HOSEA 1:11 - Ka Baibala Hemolele

¹¹ A e hoʻākoakoa ʻia mai nā mamo a Iuda, a me nā mamo a ʻIseraʻela, ma kahi hoʻokahi, A e hoʻonoho lākou i hoʻokahi aliʻi no lākou; A e piʻi aʻela lākou mai ka ʻāina mai; No ka mea, nani ka manawa o Iezereʻela.

HOSEA 1:11 Iomraidhean Croise

KA BUKE O NĀ HALELŪ 110:3

E ʻae ʻoluʻolu mai nō kou poʻe kānaka ke hiki ka lā o kou ikaika, Me ka mea nani hoʻāno, Mai ka ʻōpū mai o ka wanaʻao, Iā ʻoe ka hau o kou poʻe ʻōpiopio.

KA WĀNANA A IEREMIA 30:21

‘A no lākou iho auaneʻi ko lākou poʻe luna, A e laha aku nō ko lākou kiaʻāina mai loko aku o lākou; A e lawe mai nō wau iā ia a kokoke, A e hoʻokokoke mai nō ʻo ia iaʻu; No ka mea, ʻo wai kēia i hoʻoikaika i kona naʻau e hoʻokokoke mai iaʻu?’ wahi a Iēhova.

KA WĀNANA A IEREMIA 30:3

‘No ka mea, aia hoʻi, e hiki mai ana nā lā,’ wahi a Iēhova, ‘e hoʻihoʻi nō wau i ke pio ʻana o koʻu poʻe kānaka, ʻo kā ʻIseraʻela, a me kā Iuda,’ wahi a Iēhova; ‘a e hoʻihoʻi aku wau iā lākou i ka ʻāina aʻu i hāʻawi aku ai i ko lākou poʻe mākua, a e noho lākou ia ʻāina.’”

KA WĀNANA A IEREMIA 30:7

‘Auē! No ka mea, he lā nui ia, ʻAʻohe mea e like mea ia, ʻO ka manawa nō ia o ka pōpilikia o kā Iakoba; Akā, e hoʻōla ʻia nō ʻo ia, mai loko mai o ia.

KA WĀNANA A IEREMIA 31:33

“Akā, ʻo kēia ka berita aʻu e hana ai me ka ʻohana a ʻIseraʻela; Ma hope iho o ia mau lā,” wahi a Iēhova, “e kau nō wau i koʻu kānāwai ma loko o lākou, a e kākau iho ma ko lākou naʻau; a ʻo wau auaneʻi ko lākou Akua, a ʻo lākou hoʻi koʻu poʻe kānaka.

KA WĀNANA A IEREMIA 32:37

“Aia hoʻi, e hōʻiliʻili mai nei au iā lākou mai loko mai o nā ʻāina a pau, kahi aʻu i kipaku aku ai iā lākou i koʻu huhū, a i koʻu ukiuki, a me ka inaina nui; a e hoʻihoʻi hou mai au iā lākou i kēia wahi, a e hoʻonoho au iā lākou i ka maluhia.

KA WĀNANA A IEREMIA 50:19

‘A e lawe hou mai nō wau i kā ʻIseraʻela i kona wahi e noho ai, a e ʻai nō ia ma luna o Karemela, a me Basana, a e ana nō kona naʻau ma luna o ka mauna ʻo ʻEperaima, a me Gileada.

KA WĀNANA A ʻEZEKIʻELA 39:25

¶ No laila, ke ʻī mai nei Iēhova ka Haku, penei, “ʻĀnō, e lawe mai hoʻi au i ke pio ʻana o Iakoba, a e aloha hoʻi au i ka ʻohana a pau a ʻIseraʻela, a e lili hoʻi au no koʻu inoa hoʻāno.

HOSEA 2:1

¶ E kapa aku ʻoukou i ko ʻoukou poʻe hoahānau kāne, ʻo “ʻAmi,” a i ko ʻoukou mau hoahānau wahine, ʻo “Ruhama.”

HOSEA 3:5

Ma hope iho e huli mai nā mamo a ʻIseraʻela, a ʻimi iā Iēhova ko lākou Akua, a me Dāvida ko lākou aliʻi; a e makaʻu lākou iā Iēhova, a me kona lokomaikaʻi i nā lā ma hope.

ʻO KA ʻEPISETOLE A PAULO KA LUNAʻŌLELO I KO ROMA 11:15

No ka mea, inā ʻo ka hemo ʻana o lākou ka mea e hoʻomaluhia ai ke ao nei, he aha hoʻi ka loaʻa hou ʻana mai o lākou, ʻaʻole anei ia ʻo ke ola mai ka make mai?