KA BUKE ʻALUA A MOSE, I KAPA ʻIA PUKA ʻANA 9:16 - Ka Baibala Hemolele

¹⁶ “Akā, no kēia mea, i hoʻokū aʻe au iā ʻoe, i mea e hōʻike aku ai au i koʻu mana ma ou lā, a i kaulana aku ai koʻu inoa ma ka honua a pau.

KA BUKE ʻALUA A MOSE, I KAPA ʻIA PUKA ʻANA 9:16 Iomraidhean Croise

KA BUKE ʻALUA A SAMUʻELA 7:23

“ʻO wai lā ka lāhui kanaka ma ka honua nei e like me kou poʻe kānaka me kā ʻIseraʻela, ka poʻe a ke Akua i kiʻi aku ai e hoʻōla i poʻe kānaka nona, i mea e kaulana ai kona inoa, a e hana aku nō lākou i nā mea nui a weliweli no kou ʻāina, i mua o kou poʻe kānaka, ʻo ka poʻe āu i hoʻōla aʻe nou mai nā lāhui kanaka o ʻAigupita, a me ko lākou mau akua mai?

KA BUKE ʻALUA NO NĀ ALIʻI 19:35

¶ A ia pō iho, hele akula ka ʻānela o Iēhova, a luku akula, ma kahi hoʻomoana o ko ʻAsuria, i hoʻokahi haneri a me kanawalukumamālima tausani; a ala aʻela lākou i kakahiaka nui, aia hoʻi, he poʻe kupapaʻu make lākou a pau.

KA BUKE MUA O KA ʻOIHANA ALIʻI 16:24

E haʻi aku i kona nani i nā lāhui kanaka, I kāna mau hana kupanaha i ko nā ʻāina a pau.

KA BUKE A NEHEMIA 9:10

“Hana ihola ʻoe i nā mea hōʻike, a me nā mea kupanaha ma luna o Paraʻo, A ma luna o kāna poʻe kauā a pau, A ma luna hoʻi o ka poʻe kānaka a pau o kona ʻāina. No ka mea, ua ʻike ʻoe i kā lākou hana hoʻokiʻekiʻe ʻana ma luna o lākou. Pēlā nō ʻoe i hoʻokaulana i kou inoa e like me ia i nēia lā.

KA BUKE O NĀ HALELŪ 106:8

Akā, no kona inoa, hoʻōla mai ʻo ia iā lākou, I hōʻike mai ai ʻo ia i kona mana.

KA BUKE O NĀ HALELŪ 64:9

E pau nō hoʻi nā kānaka i ka makaʻu, A e haʻi aku i ka hana a ke Akua; No ka mea, e noʻonoʻo naʻauao lākou i kāna hana ʻana.

KA BUKE O NĀ HALELŪ 76:10

E hoʻonani aku nō ka huhū o kānaka iā ʻoe; A e liki nō hoʻi ʻoe i ke koena o ka huhū.

KA BUKE ʻALUA A MOSE, I KAPA ʻIA PUKA ʻANA 14:17

“A naʻu iho nō e hoʻopaʻakikī i nā naʻau o ko ʻAigupita, a e hahai mai lākou ma hope o lākou nei; a e hoʻonani au iaʻu iho ma o Paraʻo lā a ma kona poʻe koa a pau, a ma kona mau kaʻa kaua, a me nā hoʻoholo lio ona.

KA BUKE ʻALUA A MOSE, I KAPA ʻIA PUKA ʻANA 14:4

“A naʻu nō e hoʻopaʻakikī i ka naʻau o Paraʻo, i hahai mai ai ʻo ia ma hope o lākou; a e hoʻonani ʻia auaneʻi au ma luna o Paraʻo, a ma luna o kona pūʻali a pau; i ʻike ai hoʻi ko ʻAigupita, ʻo wau nō Iēhova.” A pēlā nō lākou i hana ai.

KA BUKE ʻALUA A MOSE, I KAPA ʻIA PUKA ʻANA 18:11

“ʻĀnō, ua ʻike au i ka ʻoi ʻana o ko Iēhova mana ma mua o ko nā akua a pau; no ka mea, ma kahi a lākou i hoʻokiʻekiʻe ai, aia nō ia ma luna o lākou.”

KA BUKE ʻALUA A MOSE, I KAPA ʻIA PUKA ʻANA 9:15

“No ka mea, ʻānō e ʻō aku ana koʻu lima, i hahau aku ai au iā ʻoe, a me kou poʻe i ke ahulau, a e hoʻōki ʻia aʻe ʻoe mai ka honua aku.

KA BUKE ʻALUA A MOSE, I KAPA ʻIA PUKA ʻANA 9:17

“Ke hoʻokiʻekiʻe nei anei ʻoe iā ʻoe iho a hiki i kēia wā, e kūʻē i koʻu poʻe kānaka, i ʻole ai e hoʻokuʻu aku iā lākou?

NĀ ʻŌLELO AKAMAI A SOLOMONA 16:4

Hana ihola ʻo Iēhova i nā mea a pau nona iho; I ka mea hewa hoʻi kekahi no ka lā e pōʻino ai.

KA WĀNANA A IEREMIA 32:20

ka Mea nāna i hoʻonoho i nā hōʻailona a me nā mea kupaianaha ma ka ʻāina ʻo ʻAigupita, a hiki i nēia lā, i loko hoʻi o kā ʻIseraʻela, a i waena o kānaka; a i hoʻokaulana i kou inoa, me ia i kēia lā.

KA WĀNANA A ʻEZEKIʻELA 39:21

¶ “A e kau aku au i koʻu nani i waena o nā lāhui kanaka, a e ʻike nō ko nā ʻāina a pau i koʻu hoʻopaʻi ʻana aʻu i hana ai, a me kuʻu lima aʻu i kau aku ai ma luna o lākou.

MALAKI 1:11

“No ka mea, mai ka hikina o ka lā a hiki i ke komohana, e nui auaneʻi kuʻu inoa i waena o nā lāhui kanaka; a ma nā wahi a pau loa e kuni ʻia ai ka mea ʻala no kuʻu inoa, a me ka mōhai maʻemaʻe; no ka mea, e nui auaneʻi kuʻu inoa i waena o nā lāhui kanaka,” wahi a Iēhova o nā kaua.

MALAKI 1:14

“Akā, auē ka mea hoʻopunipuni, ka mea nāna ka hipa kāne ma loko o kāna ʻohana; akā, ua hoʻolaʻa, a ua mōhai iho i ka mea haumia; no ka mea, he Aliʻi Nui hoʻi wau,” wahi a Iēhova o nā kaua, “A he mea weliweli koʻu inoa i waena o nā lāhui kanaka.”

KA BUKE ʻAHĀ A MOSE, I KAPA ʻIA NĀ HELU 14:21

“Akā, me aʻu e ola nei, e hoʻopiha ʻia auaneʻi ka honua i ka nani o Iēhova;

ʻO KA ʻEPISETOLE A PAULO KA LUNAʻŌLELO I KO ROMA 9:17

No ka mea, ʻōlelo maila ka Palapala Hemolele iā Paraʻo, “«No kēia wahi mea ua hoʻāla mai au iā ʻoe, i hōʻike aku au i koʻu mana ma ou lā, a i kaulana ai koʻu inoa ma ka honua a pau».”

ʻO KA ʻEPISETOLE A PAULO KA LUNAʻŌLELO I KO ROMA 9:22

He aha hoʻi, inā, e manaʻo ana ke Akua, e hoʻomaopopo i kona huhū, a e hōʻike hoʻi i kona mana, ua hoʻomanawanui mai ia me ke ahonui loa i nā ipu e huhū ʻia i hoʻomākaukau ʻia no ka luku?

KA BUKE A IOSUA 4:24

i ʻike nā kānaka a pau o ka honua nei i ka lima o Iēhova, ua ikaika ia; i makaʻu hoʻi ʻoukou iā Iēhova, i ko ʻoukou Akua, i nā lā a pau loa.”

ʻO KA ʻEPISETOLE HOʻOLAHA MUA A PETERO 2:19

No ka mea, eia kai kū i ka pono, inā nō i ka manaʻo i ke Akua, e hoʻomanawanui ai kekahi i ke kaumaha no ka hoʻoluhi hewa ʻia.

ʻO KA ʻEPISETOLE HOʻOLAHA MUA A PETERO 2:8

He pōhaku e ʻōkupe ai, a he pōhaku hoʻohihia hoʻi»,” i ka poʻe i ʻōkupe i ka ʻōlelo, ka poʻe hoʻolohe ʻole; e like me ke koho mua ʻana.

ʻO KA ʻEPISETOLE HOʻOLAHA A IUDA 1:4

No ka mea, ua komo maopopo ʻole mai kekahi poʻe kānaka i hoʻohewa mua ʻia mai ma kēia hoʻopaʻi ʻana, he poʻe ʻaiā, e hoʻolilo ana i ke aloha o ko kākou Akua i mea makaleho wale; a e hōʻole aku ana hoʻi i ke Akua i ke Aliʻi hoʻokahi, i ko kākou Haku iā Iesū Kristo.

KA BUKE MUA A SAMUʻELA 4:8

“Auē kākou! ʻO wai lā ka mea nāna kākou e hoʻōla mai ka lima mai o kēia mau akua mana? ʻO nā akua kēia i luku ai i ka poʻe o ʻAigupita i nā ʻino a pau ma ka wao nahele.