KA BUKE MUA A MOSE, I KAPA ʻIA KINOHI 6:3 - Ka Baibala Hemolele

³ ʻĪ ihola ʻo Iēhova, “ʻAʻole e noho loa ana kuʻu ʻUhane me kānaka; no ka mea, he kino nō ia; akā, ʻo kona mau lā ma kēia hope aku, he haneri makahiki ia a me ka iwakālua.”

KA BUKE MUA A MOSE, I KAPA ʻIA KINOHI 6:3 Iomraidhean Croise

KA BUKE MUA A MOSE, I KAPA ʻIA KINOHI 6:2

ʻIke aʻela nā keiki a ke Akua i nā kaikamāhine a nā kānaka, ua maikaʻi lākou; lālau akula lākou i nā mea a lākou i makemake ai i mau wāhine na lākou.

KA BUKE A NEHEMIA 9:30

“Akā, hoʻomanawanui nō ʻoe iā lākou i nā makahiki he nui nō, A aʻo pinepine aku ʻoe iā lākou me kou ʻUhane i loko o ka poʻe kāula. ʻAʻole naʻe i hāliu mai ko lākou pepeiao; No laila hāʻawi akula ʻoe iā lākou i loko o ka lima o nā lāhui kanaka o nā ʻāina.

KA BUKE O NĀ HALELŪ 78:39

No ka mea, hoʻomanaʻo ʻo ia, he palupalu lākou, He ea hele wale aku, ʻaʻole hoʻi mai.

KA BUKE O NĀ HALELŪ 90:10

ʻO nā lā o ko mākou mau makahiki, He kanahiku makahiki i loko o laila; Akā, inā nō ka ikaika he kanawalu makahiki lākou, A laila, ʻo ko lākou ikaika, he luhi wale nō ia, a me ke kaumaha; No ka mea, hōʻoki koke iā ia, a lele akula mākou.

KA WĀNANA A ʻISAIA 5:4

“He aha ka mea hou e hiki iaʻu ke hana no koʻu pā waina, I hana ʻole ʻia e aʻu i loko ona? Iaʻu i kakali ai no ka hua ʻana mai i nā hua waina, No ke aha lā ia i hua mai ai i ka haʻakea?

KA WĀNANA A ʻISAIA 57:16

“No ka mea, ʻaʻole au e paio mau loa, ʻAʻole hoʻi au e huhū aku i nā manawa a pau; O maʻule i mua oʻu ka naʻau, A me nā ʻuhane aʻu i hana ai.

KA WĀNANA A ʻISAIA 63:10

Akā, kipi nō lākou, a hōʻeha akula i kona ʻUhane Hemolele; No laila ʻo ia i huli ai i ʻenemi no lākou, A kaua mai nō hoʻi iā lākou.

KA WĀNANA A IEREMIA 11:11

No laila, ke ʻōlelo mai nei ʻo Iēhova penei, “Aia hoʻi, e lawe mai nō wau i ka hewa ma luna o lākou, i ka mea hoʻi e hiki ʻole ai iā lākou ke pakele aku; a inā kāhea mai lākou iaʻu, ʻaʻole au e hoʻolohe aku iā lākou.

KA WĀNANA A IEREMIA 11:7

‘No ka mea, ʻōlelo ikaika loa akula au i ko ʻoukou poʻe mākua, i ka lā aʻu i lawe mai ai iā lākou, mai ka ʻāina ʻo ʻAigupita mai, a hiki mai hoʻi i kēia lā, e ala ana nō i ka wanaʻao, me ka ʻōlelo ikaika aku, i ka ʻī ʻana, “E mālama i koʻu leo.”

KA BUKE ʻAHĀ A MOSE, I KAPA ʻIA NĀ HELU 11:17

“A e iho nō au i lalo, kamaʻilio pū me ʻoe i laila; a e lawe au i ko ka ʻUhane ma luna ou, a e kau aku ma luna o lākou; a e amo pū lākou me ʻoe i ke kaumaha o nā kānaka, i halihali ʻole ai ʻoe, ʻo ʻoe wale nō, ia mea.

KA ʻEUANELIO I KĀKAU ʻIA AI E IOANE 3:6

“ʻO ka mea i hānau ʻia na ke kino, he kino nō ia; a ʻo ka mea i hānau ʻia na ka ʻUhane, he ʻuhane ia.

NĀ ʻOIHANA A KA POʻE LUNAʻŌLELO 7:51

¶ “E ka poʻe ʻāʻī ʻoʻoleʻa, ka poʻe i ʻoki poepoe ʻole ʻia ma ka naʻau, a ma ka pepeiao, ua mau loa ko ʻoukou pale ʻana i ka ʻUhane Hemolele; e like me ko ʻoukou kūpuna, pēlā nō hoʻi ʻoukou nei.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:19

Mai kinai i ka ʻUhane.