KA BUKE MUA A MOSE, I KAPA ʻIA KINOHI 1:2 - Ka Baibala Hemolele

² He ʻano ʻole ka honua, ua ʻōlohelohe; a ma luna nō o ka hohonu ka pouli. Hoʻopūnana ihola ka ʻUhane o ke Akua ma luna o ka wai.

KA BUKE MUA A MOSE, I KAPA ʻIA KINOHI 1:2 Iomraidhean Croise

KA BUKE NO IOBA 26:14

“Aia hoʻi, ʻo ia kekahi mau mea o kona mau ʻaoʻao; Nani hoʻi ka ʻuʻuku o ka mea i lohe ʻia nona! A ʻo ka hekili o kona mana ʻo wai lā ka mea e ʻike pono?”

KA BUKE NO IOBA 26:7

“Ua hohola aku ia i ke kūkulu ʻākau ma luna o ka neoneo, Ua kau aku i ka honua ma luna o ka mea ʻole.

KA BUKE NO IOBA 38:9

“I kuʻu kau ʻana i ke ao i kapa nona; A i ka pouli ʻaʻaki i wahī nona;

KA BUKE NO IOBA 41:32

“Waiho nō ia i ala mālamalama ma hope ona; Ua manaʻo ʻia ka hohonu, he poʻo hina.

KA BUKE O NĀ HALELŪ 104:30

Hoʻouna mai ʻoe i kou Ea, ua hana ʻia ihola lākou; A nāu nō hoʻi i hoʻāno hou i ka maka o ka honua.

KA BUKE O NĀ HALELŪ 104:6

A ua uhi nō ʻoe ia i ka hohonu, me he kapa lā; Kū maila nā wai, ma luna o nā mauna.

KA BUKE O NĀ HALELŪ 136:6

I ka Mea nāna i kūkulu ka honua ma luna o ka wai, No ka mea, ua mau loa nō kona lokomaikaʻi;

KA BUKE O NĀ HALELŪ 148:7

¶ E halelū aku ʻoukou iā Iēhova, mai ka honua aʻe, E nā moʻo nui, a me nā wahi hohonu a pau;

KA BUKE O NĀ HALELŪ 33:6

¶ Ma ka ʻōlelo a Iēhova i hana ʻia ai nā lani; ʻO ko laila lehulehu nō hoʻi ma ka hā ʻana o kona waha.

NĀ ʻŌLELO AKAMAI A SOLOMONA 8:24

“I ka wā i ʻole ai nā wahi hohonu, ua hānau nō au, I ka wā i ʻole ai nā pūnāwai i piha i ka wai.

KA WĀNANA A ʻISAIA 31:5

E like me nā manu lele, pēlā nō ʻo Iēhova o nā kaua e mālama mai ai iā Ierusalema; I kona mālama ʻana, e hoʻopakele nō ʻo ia ia wahi, I kona hele ʻana aʻe, e hoʻōla mai nō ʻo ia.

KA WĀNANA A ʻISAIA 45:18

¶ No ka mea, penei ka ʻōlelo ʻana mai a Iēhova, Ka Mea nāna i hana nā lani; ʻO ia ke Akua, ka Mea nāna i hana ka honua, a kūkulu hoʻi, Ka mea nāna ia i hoʻopaʻa, ʻaʻole hoʻi ia i hana makehewa ia mea, Hana nō ʻo ia ia i wahi e noho ʻia ai; “ʻO wau nō Iēhova, ʻaʻohe mea ʻē aʻe.

KA WĀNANA A IEREMIA 4:23

¶ Nānā aʻela au i ka honua, aia hoʻi, ua neoneo, a ʻōlohelohe hoʻi; I ka lani kekahi, ʻaʻohe ona mālamalama.

NAHUMA 2:10

Ua nele, ua neoneo, a ua luku ʻia ʻo ia; Ua heheʻe ka naʻau, ua palupalu nā kuli, A he haʻalulu ma nā pūhaka a pau, A ke nananakea nā maka a pau.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:6

No ka mea, ʻo ke Akua nāna i kēnā, “Ka mālamalama e pohā mai no loko mai o ka pouli,” ʻo ia kai hoʻomālamalama mai i loko o ko mākou naʻau, i mālamalama i ʻikea ka nani o ke Akua ma ka maka o Iesū Kristo.

KA BUKE ʻALIMA A MOSE, I KAPA ʻIA KĀNĀWAI LUA 32:11

“Me he ʻaeto lā e hoʻāla ana i ko ka pūnana, A hoʻolahalahai ma luna o nā keiki āna, Hohola i kona mau ʻēheu, a lawe aʻela iā lākou, A kaʻikaʻi aku ma luna o kona mau ʻēheu,