KA BUKE ʻALUA A MOSE, I KAPA ʻIA PUKA ʻANA 9:7 - Ka Baibala Hemolele

⁷ Hoʻouna akula ʻo Paraʻo, aia hoʻi, ʻaʻole i make kekahi o kā ʻIseraʻela poʻe holoholona. A ua hoʻopaʻakikī ʻia ka naʻau o Paraʻo, ʻaʻole ia i hoʻokuʻu aku i nā kānaka.

KA BUKE ʻALUA A MOSE, I KAPA ʻIA PUKA ʻANA 9:7 Iomraidhean Croise

KA BUKE NO IOBA 9:4

“He akamai ia ma ka naʻau, a ua nui ka ikaika; ʻO wai lā ka mea hoʻopaʻakikī kūʻē iā ia, a ua pōmaikaʻi?

KA BUKE ʻALUA A MOSE, I KAPA ʻIA PUKA ʻANA 3:19

“Ua ʻike nō naʻe au, ʻaʻole e hoʻokuʻu mai ke aliʻi o ʻAigupita iā ʻoukou, ʻaʻole nō ma ka lima ikaika.

KA BUKE ʻALUA A MOSE, I KAPA ʻIA PUKA ʻANA 7:13

A hoʻopaʻakikī ʻia maila ka naʻau o Paraʻo, i hoʻolohe ʻole ai ʻo ia iā lāua, e like me ka mea a Iēhova i ʻōlelo mai ai.

KA BUKE ʻALUA A MOSE, I KAPA ʻIA PUKA ʻANA 7:14

¶ ʻĪ maila ʻo Iēhova iā Mose: “Ua hoʻopaʻakikī ʻia ko Paraʻo naʻau, i ʻole ai ia e hoʻokuʻu mai i ka poʻe kānaka.

KA BUKE ʻALUA A MOSE, I KAPA ʻIA PUKA ʻANA 8:32

Hoʻopaʻakikī hou ihola ʻo Paraʻo i kona naʻau ia manawa nō hoʻi, ʻaʻole i hoʻokuʻu aku i nā kānaka.

KA BUKE ʻALUA A MOSE, I KAPA ʻIA PUKA ʻANA 9:12

Hoʻopaʻakikī maila ʻo Iēhova i ka naʻau o Paraʻo, a hoʻolohe ʻole maila ʻo ia iā lāua, e like me kā Iēhova i ʻōlelo mai ai iā Mose.

KA BUKE ʻALUA A MOSE, I KAPA ʻIA PUKA ʻANA 9:8

¶ ʻŌlelo maila ʻo Iēhova iā Mose a me ʻAʻarona, “E lālau ʻolua a piha ko ʻolua mau poho lima i ka lehu o ke kapuahi, a na Mose e lū aku ia mea ma ka lani i mua o nā maka o Paraʻo.

NĀ ʻŌLELO AKAMAI A SOLOMONA 29:1

¶ ʻO ke kanaka i aʻo pinepine ʻia a hoʻopaʻakikī hoʻi i kona ʻāʻī, E make koke nō ia, ʻaʻole mea e ola ai.

KA WĀNANA A ʻISAIA 48:4

“No ka mea, ʻike mua nō au, ua paʻakikī ʻoe, A ʻo kou ʻāʻī hoʻi, he olonā hao, A ʻo kou lae hoʻi, he keleawe.

KA BUKE NO DANIʻELA 5:20

“Akā, i ka wā i hoʻokiʻekiʻe ai kona naʻau, a paʻakikī nō hoʻi kona manaʻo me ka haʻakei, ua kipaku ʻia ʻo ia mai ka noho aliʻi ona, a ua lawe ʻia aku kona hanohano mai ona aku lā.

ʻO KA ʻEPISETOLE A PAULO KA LUNAʻŌLELO I KO ROMA 9:18

No laila hoʻi, ua aloha mai ai ʻo ia i kāna mea i manaʻo ai, a ua hoʻopaʻakikī hoʻi ʻo ia i kāna mea i manaʻo ai.