KA BUKE MUA A MOSE, I KAPA ʻIA KINOHI 1:4 - Ka Baibala Hemolele

⁴ Nānā aʻela ke Akua i ka mālamalama, ua maikaʻi; a hoʻokaʻawale aʻela ke Akua ma waena o ka mālamalama a me ka pouli.

KA BUKE MUA A MOSE, I KAPA ʻIA KINOHI 1:4 Iomraidhean Croise

KA BUKE MUA A MOSE, I KAPA ʻIA KINOHI 1:10

Kapa ihola ke Akua i kahi maloʻo, he ʻĀina; a kapa ihola ʻo ia i nā wai i hui pū ʻia ai, ʻo nā Moana; a nānā aʻela ke Akua, ua maikaʻi.

KA BUKE MUA A MOSE, I KAPA ʻIA KINOHI 1:12

A hoʻoulu maila ka honua i ka mauʻu, a me ka lau nahele e hua ana i ka hua ma kona ʻano iho, a me ka lāʻau e hua ana i ka hua, i loko ona kona hua ma kona ʻano iho; nānā ihola hoʻi ke Akua, ua maikaʻi.

KA BUKE MUA A MOSE, I KAPA ʻIA KINOHI 1:18

E hoʻoaliʻi hoʻi ma luna o ke ao a me ka pō, a e hoʻokaʻawale aʻe i ka mālamalama a me ka pouli; a nānā ihola ke Akua, ua maikaʻi.

KA BUKE MUA A MOSE, I KAPA ʻIA KINOHI 1:25

Hana ihola ke Akua i ka holoholona hihiu ma kona ʻano iho, me nā holoholona laka ma ko lākou ʻano iho, a me nā mea kolo a pau o ka honua ma ko lākou ʻano iho; a nānā ihola ke Akua, ua maikaʻi.

KA BUKE MUA A MOSE, I KAPA ʻIA KINOHI 1:31

Nānā ihola ke Akua i nā mea a pau āna i hana ai, aia hoʻi, ua maikaʻi wale nō. A ʻo ke ahiahi a me ke kakahiaka, ʻo ke ono ia o ka lā.

KA BUKE O NĀ HALELŪ 145:10

E mililani aku kāu mau hana a pau iā ʻoe, e Iēhova, A e hoʻomaikaʻi aku kou poʻe haipule iā ʻoe.

KA BUKE O NĀ HALELŪ 145:9

He maikaʻi nō ʻo Iēhova i nā mea a pau; A aia hoʻi kona lokomaikaʻi ma luna o kāna mau hana a pau.

KE KAHUNA 11:7

¶ ʻO ia hoʻi, ua ʻoluʻolu ka mālamalama, a he mea maikaʻi nō hoʻi i nā maka ke ʻike i ka lā.

KE KAHUNA 2:13

A laila, ʻike ihola au, ua ʻoi aku ka naʻauao ma mua o ka naʻaupō, me he mālamalama lā ma mua o ka pouli.

KA WĀNANA A ʻISAIA 45:7

“Ka Mea nāna i hana ka mālamalama, A nāna hoʻi i hana ka pouli, Nāna i hana ka pōmaikaʻi, Nāna hoʻi i hana ka pōʻino, ʻO wau nō Iēhova, ka Mea nāna e hana kēia mau mea a pau.