KA BUKE MUA A MOSE, I KAPA ʻIA KINOHI 2:1 - Ka Baibala Hemolele

¹ ¶ Pēlā i paʻa ai ka lani a me ka honua i ka hana ʻia, a me ko laila poʻe mea a pau.

KA BUKE MUA A MOSE, I KAPA ʻIA KINOHI 2:1 Iomraidhean Croise

KA BUKE MUA A MOSE, I KAPA ʻIA KINOHI 1:1

¶ I kinohi hana ke Akua i ka lani a me ka honua.

KA BUKE MUA A MOSE, I KAPA ʻIA KINOHI 1:10

Kapa ihola ke Akua i kahi maloʻo, he ʻĀina; a kapa ihola ʻo ia i nā wai i hui pū ʻia ai, ʻo nā Moana; a nānā aʻela ke Akua, ua maikaʻi.

KA BUKE MUA A MOSE, I KAPA ʻIA KINOHI 2:4

¶ Eia ka moʻoʻōlelo no ka lani a me ka honua i ka wā i hana ʻia ai ia mau mea, i ka lā a Iēhova a ke Akua i hana ai i ka honua a me ka lani,

KA BUKE ʻALUA NO NĀ ALIʻI 19:15

Pule akula ʻo Hezekia i mua o Iēhova, ʻī akula, “E Iēhova ke Akua o kā ʻIseraʻela, ka mea e noho ana ma luna o nā keruba, ʻo ʻoe nō ke Akua, ʻo ʻoe wale nō, o nā aupuni a pau o ka honua; ʻo ʻoe kai hana i ka lani a me ka honua.

KA BUKE ʻALUA O KA ʻOIHANA ALIʻI 2:12

ʻŌlelo mai hoʻi ʻo Hurama, “E hoʻomaikaʻi ʻia ʻo Iēhova ke Akua o kā ʻIseraʻela, ka Mea nāna i hana ka lani a me ka honua, no kona hāʻawi ʻana mai iā Dāvida i ke aliʻi, i keiki naʻauao, ʻike, a akamai, i kūkulu ia i hale no Iēhova, a i hale hoʻi no kona aupuni!

KA BUKE A NEHEMIA 9:6

“ʻO ʻoe nō ʻo Iēhova, a ʻo ʻoe wale nō; Nāu nō i hana ka lani, A me ka lani o nā lani, a me ko laila mau mea a pau, I ka honua, a me nā mea a pau ma luna iho ona, I nā kai, a me nā mea a pau i loko o laila, Nāu nō hoʻi e mālama ia mau mea a pau; A ke hoʻomana nei ko ka lani iā ʻoe.

KA BUKE NO IOBA 12:9

ʻO wai lā ka mea ʻike ʻole i kēia mau mea a pau, Na ka lima o Iēhova i hana kēia?

KA BUKE O NĀ HALELŪ 104:2

Ua uhi ʻia nō ʻoe i ka mālamalama me he kapa lā, Ua hohola nō ʻoe i nā lani me he pākū lā.

KA BUKE O NĀ HALELŪ 146:6

Ka Mea nāna i hana ka lani a me ka honua, Ka moana hoʻi, a me nā mea a pau i loko ona, Ka Mea i mālama mau loa mai i ka ʻoiaʻiʻo;

KA BUKE O NĀ HALELŪ 33:6

¶ Ma ka ʻōlelo a Iēhova i hana ʻia ai nā lani; ʻO ko laila lehulehu nō hoʻi ma ka hā ʻana o kona waha.

KA BUKE O NĀ HALELŪ 33:9

No ka mea, ʻī ihola ia, a ʻo ka hana ʻia nō ia; Kauoha ihola ia, a ʻo ke kū paʻa maila nō ia.

KA BUKE ʻALUA A MOSE, I KAPA ʻIA PUKA ʻANA 20:11

“No ka mea, i nā lā ʻeono i hana ai ʻo Iēhova i nā lani, a me ka honua, a me ke kai, a me nā mea a pau ma loko o ia mau mea, a i ka hiku o ka lā i hoʻomaha ai; no laila hoʻi i hoʻomaikaʻi ai ʻo Iēhova i ka lā Sābati, a hoʻāno ai hoʻi ʻo ia ia lā.

KA BUKE ʻALUA A MOSE, I KAPA ʻIA PUKA ʻANA 31:17

‘He hōʻailona mau loa ia ma waena oʻu a me nā mamo a ʻIseraʻela; no ka mea, i nā lā ʻeono i hana ai ʻo Iēhova i ka lani, a me ka honua, a i ka hiku o ka lā, hoʻomaha ʻo ia, a ʻoluʻolu ihola.’”

KA WĀNANA A ʻISAIA 34:4

E hoʻokiʻi loa aku nō nā mea a pau o ka lani, A e ʻōwili pū ʻia nā lani me he pepa lā; E hāʻule nō ko laila mau mea a pau i lalo, E like me ka hāʻule ʻana o ka lau o ke kumu waina, E like hoʻi me ka hāʻule ʻana o ka hua mimino o ka lāʻau fiku.

KA WĀNANA A ʻISAIA 42:5

¶ Ke ʻī mai nei ke Akua, ʻo Iēhova, penei, Ka Mea nāna i hana nā lani, a hohola aʻela iā lākou; Ka Mea i hoʻopālahalaha aʻe i ka honua, a me kona mau mea ulu; Ka Mea hāʻawi i ka hanu no nā kānaka ma luna ona, A me ke ea hoʻi i ka poʻe e hele ana ma luna ona;

KA WĀNANA A ʻISAIA 45:12

“Naʻu nō i hana ka honua nei, A hana nō hoʻi au i nā kānaka ma luna iho; Na kuʻu mau lima nō i hohola aku i nā lani, A naʻu hoʻi i kauoha aku i ko lākou lehulehu a pau.

KA WĀNANA A ʻISAIA 45:18

¶ No ka mea, penei ka ʻōlelo ʻana mai a Iēhova, Ka Mea nāna i hana nā lani; ʻO ia ke Akua, ka Mea nāna i hana ka honua, a kūkulu hoʻi, Ka mea nāna ia i hoʻopaʻa, ʻaʻole hoʻi ia i hana makehewa ia mea, Hana nō ʻo ia ia i wahi e noho ʻia ai; “ʻO wau nō Iēhova, ʻaʻohe mea ʻē aʻe.

KA WĀNANA A ʻISAIA 48:13

“ʻO ia, na koʻu lima nō i hoʻokumu i ka honua, Na kuʻu lima ʻākau nō i hoʻopālahalaha i nā lani, Hea aku nō au iā lākou, a kū pū maila nō lākou.

KA WĀNANA A ʻISAIA 55:9

“No ka mea, e like me ke kiʻekiʻe o nā lani ma luna o ka honua, Pēlā nō ke kiʻekiʻe o koʻu mau ʻaoʻao ma luna o ko ʻoukou mau ʻaoʻao, A me koʻu mau manaʻo, ma luna o ko ʻoukou mau manaʻo.

KA WĀNANA A ʻISAIA 65:17

¶ “No ka mea, aia hoʻi, e hana ana au i lani hou, a i honua hou, ʻAʻole hoʻi e hoʻomanaʻo hou ʻia ua mau mea kahiko lā, ʻAʻole nō e komo i loko o ka manaʻo.

KA WĀNANA A IEREMIA 10:12

¶ Ua hana nō ʻo ia i ka honua i kona mana, A ua hoʻokumu hoʻi i ke ao nei i kona akamai, A ua hoʻopālahalaha aʻe i nā lani i kona naʻauao.

KA WĀNANA A IEREMIA 10:16

ʻAʻole i like ka Hoʻoilina o Iakoba me lākou; No ka mea, nāna nō i hana nā mea a pau; A ʻo kā ʻIseraʻela hoʻi ke koʻokoʻo o kona hoʻoilina; ʻO Iēhova o nā kaua kona inoa.

KA WĀNANA A IEREMIA 8:2

“A e kaulaʻi nō hoʻi lākou ia mau mea i ka lā, a i ka mahina, a i nā hōkū a pau o ka lani, i nā mea a lākou i makemake ai, a i hoʻokauā ai hoʻi na lākou, a i hahai ma muli o lākou, a i ʻimi iā lākou, a i hoʻomana iā lākou; ʻaʻole e hōʻiliʻili ʻia ia mau iwi, ʻaʻole hoʻi e kanu hou ʻia; e lilo lākou i mea kīpulu ma luna o ka honua.

ZEKARIA 12:1

¶ Ka wānana o ka ʻōlelo a Iēhova no kā ʻIseraʻela, wahi a Iēhova, ka Mea nāna e hohola aʻe i nā lani, a me ka hoʻokumu iho i ka honua, a i hana hoʻi i ka ʻuhane o ke kanaka ma loko ona,

KA ʻEUANELIO I KĀKAU ʻIA AI E LUKA 2:13

A ʻemo ʻole maila ka lehulehu o ka pūʻali o ka lani me ua ʻānela lā, e hoʻoleʻa ana i ke Akua, e ʻōlelo ana,

NĀ ʻOIHANA A KA POʻE LUNAʻŌLELO 4:24

A lohe maila lākou, hoʻokiʻekiʻe lōkahi aʻela ko lākou leo i ke Akua, ʻī akula, “E ka Haku, ʻo ʻoe nō ke Akua «nāna i hana ka lani, a me ka honua, a me ke kai», a me nā mea a pau o loko.

NĀ ʻOIHANA A KA POʻE LUNAʻŌLELO 7:42

“A laila huli akula ke Akua, a kuʻu maila iā lākou e hoʻomana aku i ka pūʻali o ka lani; e like me ka mea i palapala ʻia ma loko o ka buke a ka poʻe Kāula, ‘«E ka ʻohana a ʻIseraʻela ē, ua lawe mai anei ʻoukou naʻu i nā mea i pepehi ʻia, a me nā mōhai, i nā makahiki hoʻokahi kanahā ma ka wao nahele?

KA BUKE ʻALIMA A MOSE, I KAPA ʻIA KĀNĀWAI LUA 17:3

a ua hele aku ia, a ua mālama aku i nā akua ʻē, a ua hoʻomana aku iā lākou, i ka lā paha, i ka mahina paha, a i kekahi paha o ko ka lani mau mea, aʻu i kauoha ʻole aku ai;

KA BUKE ʻALIMA A MOSE, I KAPA ʻIA KĀNĀWAI LUA 4:19

“A o leha aʻe auaneʻi kou maka ma ka lani, a ʻike aku ʻoe i ka lā, a me ka mahina, a me nā hōkū, i nā mea a pau o ka lani, a e koi ʻia ʻoe e hoʻomana aku ia mau mea, a e mālama iā lākou, i nā mea a Iēhova kou Akua i hana ai no nā lāhui kanaka a pau ma lalo aʻe o ka lani.

ʻO KA ʻEPISETOLE A PAULO KA LUNAʻŌLELO I KO HEBERA 4:3

Akā hoʻi, ʻo kākou ka poʻe manaʻoʻiʻo ke komo i loko o kahi maha, me ia kāna ʻōlelo ʻana, “«Pēlā hoʻi au i koʻu huhū i hoʻohiki ai, ʻAʻole lākou e komo i loko o koʻu wahi maha»;” ʻo ia hoʻi, i ka pau ʻana o nā hana ma hope iho o ka hoʻokumu ʻana o ke ao nei.