HOSEA 1:7 - Ka Baibala Hemolele

⁷ “Akā, e aloha aku au i ko ka hale o kā Iuda, a e hoʻōla aku au iā lākou ma o Iēhova lā ko lākou Akua; ʻaʻole au e hoʻōla iā lākou ma ke kīkoʻo, a me ka pahi kaua; ʻaʻole ma ke kaua, ʻaʻole hoʻi ma nā lio, a ma nā hoʻoholo lio.”

HOSEA 1:7 Iomraidhean Croise

KA BUKE ʻALUA NO NĀ ALIʻI 19:29

¶ ‘ʻO kēia ka hōʻailona iā ʻoe, e ʻai ʻoukou i kēia makahiki i ka ʻai ulu wale, a ia makahiki aku i ka mea ulu wale; a i ke kolu o ka makahiki e lūlū ʻoukou, a e hōʻiliʻili, a e kanu i nā māla waina, a e ʻai i kona hua.

KA BUKE ʻALUA NO NĀ ALIʻI 19:34

‘No ka mea, e mālama nō wau i kēia kūlanakauhale e hoʻōla nō iā ia noʻu, a no Dāvida kaʻu kauā.’”

KA BUKE ʻALUA NO NĀ ALIʻI 19:35

¶ A ia pō iho, hele akula ka ʻānela o Iēhova, a luku akula, ma kahi hoʻomoana o ko ʻAsuria, i hoʻokahi haneri a me kanawalukumamālima tausani; a ala aʻela lākou i kakahiaka nui, aia hoʻi, he poʻe kupapaʻu make lākou a pau.

KA BUKE ʻALUA NO NĀ ALIʻI 6:18

A iho mai lākou i ona lā, pule akula ʻo ʻElisai iā Iēhova, ʻī akula, “Ke noi aku nei au iā ʻoe, e hahau mai ʻoe i kēia poʻe kānaka i ka makapō.” A hahau maila ia iā lākou i ka makapō, e like me ka ʻōlelo a ʻElisai.

KA BUKE O NĀ HALELŪ 33:16

ʻAʻole aliʻi i ola i ka lehulehu o ka poʻe kaua; ʻAʻole ke kanaka ikaika i hoʻōla ʻia e ka ikaika nui.

KA BUKE O NĀ HALELŪ 44:7

Akā, nāu nō mākou i hoʻopakele i ko mākou poʻe ʻenemi, A ua hoʻohoka ʻoe i ka poʻe i inaina mai iā mākou.

KA BUKE ʻALUA A MOSE, I KAPA ʻIA PUKA ʻANA 14:13

ʻŌlelo akula ʻo Mose i nā kānaka, “Mai makaʻu ʻoukou, e kū mālie ʻoukou, a e nānā aku i ka hoʻōla ʻana o Iēhova, i ka mea āna e hōʻike mai ai iā ʻoukou i kēia lā; no ka mea, ʻo ko ʻAigupita a ʻoukou i ʻike ai i kēia lā, ʻaʻole ʻoukou e ʻike hou iā lākou, ma hope mau loa aku.

KA BUKE ʻALUA A MOSE, I KAPA ʻIA PUKA ʻANA 14:30

Pēlā i hoʻōla mai ai ʻo Iēhova i kā ʻIseraʻela ia lā, mai ka lima o ko ʻAigupita mai; a ʻike akula kā ʻIseraʻela i ko ʻAigupita ma luna o kahakai, ua make.

KA WĀNANA A ʻISAIA 12:2

“Aia hoʻi, ʻo ke Akua koʻu ola, E hoʻolana wau, ʻaʻole au e makaʻu; ‘No ka mea, ʻo ka Haku, ʻo IĒHOVA koʻu ikaika a me kuʻu ʻoli, Ua lilo mai ia i ola noʻu.’”

KA WĀNANA A ʻISAIA 30:18

¶ No laila, e kakali nō ʻo Iēhova, i lokomaikai ʻo ia iā ʻoukou, No laila, e hiʻilani ʻia ʻo ia, ma ka hana maikaʻi aku iā ʻoukou; No ka mea, he Akua hoʻoponopono ʻo Iēhova; Pōmaikaʻi ka poʻe a pau i hilinaʻi aku iā ia.

KA WĀNANA A ʻISAIA 49:6

ʻĪ maila ia, “He mea ʻuʻuku ia e lilo ʻoe i Kauā naʻu, E hoʻokū mai i nā ʻohana o kā Iakoba, A e hoʻihoʻi i ka poʻe i mālama ʻia o kā ʻIseraʻela; E hāʻawi nō hoʻi au iā ʻoe i mālamalama no ko nā ʻāina ʻē, I lilo ʻoe i mea hoʻōla aku noʻu, ma nā kūkulu o ka honua.”

KA WĀNANA A ʻISAIA 7:14

“No laila, na ka Haku ponoʻī nō e hāʻawi mai iā ʻoukou i hōʻailona; aia hoʻi! E hāpai ana nō kekahi wahine puʻupaʻa, a e hānau mai hoʻi ia i keiki, a e kapa aku nō ʻo ia i kona inoa, ʻo ʻImanuʻela.

KA WĀNANA A IEREMIA 25:5

“ʻĪ maila lākou, ‘E huli hou kēlā mea kēia mea, mai kona ʻaoʻao hewa mai, a mai ka hewa mai o kā ʻoukou hana ʻana, a e noho hoʻi i ka ʻāina a Iēhova i hāʻawi mai ai iā ʻoukou, a i ko ʻoukou poʻe mākua, a hiki a kau, a hiki loa aku.

KA WĀNANA A IEREMIA 25:6

‘A mai hele hoʻi ma muli o nā akua ʻē, e mālama iā lākou, a e hoʻomana iā lākou; a mai hoʻonāukiuki mai ʻoukou iaʻu i nā hana a ko ʻoukou mau lima; a laila, ʻaʻole au e hana ʻino iā ʻoukou.’

KA WĀNANA A IEREMIA 33:26

a laila, e hōʻole nō wau i ka pua a Iakoba, a me Dāvida kaʻu kauā, ʻaʻole hoʻi e lawe i kāna mamo i aliʻi ma luna o ka pua a ʻAberahama, a me ʻIsaʻaka, a me Iakoba; no ka mea, e hoʻihoʻi nō wau i ko lākou pio ʻana, a e lokomaikaʻi aku nō hoʻi au iā lākou.’”

HOSEA 1:8

A i ka wā i ukuhi aku ai ʻo ia iā Lo-Ruhama, hāpai aʻela ʻo ia, a hānau mai he keiki kāne.

HOSEA 11:12

¶ Ke hoʻopuni nei ʻo ʻEperaima iaʻu me ka hoʻopunipuni, A ʻo ka hale o kā ʻIseraʻela me ka wahaheʻe; Akā, ʻo kā Iuda, ke hoʻoaliʻi nei ʻo ia me ke Akua, A ke kūpaʻa nei ʻo ia me ka poʻe pono.

ZEKARIA 4:6

A laila ʻōlelo maila kēlā, ʻī maila iaʻu, penei, “ʻO kēia ka ʻōlelo a Iēhova iā Zerubabela, i ka ʻī ʻana, ‘ʻAʻole ma ka mana, ʻaʻole ma ka ikaika; akā, ma kuʻu ʻUhane,’ wahi a Iēhova o nā kaua.

KA BUKE MUA A SAMUʻELA 17:47

“A e ʻike kēia ʻaha kanaka a pau, ʻaʻole e hoʻōla mai ʻo Iēhova me ka pahi kaua, a me ka ihe; no ka mea, no Iēhova ke kaua, a e hāʻawi mai ʻo ia iā ʻoe i loko o ko mākou lima.”