KA BUKE ʻALUA A MOSE, I KAPA ʻIA PUKA ʻANA 8:3 - Ka Baibala Hemolele

³ “A e hoʻopuka nui mai ka muliwai i nā rana, a e hele mai lākou i loko o kou hale, a me kou keʻena moe, a ma luna o kou hikieʻe, a i loko o ka hale o kāu poʻe kauā, a ma luna o kou poʻe kānaka, a ma loko o kou mau imu, a ma loko hoʻi o kou mau pā wili ʻai.

KA BUKE ʻALUA A MOSE, I KAPA ʻIA PUKA ʻANA 8:3 Iomraidhean Croise

KA BUKE ʻALUA O KA ʻOIHANA ALIʻI 22:11

Akā, ʻo Iehosabeata ke kaikamahine a ke aliʻi, lawe aʻela ʻo ia iā Ioasa i ke keiki a ʻAhazia, ʻaihue ihola iā ia mai waena aku o ka poʻe keiki aliʻi e pepehi ʻia ana, a hūnā iā ia, a me ka mea nāna ia i hānai i loko o kahi keʻena moe; pēlā i hūnā iho ai ʻo Iehosabeata ke kaikamahine a ke aliʻi a Iehorama ka wahine a Iehoiada ke kahuna, i ua mea lā mai ke alo o ʻAtalia, i ʻole ia e pepehi mai iā ia; no ka mea, ʻo ke kaikuahine ia no ʻAhazia.

KA BUKE O NĀ HALELŪ 105:30

Hoʻokawowo maila ko lākou ʻāina i nā rana, Aia nō i loko o nā keʻena o ko lākou poʻe aliʻi.

KA BUKE ʻALUA A MOSE, I KAPA ʻIA PUKA ʻANA 10:6

‘E hoʻopiha hoʻi lākou i nā hale ou, a me nā hale o kāu poʻe kauā a pau, a me nā hale o ko ʻAigupita a pau; ʻaʻole i ʻike kou poʻe mākua i kēia mea, ʻaʻole hoʻi nā mākua o kou poʻe mākua, mai ka wā i noho mai ai lākou ma ka honua, a hiki i kēia lā.’” Hāliu aʻela ia, a hele akula mai o Paraʻo aku.

KA BUKE ʻALUA A MOSE, I KAPA ʻIA PUKA ʻANA 12:34

Lawe maila nā kānaka i kā lākou berena maka hū ʻole, a me ko lākou mau papa wili ʻai, ua ʻope pū ʻia me ko lākou lole ma luna o ko lākou mau hokua.

KA BUKE ʻALUA A MOSE, I KAPA ʻIA PUKA ʻANA 7:11

Kiʻi akula hoʻi ʻo Paraʻo i nā kānaka akamai, a me nā kilo; a ʻo nā māgoi o ʻAigupita, hana ihola hoʻi lākou pēlā, i ko lākou kilokilo ʻana.

KA BUKE ʻALUA A MOSE, I KAPA ʻIA PUKA ʻANA 8:11

“A e haʻalele mai nō nā rana iā ʻoe, a me kou hale, a me kāu poʻe kauā, a me kou poʻe kānaka, a e koe ma ka muliwai wale nō.”

KA BUKE ʻALUA A MOSE, I KAPA ʻIA PUKA ʻANA 8:2

“A inā paha e hoʻokuʻu ʻole mai ʻoe, aia hoʻi, e hōʻino nō wau i kou mau mokuna a pau i nā rana.

KA BUKE ʻALUA A MOSE, I KAPA ʻIA PUKA ʻANA 8:4

“A e hele mai auaneʻi nā rana ma luna ou, a ma luna o kou poʻe kānaka, a ma luna o kāu poʻe kauā a pau.”’”