na Iēhova ia i hana.

KA WĀNANA A ʻISAIA 48:18

“Inā i hoʻolohe mai ʻoe i kaʻu mau kauoha, Inā ua like kou malu me ka muliwai, A ʻo kou pono hoʻi, me nā ʻaui o ka moana;

KA WĀNANA A ʻISAIA 5:6

“E ʻānai loa nō wau ia wahi; ʻAʻole ia e paʻipaʻi ʻia, ʻaʻole hoʻi e ʻōlaʻolaʻo ʻia; Akā, e ulu nō ke kākalaioa ma laila, a me ka lāʻau kalakala; A naʻu nō e kauoha aku i nā ao, I ua ʻole mai lākou i ka ua ma luna ona.”

KA WĀNANA A ʻISAIA 54:14

“Ma ka pono nō ʻoe e hoʻokumu ʻia ai; E mamao aku ʻoe i ka hoʻokaumaha, No ka mea, ʻaʻole ʻoe e makaʻu ana; A i ka weliweli hoʻi; no ka mea, ʻaʻole ia e hoʻokokoke mai iā ʻoe.

KA WĀNANA A ʻISAIA 55:6

¶ E ʻimi ʻoukou iā Iēhova, ʻoiai ʻo ia ma kahi e loaʻa ai, E hea aku iā ia, ʻoiai ʻo ia ma kahi kokoke.

KA WĀNANA A IEREMIA 50:4

“Ia mau lā, a i kēlā manawa,” wahi a Iēhova, “e hele mai nō nā mamo a ʻIseraʻela, ʻo lākou a me nā mamo a Iuda pū, e hele nō lākou, a e uē iho i ko lākou hele ʻana; a e ʻimi iā Iēhova i ko lākou Akua.

KA WĀNANA A ʻEZEKIʻELA 34:26

“A e hoʻolilo au iā lākou, a me nā wahi e hoʻopuni ana i kuʻu puʻu e hoʻomaikaʻi ana; a e hoʻohāʻule au i ka ua i kona manawa, a he mau ua auaneʻi o ka hoʻomaikaʻi ʻana.

HOSEA 12:6

No laila, e huli ʻoe i kou Akua; E mālama i ke aloha, a me ka ʻōlelo hoʻopono, A e hilinaʻi mau ma luna o kou Akua.

HOSEA 14:1

¶ E kā ʻIseraʻela, e huli mai ʻoe iā Iēhova kou Akua; No ka mea, ua hāʻule ʻoe ma kou hewa iho.

HOSEA 6:3

“A laila e ʻike kākou, ke hahai kākou e ʻike iā Iēhova; Ua mākaukau kona hele ʻana aku, e like me ka wanaʻao; A e hele mai ia iā kākou e like me ka ua; E like me ke kuāua mua, a me ke kuāua hope ma luna o ka honua.”

HOSEA 8:7

No ka mea, ua lūlū lākou i ka makani, A e ʻohi auaneʻi lākou i ka puahiohio; ʻAʻohe kino o ka ʻai e kū ana; ʻAʻole hoʻi e hua mai ka ʻōpuʻu i ka huapalaoa: Inā paha e hua mai, na ka poʻe malihini e hoʻopau ia mea.

ʻAMOSA 5:15

E inaina i ka hewa, a e aloha i ka maikaʻi, A e hoʻokūpaʻa ʻoukou i ka hoʻopono ma ka puka pā; Malia paha e aloha mai ʻo Iēhova, ke Akua o nā kaua, i ke koena o kā Iosepa.

ʻAMOSA 5:4

¶ No ka mea, ke ʻōlelo mai nei ʻo Iēhova pēnēia i ka hale o kā ʻIseraʻela, “E ʻimi ʻoukou iaʻu, a e ola ʻoukou.

ʻAMOSA 5:6

“E ʻimi ʻoukou iā Iēhova, a e ola ʻoukou; O lele mai ia, me he ahi lā, ma ka hale o Iosepa, A e hoʻopau aku ia, ʻAʻohe mea nāna ia e kinai ma Betela.

ʻAMOSA 5:8

¶ E ʻimi i ka mea nāna i hana iā Peleiade a me ʻOriona, A hoʻolilo i ka malu o ka make i mālamalama, A hoʻopouli i ke ao a lilo i pō; Ka Mea e hoʻopiʻi ana i nā wai o ka moana, A ninini iho iā lākou ma luna o ka ʻili o ka honua: ʻO Iēhova kona inoa.

KA ʻEUANELIO I KĀKAU ʻIA AI E LUKA 13:24

“E hoʻoikaika iā ʻoukou e komo i ka ʻīpuka pilikia; no ka mea, ke haʻi aku nei au iā ʻoukou, he nui nō ka poʻe e ʻimi ana e komo, ʻaʻole nō e hiki.

NĀ ʻOIHANA A KA POʻE LUNAʻŌLELO 2:18

‘A i kēlā mau lā, ninini aku nō hoʻi au i koʻu ʻUhane Ma luna iho o kaʻu poʻe kauā kāne a me kaʻu poʻe kauā wahine»; A e wānana aʻe lākou.

ʻO KA ʻEPISETOLE LUA A PAULO KA LUNAʻŌLELO I KO KORINETO 9:10

A ʻo ka Mea nāna e hāʻawi mai i ka hua na ka mea lūlū, a me ka ʻai e ʻai ai, e hāʻawi mai nō ia, a e hoʻonui hoʻi i kā ʻoukou hua i lūlū ʻia, me ka hoʻomāhuahua i nā hua o ko ʻoukou pono;

ʻO KA ʻEPISETOLE HOʻOLAHA A IAKOBO 3:18

A ʻo ka hua o ka pono ua lūlū ʻia me ke kuʻikahi e ka poʻe e hana ana ma ke kuʻikahi.