ʻO KA ʻEPISETOLE A PAULO KA LUNAʻŌLELO I KO HEBERA 1:3 - Ka Baibala Hemolele

³ ʻO ia ka ʻōlinolino o kona nani, a me ka like loa o kona ʻano maoli, e hoʻomau ana i nā mea a pau ma kāna ʻōlelo mana iho, a, hoʻolilo ihola iā ia iho i mea e maʻemaʻe ai ko kākou hewa, noho ihola ia ma ka lima ʻākau o ka Mōʻī ma luna lilo;

ʻO KA ʻEPISETOLE A PAULO KA LUNAʻŌLELO I KO HEBERA 1:3 Iomraidhean Croise

KA BUKE MUA O KA ʻOIHANA ALIʻI 29:11

“Nou nō, e Iēhova, ka nui, me ka mana, a me ka nani, a me ka ʻoiaʻiʻo, a me ka hanohano aliʻi; no ka mea, nou nā mea a pau ma ka lani a ma ka honua; nou nō ke aupuni, e Iēhova, a ua kiʻekiʻe aʻe ʻoe ka poʻokela ma luna o nā mea a pau.

KA BUKE NO IOBA 37:22

“Mai ke kūkulu ʻākau ke ʻālohilohi gula i hele mai ai; Aia i ke Akua ka nani weliweli.

KA BUKE O NĀ HALELŪ 110:1

¶ ʻŌlelo maila ʻo Iēhova i kuʻu Haku, “E noho mai ʻoe ma koʻu lima ʻākau, A hoʻolilo iho ai au i kou poʻe ʻenemi I keʻehana wāwae nou.”

KA BUKE O NĀ HALELŪ 75:3

“Heheʻe ihola ka honua me ko ka honua a pau; Naʻu nō i hoʻokūpaʻa i kona mau kia. Sila.

KE KAHUNA 8:4

Ma ka ʻōlelo a ke aliʻi, aia nō ka mana; a ʻo wai lā ka mea e hiki ke ʻōlelo aku iā ia, “He aha kāu i hana ai?”

KA BUKE ʻAKOLU A MOSE, I KAPA ʻIA ʻOIHANA KAHUNA 15:15

‘A e kaumaha aku ke kahuna ia mau mea, hoʻokahi i mōhai lawehala, a i kekahi i mōhai kuni; a e hana ke kahuna i kalahala nona ma ke alo o Iēhova, no kona hilo.

MIKA 5:4

A e kū mai nō ia, e hānai ma ka ikaika o Iēhova, Ma ka mana o ka inoa ʻo Iēhova kona Akua; A e noho iho lākou; No ka mea, ʻānō e nui auaneʻi ʻo ia A hiki i nā palena o ka honua.

KA ʻEUANELIO I KĀKAU ʻIA AI E MATAIO 22:24

ʻī maila, “E ke Kumu, i ʻōlelo mai ʻo Mose, ‘«Inā e make kekahi kanaka ʻaʻohe āna keiki, e mare nō kona kaikaina i kāna wahine e hoʻāla mai i hua na kona kaikuaʻana».’

KA ʻEUANELIO I KĀKAU ʻIA AI E MAREKO 16:19

¶ A pau aʻela ka ʻōlelo ʻana a ka Haku iā lākou, a laila, lawe ʻia akula ia i luna i ka lani, a noho ihola ma ka lima ʻākau o ke Akua.

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

KA ʻEUANELIO I KĀKAU ʻIA AI E IOANE 1:29

¶ A ia lā aʻe, ʻike aʻela ʻo Ioane iā Iesū e hele mai ana i ona lā, ʻī maila, “E nānā i ke Keiki Hipa a ke Akua, nāna e lawe aku ka hala o ke ao nei!

KA ʻEUANELIO I KĀKAU ʻIA AI E IOANE 1:4

I loko ona ke ola, a ʻo ua ola lā ka mālamalama no nā kānaka.

NĀ ʻOIHANA A KA POʻE LUNAʻŌLELO 2:33

“Ua hoʻokiʻekiʻe ʻia aʻela ia e ka lima ʻākau o ke Akua, ua loaʻa nō hoʻi iā ia, na ka Makua mai, ka ʻōlelo hoʻolana o kona hāʻawi ʻana mai i ka ʻUhane Hemolele, no ia mea, ua hāʻawi nui ʻo ia i kēia mea a ʻoukou e ʻike nei, a e lohe nei.

NĀ ʻOIHANA A KA POʻE LUNAʻŌLELO 7:56

ʻī maila ia, “Aia hoʻi, ke ʻike aku nei au i nā lani e hāmama ana, a me ke Keiki a ke Kanaka e kū ana ma ka lima ʻākau o ke Akua.”

ʻO KA ʻEPISETOLE A PAULO KA LUNAʻŌLELO I KO ROMA 1:16

¶ No ka mea, ʻaʻole au i hilahila i ka ʻeuanelio no Kristo; no ka mea, ʻo ko ke Akua mana ia e ola ai, no kēlā mea, no kēia mea manaʻoʻiʻo; no kā Iudaio mua, a no kā Helene hoʻi.

ʻO KA ʻEPISETOLE A PAULO KA LUNAʻŌLELO I KO ROMA 8:34

na wai lā e hoʻāhewa mai? ʻO Kristo kai make; ʻoiaʻiʻo hoʻi, ua ala mai ʻo ia, a ua noho ma ka lima ʻākau o ke Akua, a ke ʻuao aʻela ia no kākou.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:4

Ma o lākou lā, ua hoʻomakapō mai ko kēia ao akua i nā naʻau o ka poʻe hoʻomaloka, o akāka mai auaneʻi iā lākou ka mālamalama o ka ʻeuanelio nani a Kristo; ʻo ia ko ke Akua mea like.

ʻO KA ʻEPISETOLE A PAULO KA LUNAʻŌLELO I KO KOLOSA 3:1

¶ Inā hoʻi i ala pū ʻoukou me Kristo, e ʻimi ʻoukou i nā mea ma luna, ma kahi e noho ai ʻo Kristo, ma ka lima ʻākau o ke Akua.

ʻO KA ʻEPISETOLE A PAULO IĀ TITO 2:14

ʻo ka Mea i hāʻawi mai iā ia iho no kākou, e hoʻopakele iā kākou i ka hewa a pau, a e huikala mai nona i lāhui ponoʻī e hoʻoikaika ana i nā hana maikaʻi.

ʻO KA ʻEPISETOLE A PAULO KA LUNAʻŌLELO I KO HEBERA 1:13

ʻO ka ʻānela hea kāna i ʻōlelo aku ai i kekahi manawa, “«E noho ʻoe ma koʻu lima ʻākau, A hoʻolilo iho au i kou mau ʻenemi I paepae wāwae nou»?”

ʻO KA ʻEPISETOLE A PAULO KA LUNAʻŌLELO I KO HEBERA 10:12

akā, ʻo kēia hoʻi, ma hope iho o kona kaumaha ʻana i ka mōhai hoʻokahi no ka hewa, «noho ihola ia a mau loa, ma ka lima ʻākau o ke Akua»;

ʻO KA ʻEPISETOLE A PAULO KA LUNAʻŌLELO I KO HEBERA 12:2

e nānā aku ana hoʻi iā Iesū, i ka Mea nāna i hoʻokumu, nāna hoʻi e hoʻohemolele ko kākou manaʻoʻiʻo; nāna hoʻi i hoʻomanawanui i ke keʻa me ka manaʻo ʻole i ka hilahila, no ka ʻoliʻoli i hoʻomaopopo ʻia ma mua ona, a noho iho hoʻi ma ka lima ʻākau o ka noho aliʻi o ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 4:14

¶ A, no ka loaʻa ʻana iā kākou ke Kahuna Nui, i hala aku i nā lani, ʻo Iesū, ke Keiki a ke Akua, e hoʻopaʻa kākou i ko kākou hōʻoiaʻiʻo ʻana.

ʻO KA ʻEPISETOLE A PAULO KA LUNAʻŌLELO I KO HEBERA 7:27

ʻaʻole hoʻi i kū iā ia ke kaumaha ʻana i ka mōhai i kēlā lā i kēia lā, e like me ua mau kāhuna nui lā, no ko lākou mau hewa ponoʻī ma mua, a laila no ko nā kānaka hewa; no ka mea hoʻokahi wale nō kāna hana ʻana ia mea, i kona wā i kaumaha ai iā ia iho.

ʻO KA ʻEPISETOLE A PAULO KA LUNAʻŌLELO I KO HEBERA 8:1

¶ A ʻo nā mea a mākou i ʻōlelo aʻe nei, eia ka nui; pēlā ke ʻano o ko kākou Kahuna Nui, ka Mea i hoʻonoho ʻia ma ka lima ʻākau o ka noho aliʻi o ka Mōʻī ma ka lani;

ʻO KA ʻEPISETOLE A PAULO KA LUNAʻŌLELO I KO HEBERA 9:16

A inā he kauoha hoʻoilina, e manaʻo ʻia ana ua make ka mea nāna ke kauoha i paʻa ai.

ʻO KA ʻEPISETOLE A PAULO KA LUNAʻŌLELO I KO HEBERA 9:26

Inā pēlā, inā ua make pinepine ʻo ia mai ka hoʻokumu ʻana mai o ke ao nei; akā, ʻānō, ma kēia hope o ke ao, ua hōʻike hoʻokahi mai ʻo ia iā ia iho no ka hoʻomaʻemaʻe ʻana i ka hewa ma ka mōhai ʻana iā ia iho.

ʻO KA ʻEPISETOLE HOʻOLAHA MUA A PETERO 1:21

ma ona lā ʻoukou i manaʻoʻiʻo aku ai i ke Akua, nāna i hōʻala mai iā ia mai ka make mai, a i hoʻonani aku iā ia; i manaʻoʻiʻo ai, a i lana ai hoʻi ko ʻoukou manaʻo i ke Akua.

ʻO KA ʻEPISETOLE HOʻOLAHA MUA A PETERO 3:22

ʻo ka mea i hele aku i ka lani, a ʻo ia hoʻi ia e noho lā ma ka lima ʻākau o ke Akua; a ua hoʻonoho ʻia ma lalo iho ona, nā ʻānela, a me nā mea kiʻekiʻe a me nā mea mana.

ʻO KA ʻEPISETOLE HOʻOLAHA ʻALUA A PETERO 1:16

No ka mea, ʻaʻole mākou i hahai ma muli o nā ʻōlelo wahaheʻe i ʻimi akamai ʻia, i ko mākou hōʻike ʻana aku iā ʻoukou i ka mana, a me ka hiki ʻana mai o ko kākou Haku ʻo Iesū Kristo; akā, he poʻe ʻike maka mākou i kona nani.

ʻO KA ʻEPISETOLE HOʻOLAHA ʻALUA A PETERO 1:17

No ka mea, mai ke Akua ka Makua mai, i loaʻa mai ai iā ia ka hoʻomaikaʻi, a me ka hoʻonani, i ka wā i hiki mai ai ka leo i ona lā, mai ka Nani Kupanaha Loa mai; “Eia kuʻu Keiki hiwahiwa, ua ʻoliʻoli loa au iā ia.”

ʻO KA ʻEPISETOLE HOʻOLAHA MUA A IOANE 1:7

Akā, inā i hele kākou ma ka mālamalama e like me ia e noho lā ma ka mālamalama, a laila, ua aloha pū kākou i kekahi i kekahi; a na ke koko o Iesū Kristo ʻo kāna Keiki, e huikala mai iā kākou i ko kākou hewa a pau.

ʻO KA ʻEPISETOLE HOʻOLAHA MUA A IOANE 3:5

Ua ʻike nō ʻoukou, ua hōʻikea mai ʻo ia, i lawe aʻe ia i ko kākou hewa; ʻaʻole hewa i loko ona.

ʻO KA ʻEPISETOLE HOʻOLAHA A IUDA 1:25

i ke Akua akamai hoʻokahi, ko kākou Mea e ola ai, nona nō ka hoʻonani ʻia, a me ka hanohano, a me ka ikaika, a me ka mana i kēia wā, a i ke ao pau ʻole. ʻĀmene.

KA HŌʻIKE ʻANA A IOANE KA HAIPULE 3:21

‘ʻO ka mea lanakila, e hāʻawi nō au iā ia, e noho pū me aʻu ma koʻu noho aliʻi, me aʻu i lanakila ai, a ua noho pū me koʻu Makua ma kona noho aliʻi.

KA HŌʻIKE ʻANA A IOANE KA HAIPULE 4:11

“E pono nō ʻoe, e ka Haku, ke loaʻa iā ʻoe ka nani a me ka mahalo a me ka mana; No ka mea, nāu nō i hana i nā mea a pau, A ma kou makemake nō lākou i mau ai a hana ʻia hoʻi.”