KA BUKE ʻALUA A MOSE, I KAPA ʻIA PUKA ʻANA 7:5 - Ka Baibala Hemolele

⁵ “A e ʻike auaneʻi ko ʻAigupita, ʻo wau nō Iēhova, iaʻu e hoʻokākāuha aku ai i koʻu lima ma luna o ʻAigupita, a e lawe mai i nā mamo a ʻIseraʻela mai waena mai o lākou.”

KA BUKE ʻALUA A MOSE, I KAPA ʻIA PUKA ʻANA 7:5 Iomraidhean Croise

KA BUKE O NĀ HALELŪ 138:7

¶ Inā paha e hele wau i loko o ka pilikia, Nāu nō wau e hoʻōla mai. Ma luna o ka huhū o koʻu poʻe ʻenemi, e ʻō mai ai ʻoe i kou lima, A me kou lima ʻākau ʻoe e hoʻopakele mai ai iaʻu.

KA BUKE O NĀ HALELŪ 9:16

Ua ʻikea ʻo Iēhova, ua hana mai ia i ka pono; Ua punihei ka mea kolohe i ka hana a kona mau lima iho. Hikaiona. Sila.

KA BUKE ʻALUA A MOSE, I KAPA ʻIA PUKA ʻANA 10:2

a i haʻi aku ai ʻoe ma loko o nā pepeiao o kāu keiki, a ʻo ke keiki a kāu keiki i nā mea aʻu i hana ai ma ʻAigupita, a me koʻu mau hōʻailona aʻu i hana aku ai iā lākou, i ʻike ai ʻoukou, ʻo wau nō Iēhova.”

KA BUKE ʻALUA A MOSE, I KAPA ʻIA PUKA ʻANA 10:7

ʻŌlelo akula nā kauā a Paraʻo iā ia, “Pehea lā ka lōʻihi o ka hoʻohihia ʻana o kēia kanaka iā kākou? E hoʻokuʻu aku i ua poʻe kānaka lā, i hoʻokauā aku ai lākou na Iēhova na ko lākou Akua. ʻAʻole anei ʻoe i ʻike i nēia manawa, ua oki loa ʻo ʻAigupita nei?”

KA BUKE ʻALUA A MOSE, I KAPA ʻIA PUKA ʻANA 14:18

“A e ʻike auaneʻi ko ʻAigupita, ʻo wau nō Iēhova, ke hoʻonani wau iaʻu iho ma o Paraʻo lā, a me kona mau kaʻa kaua, a me nā hoʻoholo lio ona.”

KA BUKE ʻALUA A MOSE, I KAPA ʻIA PUKA ʻANA 14:4

“A naʻu nō e hoʻopaʻakikī i ka naʻau o Paraʻo, i hahai mai ai ʻo ia ma hope o lākou; a e hoʻonani ʻia auaneʻi au ma luna o Paraʻo, a ma luna o kona pūʻali a pau; i ʻike ai hoʻi ko ʻAigupita, ʻo wau nō Iēhova.” A pēlā nō lākou i hana ai.

KA BUKE ʻALUA A MOSE, I KAPA ʻIA PUKA ʻANA 18:8

Haʻi aʻela ʻo Mose i kona makuahōnōwai kāne, i nā mea a pau a Iēhova i hana mai ai iā Paraʻo, a i ko ʻAigupita, no kā ʻIseraʻela, a me ka pilikia a pau i loaʻa iā lākou ma ke alanui, a me ka hoʻopakele ʻana o Iēhova iā lākou.

KA BUKE ʻALUA A MOSE, I KAPA ʻIA PUKA ʻANA 3:20

“Akā, e ʻō aku nō wau i koʻu lima, a e paopao wau iā ʻAigupita me nā mea mana a pau aʻu e hana aku ai ma waenakonu o lākou; a ma hope e hoʻokuʻu nō ʻo ia iā ʻoukou.

KA BUKE ʻALUA A MOSE, I KAPA ʻIA PUKA ʻANA 6:1

¶ A laila ʻōlelo maila ʻo Iēhova iā Mose, “ʻĀnō, e ʻike auaneʻi ʻoe i ka mea aʻu e hana aku ai iā Paraʻo; no ka mea, e hoʻokuʻu aku nō ʻo ia iā lākou me ka lima ikaika, a me ka lima ikaika hoʻi ʻo ia e kipaku aku ai iā lākou, mai kona ʻāina aku.”

KA BUKE ʻALUA A MOSE, I KAPA ʻIA PUKA ʻANA 6:6

“No ia mea, e ʻōlelo aku ʻoe i nā mamo a ʻIseraʻela, ‘ʻO wau nō Iēhova, a e lawe mai ana nō wau iā ʻoukou mai lalo mai o nā mea kaumaha a ko ʻAigupita, a e hoʻopakele nō wau iā ʻoukou i ko lākou hoʻoluhi ʻana; a e hoʻōla wau iā ʻoukou me ka lima kākāuha, a me nā hoʻopaʻi ʻana he nui loa.

KA BUKE ʻALUA A MOSE, I KAPA ʻIA PUKA ʻANA 7:17

‘Ke ʻōlelo mai nei ʻo Iēhova penei, “Ma kēia mea e ʻike auaneʻi ʻoe, ʻo wau nō Iēhova; aia hoʻi, e hahau nō wau i kēia koʻokoʻo ma kuʻu lima, ma luna o ka wai ma loko o ka muliwai, a e lilo ia i koko.

KA BUKE ʻALUA A MOSE, I KAPA ʻIA PUKA ʻANA 8:10

¶ ʻŌlelo maila kēlā, “ʻApōpō.” ʻĪ akula ia, “E like me kāu ʻōlelo, pēlā nō auaneʻi ia, i ʻike pono ai ʻoe, ʻaʻohe mea ʻē aʻe e like me Iēhova ko mākou Akua.

KA BUKE ʻALUA A MOSE, I KAPA ʻIA PUKA ʻANA 8:19

A laila ʻōlelo aʻela nā māgoi iā Paraʻo, “Eia nō ka lima o ke Akua.” Ua hoʻopaʻakikī ʻia nō naʻe ko Paraʻo naʻau; ʻaʻole ia i hoʻolohe i kā lāua, e like me kā Iēhova i ʻōlelo mai ai.

KA BUKE ʻALUA A MOSE, I KAPA ʻIA PUKA ʻANA 8:22

“Ia lā hoʻi, e hoʻokaʻawale auaneʻi au i ka ʻāina ʻo Gosena, i kahi e noho nei koʻu poʻe kānaka, i hiki ʻole ai ka nalo nahu i laila; i mea e ʻike ai ʻoe, ʻo wau nō Iēhova ma waena o ka honua.

KA WĀNANA A ʻEZEKIʻELA 25:17

“A e hoʻopaʻi nui au iā lākou, me ka pāpā huhū aku; a e ʻike nō lākou ʻo wau nō ka Haku i kuʻu wā e kau ai i koʻu hoʻopaʻi ʻana ma luna o lākou.”’”

KA WĀNANA A ʻEZEKIʻELA 28:22

a e ʻōlelo aku, ‘Ke ʻī mai nei Iēhova ka Haku, penei: “Aia hoʻi, ke kūʻē nei au iā ʻoe, e Zidona, A e hoʻonani ʻia mai au i waenakonu ou; A e ʻike lākou, ʻo wau nō Iēhova, Aia hoʻopaʻi aku au ma loko ona, a e hoʻāno ʻia mai hoʻi i loko ona.

KA WĀNANA A ʻEZEKIʻELA 32:15

“Aia hoʻoneoneo aku au i ka ʻāina ʻAigupita, A e hoʻonele ʻia ka ʻāina i ko laila mea i paʻapū ai, A e pepehi aku au i ka poʻe a pau e noho ana ma laila, A laila e ʻike lākou ʻo wau nō Iēhova.

KA WĀNANA A ʻEZEKIʻELA 36:23

“A e hoʻāno iho i koʻu inoa nui i hoʻohaumia ʻia i waena o nā lāhui kanaka, ka mea a ʻoukou i hoʻohaumia ai i waena o lākou; a e ʻike nā lāhui kanaka ʻo wau nō Iēhova,” wahi a Iēhova ka Haku, “aia hoʻāno ʻia au e ʻoukou i mua o ko lākou mau maka.

KA WĀNANA A ʻEZEKIʻELA 39:22

“Pēlā e ʻike ai nō hoʻi ka ʻohana a ʻIseraʻela, ʻo wau nō ko lākou Akua mai ia lā aku nō.

KA WĀNANA A ʻEZEKIʻELA 39:7

¶ “A e hōʻike ʻia au i koʻu inoa hoʻāno i waena o koʻu poʻe kānaka ʻIseraʻela, ʻaʻole e hoʻohaumia hou i koʻu inoa; a e ʻike nō hoʻi nā lāhui kanaka ʻo wau nō Iēhova, ka Mea Hoʻāno i loko o kā ʻIseraʻela.