KA BUKE ʻALUA A MOSE, I KAPA ʻIA PUKA ʻANA 9:4 - Ka Baibala Hemolele

⁴ “A e hoʻokaʻawale ʻo Iēhova ma waena o nā holoholona a kā ʻIseraʻela, a me nā holoholona a ko ʻAigupita. ʻAʻole nō e make kekahi mea a ka poʻe mamo a ʻIseraʻela.”’”

KA BUKE ʻALUA A MOSE, I KAPA ʻIA PUKA ʻANA 9:4 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 10:23

ʻAʻole loa lākou i ʻike i kekahi i kekahi, ʻaʻole hoʻi i ala aʻe kekahi mai kona wahi aʻe, i nā lā ʻekolu; akā, ʻo nā mamo a pau a ʻIseraʻela, he mālamalama ko lākou i loko o ko lākou mau hale.

KA BUKE ʻALUA A MOSE, I KAPA ʻIA PUKA ʻANA 12:13

‘A ʻo ke koko, ʻo ia ka hōʻailona no ʻoukou ma nā hale o ko ʻoukou wahi; aia ʻike aku au i ke koko, e waiho wau iā ʻoukou, ʻaʻole e kau mai ka mea ʻino ma luna o ʻoukou e make ai, iaʻu e pepehi iho ai i ko ka ʻāina ʻo ʻAigupita.

KA BUKE ʻALUA A MOSE, I KAPA ʻIA PUKA ʻANA 8:19

A laila ʻōlelo aʻela nā māgoi iā Paraʻo, “Eia nō ka lima o ke Akua.” Ua hoʻopaʻakikī ʻia nō naʻe ko Paraʻo naʻau; ʻaʻole ia i hoʻolohe i kā lāua, e like me kā Iēhova i ʻōlelo mai ai.

KA BUKE ʻALUA A MOSE, I KAPA ʻIA PUKA ʻANA 8:22

“Ia lā hoʻi, e hoʻokaʻawale auaneʻi au i ka ʻāina ʻo Gosena, i kahi e noho nei koʻu poʻe kānaka, i hiki ʻole ai ka nalo nahu i laila; i mea e ʻike ai ʻoe, ʻo wau nō Iēhova ma waena o ka honua.

KA BUKE ʻALUA A MOSE, I KAPA ʻIA PUKA ʻANA 9:26

ʻO ka ʻāina i Gosena wale nō, ʻo kahi i noho ai nā mamo a ʻIseraʻela, ʻaʻohe huahekili i laila.

KA BUKE ʻALUA A MOSE, I KAPA ʻIA PUKA ʻANA 9:5

Hāʻawi maila ʻo Iēhova i wā maopopo, ʻī maila, “ʻApōpō e hana mai ai ʻo Iēhova i kēia mea ma ka ʻāina.”

KA BUKE ʻALUA A MOSE, I KAPA ʻIA PUKA ʻANA 9:6

A ia lā iho nō, hana maila ʻo Iēhova i ua mea lā, a make ihola nā holoholona a pau o ʻAigupita; akā, ʻo nā holoholona a nā mamo a ʻIseraʻela, ʻaʻole kekahi i make.

ʻAMOSA 4:7

“A paʻa iaʻu ka ua, mai o ʻoukou aku, i ka manawa ʻekolu malama i koe a hiki i ka ʻohi ʻana; A hoʻoua iho au ma luna o kekahi kūlanakauhale, A hoʻoua ʻole au ma luna o kekahi kūlanakauhale: Ua hoʻoua ʻia kauwahi, A ʻo kahi i hoʻoua ʻole ʻia, ua maloʻo.

MALAKI 3:18

A laila, e huli mai auaneʻi ʻoukou, a e nānā maopopo i waena o ka poʻe pono a ʻo ka poʻe hewa, i waena hoʻi o ka mea mālama i ke Akua, a me ka mea mālama ʻole.