ʻO KA ʻEPISETOLE A PAULO KA LUNAʻŌLELO I KO GALATIA 4:6 - Ka Baibala Hemolele

⁶ No ka mea, no ko ʻoukou keiki ʻana, ua hoʻouna maila ke Akua i ka ʻUhane o kāna Keiki i loko o ko ʻoukou mau naʻau, e kāhea ana, “E ʻAba, ka Makua!”

ʻO KA ʻEPISETOLE A PAULO KA LUNAʻŌLELO I KO GALATIA 4:6 Iomraidhean Croise

KA WĀNANA A IEREMIA 3:19

¶ “Akā, ʻī ihola au, ‘Pehea lā au e waiho ai iā ʻoe i waena o nā keiki, A hāʻawi hoʻi iā ʻoe i ka ʻāina maikaʻi, I ʻāina hoʻoili nani o nā pae ʻāina?’ A ʻōlelo akula au, ‘E kapa mai ʻoukou iaʻu, ʻo koʻu Makua, ʻAʻole hoʻi e huli mai oʻu aku nei.’

KA WĀNANA A IEREMIA 3:4

“Mai kēia manawa aku, ʻaʻole anei ʻoe e hea mai iaʻu, ‘E kuʻu Makua, ʻo ʻoe nō ke alakaʻi o koʻu wā ʻōpiopio?

KA ʻEUANELIO I KĀKAU ʻIA AI E MAREKO 14:36

ʻĪ akula ia, “E ʻAba, e ka Makua, ua hiki nā mea a pau loa iā ʻoe, e lawe aku ʻoe i kēia kīʻaha oʻu; akā hoʻi, ʻaʻole ʻo koʻu makemake e hana ʻia, aia ʻo kou.”

KA ʻEUANELIO I KĀKAU ʻIA AI E LUKA 11:13

“No ia hoʻi, inā ʻoukou ka poʻe hewa i mākaukau i ka hāʻawi aku i nā makana maikaʻi i kā ʻoukou poʻe keiki; ʻaʻole anei e ʻoi nui aku ko ka Makua ma ka lani hāʻawi ʻana mai i ka ʻUhane Hemolele i ka poʻe e noi aku iā ia.”

KA ʻEUANELIO I KĀKAU ʻIA AI E LUKA 11:2

ʻĪ maila ʻo ia iā lākou, “I ka wā e pule ai ʻoukou, e ʻōlelo: ‘E ko mākou Makua i loko o ka lani, e hoʻāno ʻia aku kou inoa; E hiki mai kou aupuni; E mālama ʻia hoʻi kou makemake, E like me ia ma ka lani, pēlā hoʻi ma ka honua nei.

KA ʻEUANELIO I KĀKAU ʻIA AI E IOANE 14:16

“A e noi au i ka Makua, a e hāʻawi nō i Kōkua hou na ʻoukou, i noho mau loa ia me ʻoukou.

KA ʻEUANELIO I KĀKAU ʻIA AI E IOANE 15:26

“Aia hiki mai ke Kōkua, ka Mea e hoʻouna ʻia e aʻu mai ka Makua mai, ʻo ia ka ʻUhane ʻoiaʻiʻo, ka Mea i hele mai mai ka Makua mai, nāna nō e hōʻike aku noʻu;

KA ʻEUANELIO I KĀKAU ʻIA AI E IOANE 16:7

“He ʻoiaʻiʻo nō naʻe kaʻu e ʻōlelo aku nei iā ʻoukou; he pono nō ʻoukou e hele aku au; no ka mea, i ʻole au e hele aku, ʻaʻole e hiki mai ke Kōkua i o ʻoukou nei; akā, i hele aku au, naʻu nō ia e hoʻouna mai iā ʻoukou.

KA ʻEUANELIO I KĀKAU ʻIA AI E IOANE 3:34

“No ka mea, ʻo kā ke Akua mea i hoʻouna mai ai, ʻo kā ke Akua ʻōlelo kāna e ʻōlelo ai; no ka mea, ʻaʻole ke Akua e hāʻawi liʻiliʻi mai i ka ʻUhane iā ia.

KA ʻEUANELIO I KĀKAU ʻIA AI E IOANE 7:39

(ʻO kēia kāna i ʻōlelo ai no ka ʻUhane, ka mea e loaʻa auaneʻi i ka poʻe e manaʻoʻiʻo iā ia; ʻaʻole i hiki mai ka ʻUhane Hemolele ia manawa; no ka mea, ʻaʻole i hoʻonani ʻia ʻo Iesū ia wā.)

NĀ ʻOIHANA A KA POʻE LUNAʻŌLELO 16:7

a hiki maila lākou i Musia, hoʻāʻo ihola e hele iā Bitunia; akā, ʻaʻole i ʻae mai ka ʻUhane iā lākou.

ʻO KA ʻEPISETOLE A PAULO KA LUNAʻŌLELO I KO ROMA 5:5

a ʻo ua manaʻolana lā ʻaʻole ia i hoʻohilahila; no ka mea, ua ninini ʻia mai ke aloha i ke Akua i loko o ko kākou mau naʻau e ka ʻUhane Hemolele, i hāʻawi ʻia mai iā kākou.

ʻO KA ʻEPISETOLE A PAULO KA LUNAʻŌLELO I KO ROMA 8:9

ʻAʻole hoʻi ʻoukou ma ke kino, ma ka ʻUhane nō, ke noho ka ʻUhane o ke Akua i loko o ʻoukou. Akā, i loaʻa ʻole i kekahi ka ʻUhane o Kristo, ʻaʻole nona ia.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:45

Pēlā hoʻi ka palapala ʻana mai, “ʻO ke «kanaka» mua, ʻo ʻAdamu, «ua hana ʻia ʻo ia, he kanaka ola»;” a ʻo ʻAdamu hope, he ʻuhane hoʻōla ia.

ʻO KA ʻEPISETOLE LUA A PAULO KA LUNAʻŌLELO I KO KORINETO 1:22

ʻo ia hoʻi kai hōʻailona mai iā mākou, a i hāʻawi mai hoʻi i ka makana mua o ka ʻUhane i loko o ko mākou naʻau.

ʻO KA ʻEPISETOLE LUA A PAULO KA LUNAʻŌLELO I KO KORINETO 3:17

A ʻo ka Haku, ʻo ia ka ʻUhane; a ma kahi e noho ai ka ʻUhane o ka Haku, ua noa ia wahi.

ʻO KA ʻEPISETOLE A PAULO KA LUNAʻŌLELO I KO ʻEPESO 1:13

ʻO ʻoukou hoʻi kekahi i manaʻo iā ia, i ko ʻoukou hoʻolohe ʻana i ka ʻōlelo o ka ʻoiaʻiʻo, i ka ʻeuanelio e ola ai ʻoukou; a i ko ʻoukou manaʻoʻiʻo ʻana iā ia, ua hōʻailona ʻia ʻoukou e ka ʻUhane Hemolele i ʻōlelo ʻē ʻia mai;

ʻO KA ʻEPISETOLE A PAULO KA LUNAʻŌLELO I KO ʻEPESO 2:18

No ia hoʻi, ua loaʻa iā kākou i nā poʻe ʻelua ka hoʻokipa ʻia e ia i loko o ka Makua ma ka ʻUhane hoʻokahi.

ʻO KA ʻEPISETOLE A PAULO KA LUNAʻŌLELO I KO ʻEPESO 4:30

Mai hoʻoʻeha hoʻi i ka ʻUhane Hemolele o ke Akua, nāna ʻoukou i hōʻailona mai no ka lā e hoʻōla ʻia mai ai.

ʻO KA ʻEPISETOLE A PAULO KA LUNAʻŌLELO I KO ʻEPESO 6:18

E pule mau ana i nā pule a pau, a me ka nonoi aku ma ka ʻUhane; a no ia mea hoʻi, e kiaʻi ʻoukou me ka hoʻoikaika mau a me ka pule aku no nā haipule a pau;

ʻO KA ʻEPISETOLE A PAULO KA LUNAʻŌLELO I KO PILIPI 1:19

No ka mea, ke ʻike nei au, e lilo ana kēia i mea ola noʻu ma kā ʻoukou pule, a me ke kōkua ʻia mai e ka ʻUhane o Iesū Kristo;

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:8

ʻO ka mea hoʻi i hoʻowahāwahā mai, ʻaʻole ia i hoʻowahāwahā i ke kanaka, i ke Akua nō nāna i hāʻawi mai i kona ʻUhane Hemolele iā mākou.

ʻO KA ʻEPISETOLE HOʻOLAHA MUA A PETERO 1:11

Ua ʻimi nui nō lākou i ka mea a me ka manawa a ka ʻUhane o Kristo i haʻi mai ai i loko o lākou, i kona hōʻike mua ʻana mai i ka hōʻino ʻia ʻo Kristo, a me ka hoʻonani ʻia, ma hope o kēia mau mea.

ʻO KA ʻEPISETOLE HOʻOLAHA A IUDA 1:20

A ʻo ʻoukou lā, e nā hoaaloha, e hoʻokūpaʻa iā ʻoukou iho ma ko ʻoukou manaʻoʻiʻo hemolele loa, e pule aku ana ma ka ʻUhane Hemolele;

KA HŌʻIKE ʻANA A IOANE KA HAIPULE 19:10

A moe ihola au i lalo i kona wāwae e hoʻomana iā ia. ʻĪ mai kēlā iaʻu, “Uoki kāu; ʻo wau nō kou hoa kauā, kekahi o kou poʻe hoahānau e hōʻike ana iā Iesū; e hoʻomana i ke Akua; no ka mea, ʻo ka ʻuhane iā ia ka wānana, ʻo ia kai hōʻike iā Iesū.”