KA BUKE MUA A MOSE, I KAPA ʻIA KINOHI 4:4 - Ka Baibala Hemolele

⁴ Lawe akula hoʻi ʻo ʻAbela i kekahi o nā hānau mua o kāna poʻe hipa, i nā mea momona hoʻi. A maliu maila ʻo Iēhova iā ʻAbela a me kāna mōhai;

KA BUKE MUA A MOSE, I KAPA ʻIA KINOHI 4:4 Iomraidhean Croise

KA BUKE MUA A MOSE, I KAPA ʻIA KINOHI 15:17

A napoʻo ihola ka lā, a pōʻeleʻele ihola, aia hoʻi, neʻe aʻela ka umu ahi e pūnohu ana a me ke kukui e ʻā ana ma waena o ua mau ʻāpana lā.

KA BUKE MUA A MOSE, I KAPA ʻIA KINOHI 4:3

Ma hope iho o nā lā, lawe akula ʻo Kaina i kekahi hua o ka honua i mōhai na Iēhova.

KA BUKE MUA NO NĀ ALIʻI 18:24

“A e kāhea ʻoukou ma ka inoa o ko ʻoukou mau akua, a e kāhea wau i ka inoa ʻo Iēhova; a ʻo ke Akua nāna e hāʻawi mai i ke ahi, ʻo ia ke Akua.” ʻŌlelo akula ka poʻe kānaka a pau, ʻī akula, “He pono ka ʻōlelo.”

KA BUKE MUA NO NĀ ALIʻI 18:38

A laila hāʻule maila ke ahi o Iēhova, a hoʻopau ihola i ka mōhai kuni, a me ka wahie, a me nā pōhaku, a me ka lepo, a miki aʻela hoʻi i ka wai i loko o ka ʻauwaha.

KA BUKE MUA O KA ʻOIHANA ALIʻI 21:26

A hana ihola ʻo Dāvida i kuahu no Iēhova ma laila, a kaumaha akula i nā mōhai kuni, a me nā mōhai hoʻomalu, a kāhea akula ʻo ia iā Iēhova; a maliu maila ʻo ia iā ia mai ka lani mai i ke ahi ma luna o ke kuahu mōhai kuni.

KA BUKE ʻALUA O KA ʻOIHANA ALIʻI 7:1

¶ A hoʻōki ʻo Solomona i ka pule, iho maila ke ahi, mai ka lani mai, a ʻai ihola i ka mōhai kuni, a me nā mōhai ʻē aʻe; a piha aʻela ka hale i ka nani o Iēhova.

KA BUKE O NĀ HALELŪ 20:3

E hoʻomanaʻo mai hoʻi i kāu mau mōhai a pau; A e hoʻopono mai hoʻi i kāu mōhai kuni! Sila.

KA BUKE ʻALUA A MOSE, I KAPA ʻIA PUKA ʻANA 13:12

a laila e hoʻolaʻa aʻe ʻoe no Iēhova i nā mea a pau i hānau mua, a ʻo nā hiapo a pau a nā holoholona ou; no Iēhova nō nā kāne.

NĀ ʻŌLELO AKAMAI A SOLOMONA 3:9

E hoʻonani iā Iēhova ma kou waiwai, A me nā hua mua o nā mea a pau i loaʻa ai iā ʻoe;

KE KAHUNA 4:4

¶ Ua ʻike au i nā mea luhi a pau, a me nā hana pololei a pau, aia hoʻi, no ia mau mea, ua huāhuā ʻia mai ke kanaka e kona hoalauna. He mea lapuwale kēia a me ka luhi hewa.

KA BUKE ʻAKOLU A MOSE, I KAPA ʻIA ʻOIHANA KAHUNA 9:24

Puka maila hoʻi ke ahi mai ke alo mai o Iēhova, a hoʻopau ihola i ka mōhai kuni a me ke kaikea ma luna o ke kuahu; a ʻike ka poʻe kānaka a pau ia, hoʻōho aʻela lākou a moe ihola i lalo ke alo.

KA BUKE ʻAHĀ A MOSE, I KAPA ʻIA NĀ HELU 16:15

¶ Huhū loa ihola ʻo Mose, a ʻī akula iā Iēhova, “Mai maliu mai ʻoe i kā lākou mōhai; ʻaʻole au i lawe noʻu i kekahi hoki o lākou, ʻaʻole hoʻi au i hana ʻeha aku i kekahi o lākou.”

KA BUKE ʻAHĀ A MOSE, I KAPA ʻIA NĀ HELU 16:35

Puka maila ke ahi mai o Iēhova mai, a ʻai maila i nā kānaka ʻelua haneri me kanalima, ʻo ka poʻe i mōhai aku i ka mea ʻala.

KA BUKE ʻAHĀ A MOSE, I KAPA ʻIA NĀ HELU 18:12

“ʻO kahi momona a pau o ka ʻaila, me kahi momona a pau o ka waina, a ʻo ka palaoa, ʻo nā hua mua o ia mau mea, nā mea a lākou e mōhai iho ai na Iēhova, ʻo ia mau mea kaʻu i hāʻawi aku ai nāu.

KA BUKE ʻAHĀ A MOSE, I KAPA ʻIA NĀ HELU 18:17

“Akā, ʻo ka hiapo a ka bipi, a ʻo ka hiapo a ka hipa, a ʻo ka hiapo a ke kao paha, mai pānaʻi ʻoe, ua laʻa ia mau mea; e pīpī ʻoe i ko lākou koko ma luna o ke kuahu, a e puhi i ko lākou momona i mōhai ma ke ahi, i mea ʻala ʻono no Iēhova.

ʻO KA ʻEPISETOLE A PAULO KA LUNAʻŌLELO I KO HEBERA 11:4

Ma ka manaʻoʻiʻo i kaumaha aku ai ʻo ʻAbela i ke Akua i ka mōhai maikaʻi aku i ko Kaina, ma laila hoʻi i hoʻāpono ʻia ai ʻo ia he pono, ʻo ia kā ke Akua hōʻike ʻana mai no kona ʻālana; ma laila hoʻi ke ʻōlelo nei ʻo ia ka mea i make.

ʻO KA ʻEPISETOLE A PAULO KA LUNAʻŌLELO I KO HEBERA 9:22

ʻAneʻane pau nā mea ma ke Kānāwai i ka hoʻomaʻemaʻe ʻia i ke koko; ʻaʻohe kala ʻana ke hoʻokahe ʻole ʻia ke koko.

KA HŌʻIKE ʻANA A IOANE KA HAIPULE 13:8

A e hoʻomana aku iā ia ka poʻe a pau e noho ana ma ka honua, ka poʻe ʻaʻole i kākau ʻia ko lākou inoa ma ka Buke o ke Ola a ke Keiki Hipa, ka mea i pepehi ʻia mai ka hoʻokumu ʻana mai o ka honua nei.

KA BUKE NO NĀ LUNA KĀNĀWAI 6:21

A laila, ʻō akula ka ʻānela o Iēhova i ka wēlau o ke koʻokoʻo, ma kona lima, a hoʻopā ihola i ka ʻiʻo, a me ka palaoa hū ʻole; a piʻi aʻela ke ahi, mai loko aʻe o ka pōhaku, a hoʻopau aʻela i ka ʻiʻo, a me ka palaoa hū ʻole. A laila, hele akula ka ʻānela o ka Haku, mai kona alo aku.

KA BUKE MUA A SAMUʻELA 15:22

ʻĪ akula ʻo Samuʻela, “Ua like anei ka ʻoluʻolu o Iēhova i nā mōhai kuni, a i nā ʻālana, Me ka hoʻolohe ʻana i ka leo o Iēhova? Aia hoʻi, ua ʻoi aku ka pono o ka hoʻolohe ʻana, ma mua o ka mōhai, A ʻo ka maliu ʻana, ma mua o ka momona o nā hipa kāne.