KA BUKE ʻALUA A MOSE, I KAPA ʻIA PUKA ʻANA 8:8 - Ka Baibala Hemolele

⁸ ¶ A laila, hea maila ʻo Paraʻo iā Mose a me ʻAʻarona, ʻī maila, “E pule aku ʻolua iā Iēhova, i lawe aku ia i nā rana mai oʻu aku nei, a mai koʻu poʻe kānaka aku, a e hoʻokuʻu nō wau i nā kānaka, i kaumaha ai lākou na Iēhova.”

KA BUKE ʻALUA A MOSE, I KAPA ʻIA PUKA ʻANA 8:8 Iomraidhean Croise

KA BUKE MUA NO NĀ ALIʻI 13:6

ʻŌlelo maila hoʻi ke aliʻi, ʻī maila i ke kanaka o ke Akua, “E nonoi aku ʻoe i ka maka o Iēhova kou Akua, a e pule aku noʻu, i hoʻōla hou ʻia mai koʻu lima noʻu.” A nonoi akula ke kanaka o ke Akua iā Iēhova, a ua hoʻōla hou ʻia ko ke aliʻi lima nona, a lilo hoʻi ia e like me ma mua.

KA BUKE O NĀ HALELŪ 66:3

E ʻōlelo aku i ke Akua, “Nani kou kupaianaha i kāu hana ʻana!” No ka nui o kou mana e hoʻolohe ai kou mau ʻenemi iā ʻoe.

KA BUKE ʻALUA A MOSE, I KAPA ʻIA PUKA ʻANA 10:16

A laila, wikiwiki aʻela ʻo Paraʻo e hea mai iā Mose lāua ʻo ʻAʻarona, ʻī maila, “Ua hana hewa wau iā Iēhova i ko ʻoukou Akua, a iā ʻolua nō hoʻi.

KA BUKE ʻALUA A MOSE, I KAPA ʻIA PUKA ʻANA 10:17

“Ke noi aku nei au, e kala mai nō hoʻi ʻolua i kēia hewa hoʻokahi ʻana nō, a e nonoi aku ai Iēhova i ko ʻoukou Akua, i lawe aku ai ia i kēia make wale nō, mai oʻu aku nei.

KA BUKE ʻALUA A MOSE, I KAPA ʻIA PUKA ʻANA 10:18

Hele akula ia mai o Paraʻo aku, a nonoi akula iā Iēhova.”

KA BUKE ʻALUA A MOSE, I KAPA ʻIA PUKA ʻANA 14:5

¶ A haʻi ʻia akula i ke aliʻi o ʻAigupita, “Ua holo nā kānaka”; huli ka naʻau o Paraʻo a me nā kauā āna e kūʻē i nā kānaka; ʻōlelo ihola lākou, “No ke aha lā kākou i hana ai i kēia, a hoʻokuʻu aku i kā ʻIseraʻela i hoʻokauā ʻole ai lākou na kākou?”

KA BUKE ʻALUA A MOSE, I KAPA ʻIA PUKA ʻANA 32:11

Nonoi akula ʻo Mose ma ke alo o Iēhova, ʻo kona Akua, ʻī akula, “E Iēhova, no ke aha lā i wela ai kou huhū i kou poʻe kānaka āu i lawe mai ai, mai ka ʻāina ʻo ʻAigupita mai, me ka mana nui, a me ka lima ikaika?

KA BUKE ʻALUA A MOSE, I KAPA ʻIA PUKA ʻANA 5:2

ʻĪ maila ʻo Paraʻo, “ʻO wai lā ʻo Iēhova i hoʻolohe ai au i kona leo, e hoʻokuʻu aku ai i kā ʻIseraʻela? ʻAʻole au i ʻike iā Iēhova, ʻaʻole hoʻi au e hoʻokuʻu aku i kā ʻIseraʻela.”

KA BUKE ʻALUA A MOSE, I KAPA ʻIA PUKA ʻANA 8:15

A ʻike ihola ʻo Paraʻo, he maha, hoʻopaʻakikī ihola ia i kona naʻau, ʻaʻole i hoʻolohe mai i kā lāua; e like me kā Iēhova i ʻōlelo mai ai.

KA BUKE ʻALUA A MOSE, I KAPA ʻIA PUKA ʻANA 8:29

ʻĪ akula ʻo Mose, “Aia hoʻi, ke hele aku nei au mai ou aku nei, a e nonoi aku au iā Iēhova e lawe aku ia i nā nalo nahu mai o Paraʻo aku, a mai kāna poʻe kauā aku, a mai kona poʻe kānaka aku; aia ʻapōpō. Akā, mai hoʻopunipuni hou mai ʻo Paraʻo, i ka hoʻokuʻu ʻole i nā kānaka e kaumaha aku na Iēhova.”

KA BUKE ʻALUA A MOSE, I KAPA ʻIA PUKA ʻANA 8:32

Hoʻopaʻakikī hou ihola ʻo Paraʻo i kona naʻau ia manawa nō hoʻi, ʻaʻole i hoʻokuʻu aku i nā kānaka.

KA BUKE ʻALUA A MOSE, I KAPA ʻIA PUKA ʻANA 8:9

ʻĪ akula ʻo Mose iā Paraʻo, “E kauoha pono mai ʻoe iaʻu, i ka manawa hea kaʻu e pule aku ai nou, a no kāu poʻe kauā hoʻi, a no kou poʻe kānaka, i lawe ʻia aku nā rana mai ou aku lā, a mai kou kauhale aku, a koe ma ka muliwai wale nō.”

KA BUKE ʻALUA A MOSE, I KAPA ʻIA PUKA ʻANA 9:27

¶ Hoʻouna maila ʻo Paraʻo, hea maila iā Mose a me ʻAʻarona, ʻī maila iā lāua, “Ua hewa nō wau i kēia manawa; ua hemolele ʻo Iēhova; akā, ʻo wau a me koʻu poʻe kānaka, ua hewa mākou.

KA BUKE ʻALUA A MOSE, I KAPA ʻIA PUKA ʻANA 9:28

“E nonoi aku ʻolua iā Iēhova, uoki; i ʻole ai e kuʻi hou ke hekili o ke Akua, a i pau hoʻi ka huahekili; a e hoʻokuʻu aku nō wau iā ʻoukou, ʻaʻole ʻoukou e kali hou aku.”

KA BUKE ʻALUA A MOSE, I KAPA ʻIA PUKA ʻANA 9:33

Hele akula ʻo Mose ma waho o ke kūlanakauhale, mai o Paraʻo aku, a kīkoʻo akula i kona mau lima i mua o Iēhova; a ua pau ihola ke hekili a me ka huahekili, ʻaʻole i ninini hou ʻia mai ka ua ma luna o ka honua.

KA BUKE ʻAHĀ A MOSE, I KAPA ʻIA NĀ HELU 21:7

No ia mea, hele maila nā kānaka i o Mose lā, ʻī maila, “Ua hana hewa mākou; no ka mea, ua ʻōlelo ʻino aku mākou iā Iēhova a iā ʻoe; e pule aku ʻoe iā Iēhova, e lawe aku ia i nā nahesa mai o mākou aku nei.” A pule akula ʻo Mose no nā kānaka.

NĀ ʻOIHANA A KA POʻE LUNAʻŌLELO 8:24

ʻŌlelo akula ʻo Simona, ʻī akula, “E pule aku ʻolua i ka Haku noʻu i hiki ʻole mai ai kēia mau mea a ʻolua e ʻōlelo mai nei ma luna oʻu.”

KA BUKE MUA A SAMUʻELA 12:19

¶ ʻŌlelo maila nā kānaka a pau iā Samuʻela, “E pule ʻoe iā Iēhova i kou Akua no kāu poʻe kauā, i make ʻole ai mākou; no ka mea, me nā hewa a pau a mākou, ua pākuʻi mākou i kēia hewa hou, ʻo ke noi ʻana i aliʻi no mākou.”