HOSEA 1:10 - Ka Baibala Hemolele

¹⁰ ¶ Akā, e like auaneʻi ka lehulehu o nā mamo a ʻIseraʻela, Me ke one o ke kai, ʻAʻole e hiki ke ana ʻia, ʻaʻole hoʻi ke helu ʻia; A ma kahi i ʻōlelo ʻia ai lākou, “ʻAʻole ʻo koʻu poʻe kānaka ʻoukou,” Ma laila e ʻōlelo ʻia ai lākou, “He poʻe keiki ʻoukou na ke Akua ola.”

HOSEA 1:10 Iomraidhean Croise

KA BUKE MUA A MOSE, I KAPA ʻIA KINOHI 13:16

“E hoʻomāhuahua aku nō wau i kāu poʻe mamo e like me ka lepo o ka honua, inā e hiki i ke kanaka ke helu i nā huna lepo o ka honua, a laila e helu ʻia kāu poʻe mamo.

KA BUKE MUA A MOSE, I KAPA ʻIA KINOHI 22:17

“E hoʻopōmaikaʻi nui aku nō au iā ʻoe, a e hoʻonui loa aku hoʻi au i kāu poʻe mamo e like me nā hōkū o ka lani, a me nā one ma kahakai; a e lilo auaneʻi i kāu poʻe mamo ka ʻīpuka o kona poʻe ʻenemi.

KA BUKE MUA A MOSE, I KAPA ʻIA KINOHI 32:12

“Ua ʻōlelo mai ʻoe, ʻE lokomaikaʻi ʻiʻo nō wau iā ʻoe, a e hoʻonui au i kāu poʻe mamo e like me ke one o ke kai, ʻaʻole e pau lākou i ka helu ʻia no ka lehulehu.’”

KA BUKE ʻALUA A SAMUʻELA 7:24

“No ka mea, ua hoʻolilo ʻoe nou i kou kanaka i kā ʻIseraʻela, i poʻe kānaka nou ma hope mau loa aku; a ʻo ʻoe, e Iēhova, ua lilo mai ʻoe i Akua no lākou.

KA WĀNANA A ʻISAIA 43:6

“E ʻōlelo aku nō au i ke kūkulu ʻākau, ‘E hāʻawi mai’; A i ke kūkulu hema hoʻi, ‘Mai ʻauʻa ʻoe’; E kaʻi mai i kaʻu mau keiki kāne, mai kahi lōʻihi mai, A me kaʻu mau kaikamāhine, mai nā kihi o ka honua;

KA WĀNANA A ʻISAIA 48:19

“Inā ua like kāu poʻe mamo me ke one, A me nā keiki o kou ʻōpū me kona ʻiliʻili; ʻAʻole hoʻi e hōʻoki ʻia kona inoa, ʻaʻole hoʻi e hoʻokā ʻia aku i mua oʻu.”

KA WĀNANA A ʻISAIA 63:16

He ʻoiaʻiʻo nō, ʻo ʻoe nō ko mākou Makua, ʻAʻole naʻe i ʻike mai ʻo ʻAberahama iā mākou, ʻAʻole hoʻomaopopo mai ʻo ʻIseraʻela iā mākou; ʻO ʻoe, ʻo Iēhova nō ko mākou Makua, a me ko mākou Hoʻōla Pānaʻi, Mai ka wā kahiko loa mai nō kou inoa.

KA WĀNANA A ʻISAIA 64:8

¶ ʻĀnō lā, ʻo ʻoe, e Iēhova, ko mākou Makua, ʻO mākou nō ka lepo, ʻo ʻoe ko mākou potera; A ʻo mākou nō a pau ka hana a kou lima.

KA WĀNANA A ʻISAIA 65:1

¶ “Ua hāliu au i kā ka poʻe nonoi ʻole mai iaʻu, Ua loaʻa nō wau i ka poʻe ʻimi ʻole iaʻu; I ko ka ʻāina i hea ʻole ʻia ma koʻu inoa, ua ʻōlelo nō au, ‘E nānā mai iaʻu, e nānā mai iaʻu.’

KA WĀNANA A ʻISAIA 66:20

“A e lawe mai nō lākou i ko ʻoukou poʻe hoahānau a pau, mai loko mai o nā ʻāina a pau, i mōhai no Iēhova, ma luna o nā lio, a ma loko o nā kaʻa kaua, a ma nā mānele, a ma nā hoki, a me nā kāmelo māmā, a i koʻu mauna hoʻāno i Ierusalema,” wahi a Iēhova; “e like me nā mamo a ʻIseraʻela i lawe mai ai i ka mōhai ma loko o ka ipu maʻemaʻe, a i ka hale o Iēhova.

KA WĀNANA A IEREMIA 33:22

‘E like hoʻi me nā hōkū o ka lani hiki ʻole ke helu, a me ke one o ke kai hiki ʻole ke ana; pēlā nō wau e hoʻonui ai i ka pua a Dāvida, a kaʻu kauā, a me nā Levi, ka poʻe lawelawe naʻu.’”

KA BUKE NO DANIʻELA 6:26

“Ke kau nei au i ʻōlelo paʻa, i haʻalulu nā kānaka ma nā ʻāina a pau o koʻu aupuni, i makaʻu hoʻi i mua o ke Akua o Daniʻela; No ka mea, ʻo ia ke Akua ola, ua paʻa mau loa ia, A ʻo kona aupuni, ʻo ia ka mea e ʻānai ʻole ʻia, A ʻo kona aliʻi ʻana, e mau loa ana ia.

HOSEA 1:9

ʻĪ maila ke Akua, “E kapa aku i kona inoa, ʻo Lo-ʻAmi; no ka mea, ʻaʻole ʻoukou he poʻe kānaka noʻu, ʻaʻole auaneʻi hoʻi au he Akua no ʻoukou.”

HOSEA 2:23

“A e kanu iho au iā ia ma ka honua; A e aloha aku au i ka mea i aloha ʻole ʻia; A e ʻōlelo aku au i ka poʻe kānaka ʻaʻole noʻu, ‘ʻO ʻoe koʻu poʻe kānaka’; A e ʻōlelo mai hoʻi lākou, ‘ʻO ʻoe ko mākou Akua!’”

KA ʻEUANELIO I KĀKAU ʻIA AI E IOANE 1:12

Akā, ʻo ka poʻe i mālama iā ia me ka manaʻoʻiʻo i kona inoa, hāʻawi maila ia i ka pono no lākou e lilo ai i poʻe keiki na ke Akua;

ʻO KA ʻEPISETOLE A PAULO KA LUNAʻŌLELO I KO ROMA 8:19

No ka mea, ke kali nei ka mea i hana ʻia me ka ʻiʻini nui i ka hōʻike ʻana mai o nā keiki a ke Akua.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:18

“A e lilo nō au i Makua no ʻoukou, A e lilo mai hoʻi ʻoukou i poʻe keiki kāne a i poʻe kaikamāhine naʻu,” Wahi a ka Haku Mana.

ʻO KA ʻEPISETOLE A PAULO KA LUNAʻŌLELO I KO HEBERA 11:12

No laila i laha mai ai mai kēlā mea hoʻokahi, a ʻo ua mea lā me he mea make lā, ka poʻe mamo «e like me nā hōkū o ka lani ka lehulehu, a me ke one ma kahakai ʻaʻole pau i ka helu ʻia».