KA BUKE MUA A MOSE, I KAPA ʻIA KINOHI 2:3 - Ka Baibala Hemolele

³ Hoʻomaikaʻi maila ke Akua i ka hiku o ka lā, a hoʻāno ihola; no ka mea, hoʻomaha ihola ʻo ia ia lā i ka hana a pau a ke Akua i hana ai.

KA BUKE MUA A MOSE, I KAPA ʻIA KINOHI 2:3 Iomraidhean Croise

KA BUKE MUA A MOSE, I KAPA ʻIA KINOHI 1:31

Nānā ihola ke Akua i nā mea a pau āna i hana ai, aia hoʻi, ua maikaʻi wale nō. A ʻo ke ahiahi a me ke kakahiaka, ʻo ke ono ia o ka lā.

KA BUKE MUA A MOSE, I KAPA ʻIA KINOHI 2:2

A i ka hiku o ka lā, hoʻōki ihola ke Akua i ka hana āna i hana ai; a hoʻomaha ihola ʻo ia i kāna hana a pau āna i hana ai.

KA BUKE MUA A MOSE, I KAPA ʻIA KINOHI 2:4

¶ Eia ka moʻoʻōlelo no ka lani a me ka honua i ka wā i hana ʻia ai ia mau mea, i ka lā a Iēhova a ke Akua i hana ai i ka honua a me ka lani,

KA BUKE A NEHEMIA 9:14

“Hōʻike maila ʻoe iā lākou i kou Sābati hoʻāno, A kau akula ma luna o lākou i nā kauoha, a me nā ʻōlelo kūpaʻa, A me ke kānāwai ma ka lima o Mose kāu kauā.

KA BUKE ʻALUA A MOSE, I KAPA ʻIA PUKA ʻANA 23:12

“I nā lā ʻeono e hana ai ʻoe i kāu hana, a e hoʻomaha hoʻi i ka lā hiku; i hoʻomaha ai kāu bipi a me kou hoki, i hoʻohoʻihoʻi ʻia hoʻi ke keiki kāne a kāu kauā wahine, a me ka malihini.

KA BUKE ʻALUA A MOSE, I KAPA ʻIA PUKA ʻANA 34:21

¶ “ʻEono lā kāu e hana ai; akā, e hoʻomaha ʻoe i ka hiku o ka lā. I ka wā kanu, a i ka wā hōʻiliʻili ʻai, e hoʻomaha nō ʻoe.

NĀ ʻŌLELO AKAMAI A SOLOMONA 10:22

ʻO ka hoʻomaikaʻi o Iēhova, ʻo ia ka mea e waiwai ai, ʻAʻole hoʻi mea e ʻeha ai ka manaʻo ma laila.

KA WĀNANA A ʻEZEKIʻELA 20:12

“A ʻo koʻu mau Sābati kekahi kaʻu i hāʻawi aku ai iā lākou, i hōʻailona i waena oʻu a me lākou, i ʻike lākou ʻo wau nō Iēhova ka mea nāna lākou i hoʻāno.

KA BUKE ʻAKOLU A MOSE, I KAPA ʻIA ʻOIHANA KAHUNA 23:3

‘I nā lā ʻeono, e hana ʻia ai ka hana; akā, ʻo ka hiku o ka lā, he Sābati e hoʻomaha ai ia, he hōʻuluʻulu hoʻāno; ʻaʻole ʻoukou e hana; he Sābati ia no Iēhova ma loko o ko ʻoukou mau hale a pau.

KA ʻEUANELIO I KĀKAU ʻIA AI E MAREKO 2:27

ʻĪ maila ia iā lākou, “Ua hana ʻia ka lā Sābati no ke kanaka, ʻaʻole ke kanaka no ka Sābati.

KA ʻEUANELIO I KĀKAU ʻIA AI E LUKA 23:56

Hoʻi maila lākou, a hoʻomākaukau i nā mea ʻala, a me ka hinu; a hoʻomaha ihola i ka lā Sābati, ma muli o ke kauoha.