KA BUKE MUA A MOSE, I KAPA ʻIA KINOHI 10:2 - Ka Baibala Hemolele

² ¶ ʻO nā keiki kāne a Iapeta: ʻo Gomera, ʻo Magoga, ʻo Madai, ʻo Iavana, ʻo Tubala, ʻo Meseka, a ʻo Tirasa.

KA BUKE MUA A MOSE, I KAPA ʻIA KINOHI 10:2 Iomraidhean Croise

KA BUKE MUA A MOSE, I KAPA ʻIA KINOHI 10:1

¶ Eia ka moʻoʻōlelo no nā keiki kāne a Noa: ʻo Sema, ʻo Hama, a ʻo Iapeta; ua hānau na lākou nā keiki kāne ma hope o ke kai a Kahinaliʻi.

KA BUKE MUA A MOSE, I KAPA ʻIA KINOHI 10:21

¶ Na Sema hoʻi, na ka makua kāne o ka poʻe keiki a pau a ʻEbera, na ke kaikaina a Iapeta ka hoahānau mua, ua hānau nō hoʻi nā keiki nāna.

KA BUKE MUA A MOSE, I KAPA ʻIA KINOHI 9:27

“E hoʻomāhuahua auaneʻi ke Akua iā Iapeta, A e noho nō auaneʻi ia ma nā halelewa o Sema; A ʻo Kanaʻana kāna kauā.”

KA BUKE ʻALUA NO NĀ ALIʻI 17:6

I ka makahiki ʻeiwa o Hosea, hoʻopio akula ke aliʻi o ʻAsuria iā Samaria, a lawe pio akula i kā ʻIseraʻela i ʻAsuria, a hoʻonoho ihola iā lākou ma Hala, a ma Habora ma ka Muliwai o Gozana, a ma nā kūlanakauhale o ko Media.

KA BUKE O NĀ HALELŪ 120:5

¶ Auē hoʻi au i koʻu noho malihini ʻana ma Meseka, I koʻu noho ʻana hoʻi ma nā halelewa o Kedara!

KA WĀNANA A ʻISAIA 66:19

“A e kau nō wau i ka ʻōuli no lākou, a ʻo ka poʻe o lākou e pakele, e hoʻouna aku au iā lākou i nā ʻāina ʻē, i Taresisa, i Pula, a i Luda, nā mea i lena i ke kakaka; i Tubala hoʻi, a i Iavana, a i nā ʻāina lōʻihi ʻē aku, ka poʻe i lohe ʻole i kuʻu kaulana, ʻaʻole hoʻi i ʻike i koʻu nani; a na lākou nō e haʻi i koʻu nani i waena o ko nā ʻāina ʻē.

KA WĀNANA A ʻEZEKIʻELA 27:19

“ʻO Dana a me Iavana mai ʻUzala mai kekahi kālepa ma kou mau wahi i kālepa ai; ʻo ka hao huali, a me ke kāsia, a me ke kalamo kai loko o kou mau wahi i kālepa ai.

KA WĀNANA A ʻEZEKIʻELA 27:7

“ʻO ke olonā makaliʻi i hoʻōniʻoniʻo ʻia mai ʻAigupita mai, ʻo ia kāu mea i kau ai i peʻa nou; ʻO ka poni uliuli a me ka mākuʻe mai nā moku o ʻElisa, ʻo ia ka mea i uhi mai iā ʻoe.

KA WĀNANA A ʻEZEKIʻELA 32:26

¶ “Ma laila ʻo Meseka, a me Tubala, a me kona lehulehu a pau, ua puni ʻo ia i kona mau lua kupapaʻu; ua ʻoki poepoe ʻole ʻia lākou a pau, ua pepehi ʻia lākou i ka pahi kaua, ua hāʻawi lākou i ko lākou mea makaʻu ma ka ʻāina o ka poʻe ola.

KA WĀNANA A ʻEZEKIʻELA 38:15

“A e hele mai ʻoe mai kou wahi mai, mai loko mai o nā wahi kūkulu ʻākau, ʻo ʻoe a me nā kānaka he nui me ʻoe, e holo ana lākou a pau ma luna o nā lio, he lehulehu loa, he poʻe koa ikaika.

KA WĀNANA A ʻEZEKIʻELA 38:2

“E ke keiki a ke kanaka, e hoʻokūʻē ʻoe i kou maka iā Goga, i ka ʻāina ʻo Magoga, i ka mōʻī nui o Meseka a me Tubala, a e wānana kūʻē iā ia.

KA WĀNANA A ʻEZEKIʻELA 38:6

ʻo Gomera a me kona mau poʻe a pau; ka ʻohana a Togarema, a no nā wahi kūkulu ʻākau, a me kona mau poʻe a pau; a me nā kānaka he nui nō me ʻoe.

KA WĀNANA A ʻEZEKIʻELA 39:1

¶ “No laila, e ke keiki a ke kanaka, e wānana kūʻē ʻoe iā Goga, a e ʻōlelo aku, ‘Ke ʻī mai nei Iēhova ka Haku, penei, “Eia hoʻi, ke kūʻē nei au iā ʻoe, e Goga, ka mōʻī nui o Meseka a me Tubala;

KA HŌʻIKE ʻANA A IOANE KA HAIPULE 20:8

a e hele hou ia e hoʻowalewale i ko nā ʻāina, ma nā kihi ʻehā o ka honua, iā Goga a me Magoga, e hoʻākoakoa iā lākou i ke kaua; a ua like ka nui o lākou me ke one o ke kai.