ʻO KA ʻEPISETOLE A PAULO KA LUNAʻŌLELO I KO HEBERA 1:9 - Ka Baibala Hemolele

⁹ “Ua makemake hoʻi ʻoe i ka pono, a ua inaina i ka hewa; No laila i poni ai ke Akua, kou Akua, iā ʻoe Me ka ʻaila o ka ʻoliʻoli ma luna o kou mau hoa».”

ʻO KA ʻEPISETOLE A PAULO KA LUNAʻŌLELO I KO HEBERA 1:9 Iomraidhean Croise

KA BUKE O NĀ HALELŪ 45:7

Makemake nō ʻoe i ka pono, A hoʻowahāwahā nō ʻoe i ka hewa; No laila ke Akua, kou Akua i poni ai iā ʻoe, Ma ka ʻaila ʻoliʻoli ma luna o kou mau hoa.

KA BUKE O NĀ HALELŪ 23:5

Ke hoʻomākaukau mai nei ʻoe i ka papa ʻaina naʻu ma ke alo o koʻu mau ʻenemi; Ua kāhinu mai ʻoe i kuʻu poʻo me ka ʻaila; Ua piha a hū koʻu kīʻaha.

KA WĀNANA A ʻISAIA 61:3

A e kōkua aku i ka poʻe i ʻū ma Ziona, E hāʻawi i kāhiko ma kahi o ka lehu, A me ka manoʻi o ka ʻoliʻoli no ke kaniʻuhū ʻana; A me ka ʻaʻahu o ka hauʻoli hoʻi no ka naʻau kaumaha; I kapa ʻia lākou, He mau ʻoka no ka pono, ʻO ke kanu ʻana hoʻi a Iēhova, i hoʻonani ʻia ai ʻo ia.

ʻO KA ʻEPISETOLE A PAULO KA LUNAʻŌLELO I KO GALATIA 5:22

Akā, ʻo ka hua na ka ʻUhane, ʻo ia ke aloha, ka ʻoliʻoli, ke kuʻikahi, ke ahonui, ka lokomaikaʻi, ka maikaʻi, ka manaʻoʻiʻo,

ʻO KA ʻEPISETOLE A PAULO KA LUNAʻŌLELO I KO ROMA 15:13

Na ke Akua nona mai ka manaʻolana e hoʻopiha iā ʻoukou me ka ʻoliʻoli, a me ka malu i ka manaʻoʻiʻo ʻana, i nui ai hoʻi ko ʻoukou manaʻolana ʻana ma ka mana o ka ʻUhane Hemolele.

KA WĀNANA A ʻISAIA 61:1

¶ Eia nō ma luna oʻu ka ʻUhane o Iēhova, ka Haku, No ka mea, ua poni mai ʻo Iēhova iaʻu, E haʻi i ka ʻōlelo maikaʻi i ka poʻe hoʻohaʻahaʻa; Ua hoʻouna mai ʻo ia iaʻu e wahī i nā naʻau ʻehaʻeha, E haʻi aku i ke kuʻu ʻana no ka poʻe i pio, A me ka wehe ʻana o ka hale paʻahao no ka poʻe i paʻa;

KA ʻEUANELIO I KĀKAU ʻIA AI E LUKA 4:18

“«Ma luna iho nei oʻu ka ʻUhane o Iēhova; No ka mea, ua poni maila ʻo ia iaʻu e haʻi aku i ka ʻeuanelio i ka poʻe ʻilihune; Ua hoʻouna mai kēlā iaʻu e lapaʻau i ka poʻe ʻehaʻeha ma ka naʻau, A e haʻi aku i ka hoʻōla ʻana i ka poʻe pio, A me ka ʻike hou ʻana i ka poʻe makapō, A e hoʻokuʻu i ka poʻe i hoʻoluhi hewa ʻia,

ʻAMOSA 5:15

E inaina i ka hewa, a e aloha i ka maikaʻi, A e hoʻokūpaʻa ʻoukou i ka hoʻopono ma ka puka pā; Malia paha e aloha mai ʻo Iēhova, ke Akua o nā kaua, i ke koena o kā Iosepa.

ʻO KA ʻEPISETOLE HOʻOLAHA MUA A IOANE 1:3

ʻo ua mea lā a mākou i ʻike ʻiʻo ai a i lohe ʻiʻo ai nō hoʻi, ʻo ia kā mākou e haʻi aku nei iā ʻoukou, i lilo ʻoukou i poʻe hoaaloha me mākou; a ʻo ko mākou aloha pū ʻana, aia nō ia me ka Makua, a me kāna Keiki ʻo Iesū Kristo.

ʻO KA ʻEPISETOLE HOʻOLAHA MUA A PETERO 1:3

¶ E hoʻomaikaʻi ʻia aku ke Akua, ka Makua o ko kākou Haku ʻo Iesū Kristo, no kona lokomaikaʻi nui iho, nāna nō i hoʻohānau mai iā kākou, i lana mau loa ai ka manaʻo, ma ke ala hou ʻana o Iesū Kristo, mai ka make mai;

KA WĀNANA A ʻISAIA 61:8

No ka mea, ʻo wau ʻo Iēhova, ke makemake nei au i ka hoʻopono, Ua wahāwahā aku au i ka mea i hao ʻia, Ma ka ʻoiaʻiʻo, e hāʻawi nō wau i ka uku no kā lākou hana; A e hana nō wau i berita mau loa me lākou.

NĀ ʻŌLELO AKAMAI A SOLOMONA 8:13

“ʻO ka makaʻu iā Iēhova, ʻo ia ke inaina aku i ka hewa; ʻO ka haʻaheo, ʻo ka hoʻokiʻekiʻe, ʻo ka ʻaoʻao ʻino, ʻO ka waha ʻaʻaka, ʻo ia kaʻu i hoʻowahāwahā aku ai.

ʻO KA ʻEPISETOLE A PAULO KA LUNAʻŌLELO I KO HEBERA 7:26

¶ ʻO ia ke ʻano o ke kahuna e pono ai kākou, ka mea hemolele, hewa ʻole, maʻemaʻe wale, kaʻawale hoʻi i nā lawehala, a i hoʻokiʻekiʻe ʻia aʻe hoʻi ma luna o nā lani;

ʻO KA ʻEPISETOLE A PAULO KA LUNAʻŌLELO I KO PILIPI 2:9

No ia mea, ua hoʻokiʻekiʻe loa aʻela ke Akua iā ia, a hāʻawi akula nona i ka inoa ma luna o nā inoa a pau;

ʻO KA ʻEPISETOLE A PAULO KA LUNAʻŌLELO I KO ʻEPESO 1:3

¶ E hoʻomaikaʻi ʻia aku ke Akua, ka Makua o ko kākou Haku ʻo Iesū Kristo, nāna kākou i hoʻomaikaʻi mai ma nā mea maikaʻi a pau o ka ʻuhane i nā wahi lani ma o Kristo lā.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:9

He Akua mālama, ka Mea i hea mai iā ʻoukou, i poʻe hoa no kāna Keiki, no Iesū Kristo, ko kākou Haku.

KA ʻEUANELIO I KĀKAU ʻIA AI E IOANE 20:17

ʻĪ maila ʻo Iesū iā ia, “Mai hoʻopā mai ʻoe iaʻu; no ka mea, ʻaʻole au i piʻi aku i koʻu Makua; akā, e hele ʻoe i koʻu poʻe hoahānau, e ʻī aku iā lākou, ‘E piʻi ana au i koʻu Makua, a i ko ʻoukou Makua; a i koʻu Akua, a i ko ʻoukou Akua.’”

KA ʻEUANELIO I KĀKAU ʻIA AI E IOANE 1:41

Loaʻa mua iā ia kona kaikuaʻana iho, ʻo Simona, a ʻī akula iā ia, “Ua loaʻa iā māua ka Mesia,” ma ka hoʻohālike ʻana, ʻo Kristo ia.

KA BUKE O NĀ HALELŪ 119:128

No laila, manaʻo aʻela au i nā ʻōlelo paʻa a pau, ua pololei lākou a pau; Ua inaina nō hoʻi au i nā ʻaoʻao wahaheʻe a pau.

KA BUKE O NĀ HALELŪ 119:104

Ma kāu mau ʻōlelo aʻo, ua loaʻa iaʻu ka naʻauao; No laila, inaina aku au i nā ala wahaheʻe a pau.

KA BUKE O NĀ HALELŪ 89:20

“Ua loaʻa iaʻu ʻo Dāvida, ʻo kaʻu kauā; Ua poni aku nō au iā ia me kuʻu ʻaila laʻa.

KA BUKE O NĀ HALELŪ 33:5

Makemake nō ʻo ia i ka pono a me ka hoʻopono ʻana; Paʻapū ka honua i ka lokomaikaʻi o Iēhova.

KA HŌʻIKE ʻANA A IOANE KA HAIPULE 2:15

‘Aia nō hoʻi iā ʻoe kekahi poʻe mālama i ka manaʻo o ka poʻe Nikolaite, ka mea aʻu i hoʻowahāwahā ai.

ʻO KA ʻEPISETOLE LUA A PAULO KA LUNAʻŌLELO I KO KORINETO 11:31

ʻO ke Akua, ʻo ka Makua o ko kākou Haku ʻo Iesū Kristo, ʻo ka Mea i hoʻomaikaʻi mau loa ʻia, ua ʻike nō ʻo ia, ʻaʻole oʻu hoʻopunipuni.

ʻO KA ʻEPISETOLE A PAULO KA LUNAʻŌLELO I KO ROMA 12:9

¶ ʻO ke aloha, mai hoʻokamani ia. E hoʻowahāwahā i ka ʻino; e hoʻopili aku i ka maikaʻi.

NĀ ʻOIHANA A KA POʻE LUNAʻŌLELO 10:38

“ʻO Iesū no Nazareta, ua poni ke Akua iā ia me ka ʻUhane Hemolele, a me ka mana; nāna nō i kaʻahele e hana maikaʻi ana, a me ka hoʻōla ʻana i nā mea a pau i hoʻoluhi ʻia e ka diabolō; no ka mea, ʻo ke Akua pū kekahi me ia.

NĀ ʻOIHANA A KA POʻE LUNAʻŌLELO 4:27

“No ka mea, he ʻoiaʻiʻo nō, ua ʻākoakoa mai nei ma kēia kūlanakauhale, ʻo Herode a me Ponetio Pilato, me ko nā ʻāina ʻē, a me nā kānaka o kā ʻIseraʻela, me ke kūʻē i kāu Keiki hoʻāno iā Iesū i ka mea āu i poni ai;

KA ʻEUANELIO I KĀKAU ʻIA AI E IOANE 3:34

“No ka mea, ʻo kā ke Akua mea i hoʻouna mai ai, ʻo kā ke Akua ʻōlelo kāna e ʻōlelo ai; no ka mea, ʻaʻole ke Akua e hāʻawi liʻiliʻi mai i ka ʻUhane iā ia.

ZEKARIA 8:17

‘Mai manaʻo ʻino aku kekahi o ʻoukou i kona hoalauna ma loko o ko ʻoukou naʻau; mai makemake hoʻi i ka hōʻike wahaheʻe ʻana; no ka mea, ʻo kēia mau mea a pau kaʻu e inaina nei,’ wahi a Iēhova.”

KA BUKE O NĀ HALELŪ 89:26

“E hea mai nō ʻo ia iaʻu, ‘ʻO ʻoe nō koʻu Makua, ʻO koʻu Akua hoʻi, a me ka Pōhaku o koʻu hoʻōla ʻia.’

KA BUKE O NĀ HALELŪ 40:8

Ke hauʻoli nei au i ka hana aku i kou makemake, e koʻu Akua; ʻOiaʻiʻo, ʻo kou kānāwai hoʻi eia i loko o koʻu naʻau.”

KA BUKE O NĀ HALELŪ 37:28

No ka mea, ua makemake nō Iēhova i ka hoʻopono ʻana; ʻAʻole ia i haʻalele i kona poʻe haipule; E hoʻomalu mau loa ʻia hoʻi lākou; Akā, e ʻoki ʻia ka hua a ka poʻe hewa.

KA BUKE O NĀ HALELŪ 11:5

Ke hoʻāʻo lā ʻo Iēhova i ka mea pono, Akā, ke inaina lā kona ʻuhane i ka mea hewa, A me ka mea i makemake i ke kolohe.

KA BUKE O NĀ HALELŪ 2:6

“Ua poni aʻe nei au i kaʻu Aliʻi ma luna o Ziona, Ma luna iho o koʻu mauna hoʻāno.”

KA BUKE O NĀ HALELŪ 2:2

Ua kūʻē aku nā aliʻi o ka honua, Ua ʻōhumu pū aku nō hoʻi nā luna, Iā Iēhova, a i kona Mea i poni ʻia,

ʻO KA ʻEPISETOLE A PAULO KA LUNAʻŌLELO I KO HEBERA 2:11

No ka mea, ʻo ka Mea nāna i hoʻohuikala mai, a ʻo ka poʻe i hoʻohuikala ʻia mai; no ka mea, hoʻokahi lākou a pau; no ia mea, ʻaʻole ia i hilahila ke kapa aku iā lākou he mau hoahānau,

KA BUKE O NĀ HALELŪ 45:6

¶ ʻO kou noho aliʻi, e ke Akua, e mau loa ana nō ia; ʻO ka hōʻailona mōʻī o kou aupuni, he hōʻailona mōʻī pono nō ia.

KA ʻEUANELIO I KĀKAU ʻIA AI E IOANE 10:17

“No ia mea, ke aloha mai nei ka Makua iaʻu; no ka mea, ke hāʻawi nei au i koʻu ola, i lawe hou mai ai au ia mea.

NĀ ʻOIHANA A KA POʻE LUNAʻŌLELO 4:26

‘Kū aʻela i luna nā aliʻi o ka honua, A hoʻākoakoa nō hoʻi nā luna E kūʻē aku i ka Haku, a i kona Mesia».’

ʻO KA ʻEPISETOLE A PAULO KA LUNAʻŌLELO I KO HEBERA 2:9

Akā, ua ʻike kākou iā Iesū i ka Mea i hoʻolilo ʻia ma lalo iki iho o ka poʻe ʻānela, no ka make ʻana, i hoʻolei ʻia mai ai i ka nani a me ka mahalo; i lilo hoʻi ia i ka make no nā kānaka a pau, ma ka lokomaikaʻi o ke Akua.

KA BUKE ʻAHĀ A MOSE, I KAPA ʻIA NĀ HELU 7:43

ʻO kāna mōhai, hoʻokahi ia ipu kālā, he haneri me ke kanakolu nā sekela ma ke kaupaona ʻana, hoʻokahi bola kālā, he kanahiku nā sekela, ma ka sekela o ke keʻena kapu; ua piha ia mau mea a ʻelua i ka palaoa i kāwili ʻia me ka ʻaila, i mōhai ʻai;