ʻO KA ʻEPISETOLE A PAULO KA LUNAʻŌLELO I KO HEBERA 1:5 - Ka Baibala Hemolele

⁵ No ka mea, ʻo ka ʻānela hea kāna i ʻōlelo aku ai i kekahi manawa, “«ʻO ʻoe nō kaʻu Keiki, I kēia lā nō ua hoʻohānau aku au iā ʻoe»?” Eia hoʻi, “«E lilo au i Makua nona, A e lilo ʻo ia i Keiki naʻu»?”

ʻO KA ʻEPISETOLE A PAULO KA LUNAʻŌLELO I KO HEBERA 1:5 Iomraidhean Croise

KA BUKE ʻALUA A SAMUʻELA 7:14

“ʻO wau nō auaneʻi kona makua kāne, a e lilo hoʻi ia i keiki naʻu; a i hana ʻino kēlā, naʻu nō e paʻipaʻi aku iā ia me ka lāʻau ma ko ke kanaka, a me ka hahau ʻana ma ko nā keiki a nā kānaka.

KA BUKE MUA O KA ʻOIHANA ALIʻI 17:13

“ʻO wau auaneʻi kona makua, a e lilo ʻo ia i keiki naʻu; ʻaʻole au e lawe aku i kuʻu aloha mai ona aku, me aʻu i lawe aku ai ia mai kou mua aku.

KA BUKE MUA O KA ʻOIHANA ALIʻI 22:10

‘Nāna nō e hana ka hale no koʻu inoa, a e lilo auaneʻi ia i keiki naʻu, a ʻo wau auaneʻi kona makua, a e hoʻokūpaʻa nō wau i ka noho aliʻi o kona aupuni ma luna o kā ʻIseraʻela, a mau loa aku.’

KA BUKE MUA O KA ʻOIHANA ALIʻI 28:6

“ʻĪ maila ʻo ia iaʻu, ‘ʻO Solomona kāu keiki, ʻo ia nō ka mea nāna e hana koʻu hale a me koʻu mau pā hale; no ka mea, ua wae au iā ia i keiki naʻu, a ʻo wau auaneʻi kona makua.

KA BUKE O NĀ HALELŪ 2:7

¶ “E haʻi aku au i ke kauoha; Ua ʻōlelo maila ʻo Iēhova iaʻu, ‘ʻO ʻoe nō kaʻu Keiki; I kēia lā nō, ua hoʻohānau aku wau iā ʻoe.

NĀ ʻOIHANA A KA POʻE LUNAʻŌLELO 13:33

ʻo ia kā ke Akua i hoʻokō mai nei i kā lākou mau mamo, iā mākou, i kona hoʻāla ʻana mai iā Iesū; e like me ka mea i palapala ʻia ma ka Halelū ʻelua, ‘«ʻO ʻoe nō kaʻu Keiki, i kēia lā wau i hoʻohānau ai iā ʻoe».’

ʻO KA ʻEPISETOLE A PAULO KA LUNAʻŌLELO I KO HEBERA 5:5

Pēlā nō hoʻi ʻaʻole ʻo Kristo i hoʻonani iā ia iho e lilo i Kahuna Nui; akā, ʻo ka Mea i ʻōlelo iho iā ia, “«ʻO ʻoe nō kaʻu Keiki, I kēia lā nō, ua hoʻohānau aku au iā ʻoe»”;