ʻO KA ʻEPISETOLE A PAULO KA LUNAʻŌLELO I KO GALATIA 3:12 - Ka Baibala Hemolele

¹² A ʻo ke Kānāwai, ʻaʻole ia ma ka manaʻoʻiʻo; akā, “ʻO ke kanaka e hana ana ia mau mea, e ola ia i laila».”

ʻO KA ʻEPISETOLE A PAULO KA LUNAʻŌLELO I KO GALATIA 3:12 Iomraidhean Croise

KA BUKE A NEHEMIA 9:29

“A aʻo pinepine aku nō hoʻi ʻoe iā lākou E hoʻohuli iā lākou ma kou kānāwai; Akā, hana hoʻokiʻekiʻe lākou, ʻAʻole hoʻi i hoʻolohe i kāu mau kauoha; Hana ʻino nō lākou i kāu mau ʻōlelo kūpaʻa, (‘Nā mea e ola ai ke kanaka ke hana ʻia’), Hāʻawi lākou i ka poʻohiwi kipi, A hōʻoʻoleʻa i ko lākou ʻāʻī, ʻAʻole hoʻi i hoʻolohe.

KA WĀNANA A ʻEZEKIʻELA 20:11

“Hāʻawi akula hoʻi au i kaʻu mau kauoha iā lākou, a hōʻike akula hoʻi au i koʻu mau kānāwai iā lākou, ʻo nā mea ke mālama ʻia e ke kanaka, e ola ia i laila.

KA WĀNANA A ʻEZEKIʻELA 20:13

“Akā, kipi maila ka ʻohana a ʻIseraʻela iaʻu ma ka wao nahele, ʻaʻole lākou i hele ma kaʻu mau kauoha, ua hoʻowahāwahā hoʻi lākou i koʻu mau kānāwai, ‘ʻo nā mea ke mālama ʻia e ke kanaka, e ola ia i laila’; a ua hoʻohaumia nui lākou i koʻu mau Sābati. A laila ʻōlelo akula au, E ninini aku au i koʻu ukiuki ma luna o lākou ma ka wao nahele, e hoʻopau ai iā lākou.

KA BUKE ʻAKOLU A MOSE, I KAPA ʻIA ʻOIHANA KAHUNA 18:5

‘No laila, e mālama ʻoukou i kaʻu mau kauoha, a me koʻu mau kānāwai; inā e hana ke kanaka ia, e ola nō ʻo ia ia mau mea; ʻo wau nō Iēhova.

KA ʻEUANELIO I KĀKAU ʻIA AI E MATAIO 19:17

ʻĪ akula ʻo ia iā ia, “No ke aha lā ʻoe e kapa mai nei iaʻu he maikaʻi? ʻAʻohe mea maikaʻi ʻē aʻe, hoʻokahi wale nō, ʻo ke Akua. Inā e makemake ʻoe e komo i loko o ke ola, e mālama ʻoe i nā kānāwai.”

ʻO KA ʻEPISETOLE A PAULO KA LUNAʻŌLELO I KO ROMA 11:6

A inā ma ka lokomaikaʻi, a laila ʻaʻole ma nā hana. A i ʻole pēlā, a laila ʻo ka lokomaikaʻi, ʻaʻole ia he lokomaikaʻi. Akā inā ma nā hana, ʻaʻole ma ka lokomaikaʻi, a i ʻole pēlā, a laila, ʻo ka hana ʻaʻole ia he hana.

ʻO KA ʻEPISETOLE A PAULO KA LUNAʻŌLELO I KO ROMA 4:14

No ka mea, inā i lilo ka poʻe ma ke Kānāwai i poʻe hoʻoilina, inā ua lilo ka manaʻoʻiʻo i mea ʻole, a ua ʻole nō hoʻi ka mea i ʻōlelo ʻia mai;

ʻO KA ʻEPISETOLE A PAULO KA LUNAʻŌLELO I KO ROMA 4:16

No laila, ma ka manaʻoʻiʻo ia, i hāʻawi lokomaikaʻi ʻia mai ia; i ʻoiaʻiʻo ai ka ʻōlelo hoʻopōmaikaʻi na ka poʻe mamo a pau, ʻaʻole na nā mea ma ke Kānāwai wale nō; akā, na nā mea hoʻi ma ka manaʻoʻiʻo o ʻAberahama; ʻo ia ka makua o kākou a pau,

ʻO KA ʻEPISETOLE A PAULO KA LUNAʻŌLELO I KO ROMA 7:10

ʻO ia, ʻo ke kauoha e ola ai, ua loaʻa iaʻu he mea ia e make ai.